سوق الغرير

كنت في سوق الغرير امشي مذهول…وشفت مزيونه خجوله وبتبتسم
اشرتلي وغمزتني بالعيون…وقلت انا في خاطري تبغى الرقم
واقتربتلها وانا خايف تخون…وقلتلها لو تسمحين عندج قلم
قالت انا احفظ كم رقم التيلفون…وبصوت ناعم ياجماعه محتشم
صابني تشويش وزادت بي ضنون…وقلت يمكن خويدمه ماتنهظم
قلتلها شلي الغشاية يافتون…بعدها يمكن اعطيج الرقم
ويوم شفت الويه انا طحت بغبون… الغلط الي صار الله يفيد الندم
ويهها مخلوط من ستين لون…اسود من القار وتراب الفحم
وسواد الي بها كنه خذون…يظربوبه الوصفه ايام القدم
قلت يارحمن اسعفني بعون…لو نظرها بليس والله مثلي بينصدم
وانطلقت اسرع من الي يركظون…طاير في وقت الحرب في عالي القمم

ومن نظرني وقال هذا به جنون…مايهم القول انفذ باللحم
وبعظهم يتهامزوا ويتلمزون…مادروا وش حل بي وقت القسم
يالغرير ارجوك اختار الزبون…وتوصف المزيون عن راس الغنم
والذي مثلك اظنهم يعرفون…كم روعه هزت ارجال وامم
واختم ابياتي وعسى روحي تهون…والتقي المزيون ينسيني الالم