سوآالف العياآييز الي عنده يسيفها براآسه ويقوله لي والخصوصيات عند الاهل كلها

بسم الله الرحمن الرحيم ..

بنات عندي مشكله بحاول اختصرها وابيكم تحطون انفسكم مكاني .. ّ

بنات انا ريلي شبه بيتوتي .. انا عايشه مع اهله .. المهم

يقعد مع خواته واآيد .. ماعليه ماقلنا شي خواته بعد شنو … المشكله خواته وحده ب30 وثانيه باخر يمكن 27 .. وثالثه 23 متزوجات طبعا

.. يالله يااارب بهاليوم يصير فيهم كل الي يسوونه بالناس من نغزات وضحك ع العالم

.. اقولها من قلبي

والله ثقه يضحكون ع ناس ومايشوفون اشكالهم

صج صج مايعيب الا المعيوب

المشكله

يسولفون عنده سوالف حريم يعني بصراحه ماتنقال لريال

مثلا المرا لا تضحك معاها مثل الكره قطها ترد لك ومن هالحجي ..

المرا لا تاخذ منها اي شي الله يعينك اتطلعه من عينك ..

لا تعطي المرا ويه ترا تمصخها معاك ..

لا تعود المرا ع المطاعم

لا تخليها فاضيه اشغلهاااا حتى لو كل شي نظيف ومرتب

…………

طبعا سوالفهم مو له لا بس جنها نغزات له ..

واهوا يحفظ منيه ويقولها لي منيه

ريلي وايد طيوب وحبوب بس عنده حجي مايقولونه الريايل لحريمهم والله لمن يقول كلمه

او مثل او حكمه فيها نغزه …….. قلبي يعورني لان ادري ومتاكده انه سامعها من خواته ولا امه ..

الريال تعود صرت اكرهه لمن يتحجى ابيه بس يسولف عني ودايما اغير الموضوع بسرعه اذا قال امثال لانه يطيح من عيني

انا والله صرت اكرههم وما احب القعده معاهم اهما عندهم نغزات قويه وايد اتصيدهم واسكت

مثلا لي مريت وحده تهز راسها لاختها يعني شوفي وانا فجاه اصيد نغزتها واسكت

ومرا يضحكون جذي فجاه .. قطيعه من القهر الي ذابحهم المشكله جكر ويضحكون من الحرا ..

لا والمشكله طلعت مع وحده ورفيجاتها يايين يقولون شحلاتج جنج مو متزوجه

وتقول تصدقين سوير يقولون ان انتي تشابهيني ..

قلت بقلبي يا سلام عاد هاذي بيضه حدها بس جلحه والويه جنه صخله استغفر الله .. استغفر الله ياربي والله خلاص مليت ابي افضفض لحد

ولمن انرد البيت اتخزني من فوق لي تحت واذا ييت بسولف معاهم خوات ريلي ونستانس يسكوتوون تخيلو بنات يشتغلون علي تحقيق والله اساله …….. تقولون كاتبينها ومزهبينها قبل

والله بنات انا مو جميله حدي ومادري شنو انا عاديه مملوحه ..

كافي اني احلى وحده ببيتهم وكله يقلدوني .. هاذي مو سالفتي

سالفتي ريلي 24 ساعه مع هالعياييز ويقولون امثال وحكم كلها نغزات

وانا جم مرا اقنع ريلي نطلع برا بيتهم لان هاذا شويه من الي يصير .. احس اهوا وده يطلع بس خايف من اهله يتكلمون فيه

بنات انا لولا معاملتي الي اهيا رسميه حدي وما انزل لهم كله قاعده بشقتي

ولا جان اعلوم

ومشكلتي الثانيه .. هاذي جد قلبي يعورني منها .

ريلي الحبيب

كل الي اقوله يخره لخواته

كل شي

حتى لو قلت له باجر بروح للمكان الفلاني بشتري يروح يقول لهم

شلون اتعامل معاه

؟؟؟؟؟؟؟؟

نصحوني بنات شسوي

وسؤال هل كل الرياييل يخرون سوالف حريمهم لاهلهم ؟؟؟؟؟؟

شنو يستفيدون يطلعون خصوصياتنا ؟؟

انزين مو احنا وثقنا فيك وقلنا شنو بنسوي تروح تخر لاهلك .. قطع ليش ..