بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
سويت مجبوس الدياي ابطريقة الغاليه نونو ، طلع شي مو طبيعي والريحه اتينن ، وأحلى من أكل الطباخ ، لدرجة ان الوالده اتقول خلاص بنخلي عليج انتي المجابيس ، فقلتلها اي لا تستانسين وايد 
بس فعلا قضوا عليه ماشاءالله طلع خنين وناطح و يذوب بالحلج ، بس ما أعبر يوعانه
ياليت تعطوني طريقة الغاليه نونو في مجبوس اللحم بالتفصيل الممل
وشكرا
سويت مجبوس الدياي ابطريقة الغاليه نونو ، طلع شي مو طبيعي والريحه اتينن ، وأحلى من أكل الطباخ ، لدرجة ان الوالده اتقول خلاص بنخلي عليج انتي المجابيس ، فقلتلها اي لا تستانسين وايد
بس فعلا قضوا عليه ماشاءالله طلع خنين وناطح و يذوب بالحلج ، بس ما أعبر يوعانه
ياليت تعطوني طريقة الغاليه نونو في مجبوس اللحم بالتفصيل الممل
وشكرا
والله يعطيها العافيه الغاليه نونو
وهلا عمري الكويت
انا عندي مشكله لما أنسخ شي من المنتدى وأسيفه يطلع الكلام بالمقلوب مادري ليش ؟ علموني شسوي حول الوورلد عربي وغيرت اتجاه الكتابه و حطيتها مره ثانيه بالوسط و اخترت اللغه العربيه وهم تطلع مقلوبه ، انا راح أحطلج الطريق مثل ما نسختها ، وترا مااعر ف أحط رابط وهالسوالف ، شسوي اعليميه
بس ها؟ ترى يقولون انا عندي نفس بالطباخ مع اني ما أطبخ وايد
تبين المجبووس ماااطلبتي شى هذى طريقتي بعلمجياها وانشاءالله تسوينها خطوه اب خطوه وتاكلينها بالعافيه يااقلبي
الديايه تاخذينها تغسلينها زييييييييييييييين مازين من داخل وبره بتشوفين شغلات مثل الجبود الصغيره ودم يامد داخل بطن الديايه تغرفينهم وتقطييينهم
تالي تاخذين الديايه وتفركينها بالطحين من داخل وبره وتخلينها ربع نص ساعه تقريبا علشان تطير الزفره والطحين يمص الدم اللي بالديايه
بهالفتره انتي عندج ابره وخيط مزهبتهم علي كتر
وعندج بصل مقطع صغار صغار ومعاهم كشمش منقع تحطين عليهم شوي كركم دارسين مسمار لومي اسود وملح
طبعا كل اللي قلته لج تحطينه مطحوون
عقب النص ساعه اتييبييين الديايه وتغسلينها زيييييين عن الطحين وتحشين بطنهااا تترسينه من الحشوه هذى وتخيطين الديايه واتييبين جدر تحطين فيه ماي خالي وتقطين الديايه بالجدر تخلين الماي يغلي غلوتين بس مو وايد علشان يطلع الغفووو والزفره من الديايه
تالي ترفعين الديايه من هالماي وتحطين جدر العيش اللي بتطبخين فيه وتقطين فيه علبين دارسين وجم حبة مسمار وورق قار وشوي كركم وملح وتترسينه ماي
وتحطين الديايه فيييه وترزين الجدر عالجوله
وخلي الديايه تطبخ تطبخ وبتشميييييييين ريحة الماي تهبل وتبط الراس من زينهاااا
عندج العيش منقع وجااهز علي كتر
وتاخذين شوي بلاليط ( شعريه ) تحمسينه بالمقله لين يصير لونه بني فاتح موووووتنسينه وتخلينه يحترق ديري بالج
الديايه عقب ماتطبخ وتستوي ترفعينها من الماي وتحطينها بمشخال صغير علي كتر علشان ينزل منها الماي اذا بتقلينها بعدين مايطشر عليج الدهن واذا بتشوينها بقول لج شتسوين بعدين
المهممممممممم انيييي حق العيششش
بنفس ماي الدياي تكتين العيششش وتخلينه يقلب ويستوي وتشوفين العيش نظااا تمام وقبل مااتشخلينه كتي فيه البلاليط وحوسيه عالخفيف علشان يختلط العيش بالبلاليط
اتييين تكتين العيش بالمشخال وتاخذين الجدر تسوين فيه الفرقاعه وهي عباره عن حمسة بصل جوانح بالزيت والا الزبده انتي ومشتهاتج انا اسويها بسمن المراعي
عقب ماتحمسين البصله تخلين شوي منها بقاعة الجدر وتكتين عليها العيش اللي بالمشخال وباجي الحمسه كتيها فووق العيشششش وعندج مله صغيره منقعه فيها زعفران بماي الورد وترشينه علي العيش من فووق وحطي الحديده تحت الجدر وقصري عالجوله علشان يتسكر العيش براحته وغطي الجدر بقصدير وتالي حطي غطا الجدر
