سمعوا شنو يقولون الكويتيين عن الزوجه الكويتية والله قهر

CENTER]السلام عليكم ياحلوين طبعا هذا أول موضوع لي ويشرفني إني أكتبه
موضوعي منقول بس أنا اللي ناقلته من ردود اشخاص في منتدى
ياحلوين كنت اتصفح احد المواقع وكان فيه موضوع عن زواج الكويتي من كويتيه وهل تأيده أو لا
وصدف إني دخلت هذا المنتدى وكان كل الرد من رياييل………………الصدمه سمعوا شنوا يقولون عن الكويتية
والزواج منها ….راح أنقل لكم بعض الردود[/CENTER]

الرد الأول:
يا خوى الكويتيه هالأيام مشكلتها مشكله !

أنا كنت أقول مثلك (الكويتيه و بس) و تزوجت كويتيه …

تداوم و ترد الساعه ثلاث تقريبا …تنام للست …بعد النومه تقوم البوز شبرين و عاقده النونه

يبيلها ساعه على ما تنحل العقده …آخر إهتمامها زوجها…و البيت و الطبخ و عاد الطلبات إللى ما تخلص…و كل شئ قاطته على الخادمه…تنظيف طبخ كوى تلاتيب الهدوم حتى تجهيز اعشا الخفيف على الخادمه ….عاد الصبح إنسى تقوملك من النوم تسويلك قهوه و إلا ريوق….
بره البيت حق الدوام و إلا بيت أهلها أحلى لبس و مكياج و عطور …و داخل البيت الله لا يوريك
عيزت أنصح و أقول و أنتقد…و طبعى أنا هادى و مو نجرى و لا أنا راعى ديوانيات و لا سهر
إلا مره بالإسبوع ديوانيه رسميه للعايله و باجى أيامى كله معاها…
ساعات أطلع من البيت من الساعه سبع لدوام و ما أرد إلا المغرب (للشغل) أييى معدوم العافيه
أبى كلمه حلوه شوية تدليك حق الريول ( reflexology) و علمتها أهمية هذا الشئ
كله الصحه و الحيويه فيه…سلامتك و لا شى بس تحلطم و شكاوى….
و بعد معاناة ثلاث سنوات و صبر طلقتها….من غير ندم و لا أسف و تزوجت بعدها عربيه
و من يومها و أنا عايش بنعيم…متفرغه لى تماما ….و للبيت …تطبخ و تنظف و ما سكه العيال بكل شى من أكلهم و تنظيفهم و تنويمهم …الخدامه للتنظيف فقط لا غير ….
أشكر الله أنه وهبنى النعيم بعد الجحيم….
وصلت لقناعه أن الترف المادى الذى تعيشه الكويتيه و الدلال الزايد جعلها تفقد شخصيتها كإمرأه
و تنسى واجباتها الحقيقيه تجاه بيتها و زوجها و أولادها….و أصبح كل همها المظاهر
و طبعا هنا لا أعمم و لكن الغالبيه هم كذلك .

الرد الثاني:
آخ منكم
الحين الكويتية مقطعة الذوق والفلسطينية ما فيها ذوق ؟
والسورية ما عندها سنع ( المركز الثاني على العالم في احترام الزوج بعد اليابانية اللي طايحت له سجود لزوجها والعياذ بالله )

أنا أبي أعرف أحسن ناس يوكلون ميري وساندرا و شيلا ولاتا بتربية الأبناء منو ؟

طايحين لي يالدوامات حش بخلق الله وتالي الليل بهالعروس

وميري تربي وتقولون خلك على الكويتية ؟

ليش شاللي غاصبنا ؟

اللي يبي كويتية الله يعينه واللي يبي غير كويتية الله يهنيه

الرد الثالث:
المشكلة كلها مشكلة العادات .. مو مشكلة قانون بس
لان هالقانون ما طلع الا من عاداتنا
ودي افهم ليش الرجل مجبور يدفع عن المرأة كل شي في البيت
وشغلها الوحيد تتنقل من عرس لي عرس
وبعدين يقول والله مرتي هايته ولا تهتم فيني
من عذرها ما تهتم فيك .

انا اقول خلوا الزواج مشترك مو عالة ، الرجل يختار شريكة حياته
والمرأة تختار شريك حياتها
من كل بقاع الارض .. لانه قسمة ونصيب

ولازم المرأة و الرجل يشتركون بمعاشاتهم لبيت الزوجية
مو اهو يشتغل و اهي تاخذ
عذرها اهو : الاسلام يجبره يدفعلي
زين ما نشوفج تجيبين طاري الاسلام ان صارت في السالفة زواج من ثلاث على راسج

قال اربع الاف للزوج قال
على اي اساس يتكفل الرجل بكل مصاريف العرس
و بالاساس ليش العرس يكون بهالتكاليف
وليش يدفعلها فلوس عشان تشتري ملابس ، اخاف كانت عايشة في افريقيا عشان يوكلها و يشربها ب8 الاف
حتى العرس لازم يكون مشترك

الرد الرابع:
ليش تداحرون خلق الله
بدال ما تقولون حق بنات الكويت تسنعوا عجزتوا تسنعونهم وصرتوا تغصبونا عليهم

على فكرة امس في الديوانية الشباب اللي ما تزوجوا كلهم من اهل الكويت قالوا واحد واحد

أنا شايل فكرة اني اتزوج من كويتية من اللي شفناه وسمعناه عن اذيتهم

اي سنع واي تعب واي شغل اللي شايلينه الله يعافيج

الكويتية في الغالب الا من رحم الله الزوج اخر اهتمامتها واللي قبل الاخير عيالها .

الرد الخامس:
أنا ما تكلمت إلا من واقع تجربة وتجارب للي حوالي

أنا ما أعرف الدواوين إلا ما ندر
أنا ما خليت الزوجة تنفق مليم واحد على البيت لأن قوامتي توجب إني أكون أنا المنفق
أنا ما أترك بيتي إلا في العشر الأواخر وهم أتابعهم وإن سافرت طولت أقل من أسبوع أو عشر أيام ومن وين لي وين .
أنا ما أخلي الزوجة تحط البيت على راسها

أنا طلعت بنتيجة إن غالب الكويتيات مو كفو زواج ولا يعرفون حقيقة الزواج

اولوياتهم الطلعة والجية
والدين على المشتهى يدورون اللي يجوز لهم
وكل كلمة والثانية زعلت عند اهلها
وترادد لين يقوم الزوج ويطبق كل اللي عرفه بالكاراتيه بحياته ويقعد يتحسف لان فعله خاطئ

وتقعد تتطلب بالنازلة والطالعة

ولا تعرف تحوف العيال ولا تمشي البيت ويمكن حتى ما تعرف تسوي استكانة شاي

في اشباه رجال يستثمرون معاشات زوجاتهم ويستولون عليها برضاهن وهي بدورها تمارس عليه نوع من القوامة لانها تنفق حالها من حاله

وفي اللي صبروا على رجال مو كفو وصانوا بيوتهم

لكن من وين لي وين

مو بس هذا بعد لو تبون أنقلكم ردود أكثر من جذي……………جد قهر

شرايكم؟

الله يستر شكلي عنست بنات ادعولي بالزوج الصالح الكويتي آمين