خلصتي من العيششش
تعالي حق الديايه اذا بتقلينهااا عقب مايروح منها الماي ترشينها بشوي دارسين مطحون وتقلينهااا بالمقله واذا تبينها بالفرن حطيها بالبايركس وقصي شوي بطاط حلقات وطماط حلقات سوي نص مكعب ماجي ذوبيه بكوب ماي وكتيه علي البطاط والطماط والديايه حطيها فوقهم وشوي من ماي الزعفران والهيل دهني الديايه من فوق وحطيها بالفرن تشوفينها لما تستوي تصير حمرررررره تهبل
ولاتنسين الدقووس
وعليج بالف عافيه ووقت النجاب تسلتين الخيط وتطلعين الحشوو من بطن الديايه بالقفشه وتحطينه حوالين الديايه وترزين الديايه بالنص وتعالي شووفي طبخج اشلون يصير يهبل
هذى طريقة الحشووو في بطن الديايه وتقدرين تسوينها بعد باللحم تاخذين لحمة فخذ والا ايد خروف وتشقينه بالنص وتحشينه
وعليج بالف بالف بالف هنا وعافيه
طبعا البهارات اللي تقصدها بهارات سمراء عدن ، بس انا استهدمت بهاراتنا اللي في البيت اللي من الجمعيه
عمري الكويت صادف ان الطباخ كان امسوي بعد مجبوس دياي وزفتني أمي وقالت لا تسوين وايد ، جربي أخاف يطلع مو حلو ، الله يوكيلج إلحسوا الصحن وما خلوا شي ووالله مجبوس الطباخ نصه ردوه بالثلاجه ههههههههههه
اشتهيت المجبوس وانا صايم
بجربها ان شاء الله
وان شاء الله الغاليه نونو ترد على الموضوع وتحط لنا بعد طريقة المجبوس اللحم
وتسلم ايد الغالية نونو
الحين بحط لكم مجبوس اللحم بطريقتي اللي ورثتهاااااااااااا جدتن عن جده ومن ثم امي العوده وثم امي حبيبة قلبي وثم انا سويتها وياويلي عاللمجبوووس
شوفي يمه مجبوووس اللحم يعتمد علي نوع اللحم اللي تطبخينه
اول شى اللحم العربي طبعااا هذا بالمجابيسسس يطلع قمه ولايعلا عليه من ناحية الطعم والطراوه وبريحة اللحمه نفسها
وتالي عندج اللحم المهجن هذا يشبة اللحم العربي 90 بالميه وارخص سعره من العربي
اللحم الاسترالي رخيص حيل بس اذا بتشترين الاسترالي لازم تتأكدين ان الخروف صغير
بتقولين اشلووون اعرفه صغيييييييييير بقول لج ياقلبي
<<<خبره بسوق اللحم والسمج والدياي هههههههه
تطلبين من البياع يراويج طلي استرالي كامل صغير وخليه يبطل حلج الخروف وتشووفين ضروسه صغاار وتلاحظين فخوذه وايده صغيره مووووووو معتر ولاشايب ترا اللحم الكبير مايسوااا كلشششششش ولافيه طعم ابد الا حق الهريس واليريش اذااا مااتحبين لحم البقر بالهريس واليريش مايمنع تاخذين استرالي كبير شويه مو وايد
انييييي حق اهم خطوه واهيا اشلون تختارين اللحمه حق المجبووس ياقلبي احسن قطعه بالخروف حق المجابيس الفخذ والايد والارقبه حلوه بعد
بس الضلوع والارقبه تخلينهم حق المرق
الحين عندج اللحم هبراات مجكنمه مو كبيره حيييل ولاهي صغيره
من الليل اذا لحمتج طريه تبليها بكاري ودارسين ناعم وهيل مطحون وخليها بالثلاجه واذاا مفرزنتها طلعيها من الليل بره موتحطينها بالماااي لاااااااا اكبر غلط تحطون الايداام بالماي ويذووب من الثلج
نفس الطريقه تبليها وخليها بوساعتين تقريبا
بهالساعتين شتسوين انا بقول لج يمه
تغسلين العيش وتنقعينه
عندج بصل قاصته شرايح
بطاطتين او ثلاث قاصتهم حلقات
مله صغيره منقعه فيها زعفران وماي ورد وهيل مطحووون بودر
تسوين الدقوس تزهبينه
عندج الكشمش منقووع
بصل مقطع صغار حق الحشووو
بلاليط محموووس بشوية زيت لونه مايل للبني الفاتح عسا الله يفتحها عليكم دنيا وآخره
جذي انتي زهبتي كل شي يالسنعه فديت قلبج
تروحين تاخذين اللحمه طبعا انتي تكونين غاسلتها قبل التتبيله مالتج تشليلنها من الماعون وتحطينها بجدر وتحطين عليها الماي ورزيها عالجوله اشويه تعطين المااي فووحتين بسسسسس
وتالي ترفعين الجدر من عالنار وتاخذين اللحمه بملااسج المشخل وتحطين اللحمه بجدر الطبخ اللي بتسوين فيه المجبووس
حطيتي اللحمه وعليها الماي تاخذين راس بصله قشريه وعطيه طقتين بالسجينه سوي علامة + بس لاتنفلششش موليه
وقطي راس البصله عاللحم
وحطي بهارات البرياني اللي مخلوطه فيها ورق قار ودارسين عدل ومسمار(قرنفل) وكزبر وفلفل اسود وحبة حلوه تاخذييييين شويه من هالبهارات العدله وتحطين منها عالماي
بدوووووووووووووووووووووون ملح ديري بالج الملح مووو الحين تحطينه خليييييه لين اقول لج متي
تدرين ليش؟؟؟؟؟؟؟؟؟؟؟؟؟؟؟؟؟؟
لانه اللحم ان حطيتي عليه ملح بماي السلق ماايستوي اللحم ويصير عرد
المهممممممممم خلي االلحم بالماي وخليه يطبخ علي راحته ليمااااااا تحسين ان خلاااص استوي اللحم
اشلون تعرفينه استوي ترفعين قطعة اللحمه بالملاس وتمرسينها بطرف اصابعج وتشوفينها ذابت استوت اهني خلااااااص
ترفعينهااااا وانتي مزهبه مشخالج وتحته ماعون علشان مايخرخر الماي
تقطين اللحمه بالمشخال واتييبين ماي الزعفران وعلشان تعطين اللحمه لوون حلو حطي شوي صبغة الزعفران وملح ولوصي اللحم بهالماي الاصفر ماي الزعفران مردغيها زيييين مازين
وتالي رشي عليها شوي دارسين ناعم وخليها علي كتر ليما تحسن اللحمه ناشفه ماعليها ماي
حق المجبوس طريقتين حق العيش طريقه الاولي اهياااا
اتييين حق جدر الماي طبعا ماي سلق اللحم تشخلينه وتاخذين اللي باقي وزيديه اشويه ماي وحطي الملح وورقتين قار وعلبين دارسين وتخلين الماي يغلي وتكتين العيش وقبل مااااتشخلين العيشششش تكتين البلاليط المحموس وتحوسينه عالخفيف علشان مايتكسر العيش بس المطلوب انج تخلطين البلاليط بالعيشش وتالي تشخلينه
اتييبين الجدر وتحطين فيه شويه سمن المراعي والا دلال واللا اي نوع سمن تحبينه وتقطيم جوانح البصل وتحمسينهم ليما يصير لونهم مشووقر ترشين عليهم شوي نقطتين بسسس من منقوع الزعفران علشان يصير لونهم مشوقر علي برتقالي يعطي الجوانج لون يهبل عقب ماتحمسين البصل فرغيه بماعون وخليه علي كتر وتاخذين البطاط وترصينه بقاع الجدر وتكتين عليه العيششش وتحطين علي ويه العيش البصل اللي حمستيه( الفرقاعه) وترشين عليه شوي ماي الزعفران لانج بتنجبين العيش واشزينه يطلع معاج العيش لونين ابيض واصفر
والطريقه الثانيه للعيشش
ماي اللحم عقب ماتشخلينه تكتين فيه العيششش وتخلين الماي ارفع من مستوي العيش بسانتي واحد ولما تشوفين العيش ابتدا يتشرب الماااي تحطين تحته الحديده وتقصرين عليه
وتكونين مسويه الفرقاعه مزهبتها
طبعا عقب ماااتشوفين حبة العيش مستويه ترشين علي العيش الفرقاعه وشوي ماي زعفران وتصكين الجدر بالحالتين الاولي والثانيه بقصدير وتحطين الحديده تحت الجدر وتقصرين عليه تخلين العيشششش ياخذ حاصله ويستوي
اتيييين حق الحشوووو
>>> تهمز ريلها تربعت واخدرت ريلها هههههههههه
المهمممممم تاخذين المقله وتحطين فيها البصل بدون زيت ولاااااااااااااااااشي
وتخلين البصل يستوي ويمج قلاص ماي من المصفي
وكلما شفتي البصل ابتدا لونه يصير بني خفيف ترشين الماي رشششش وتحركين البصل عالخفيف بتشووفين الصبغه اللي تطلع من البصل مجدر ماترشين الماي تختلط بالبصل وتقلبين البصل لييييييما لونه يصير بني فاتح وبنفس الوقت البصل يذبل اتييييين اهنييييييي تاخذين الكشمش تطلعينه من الماي وتعصرينه بيدج يعني تخمطين بيدج وتعصرينه وتقطينه عالبصل وتحمسينه ولااااااازم تكون الجوله علي العين الصغيره علشان مايحترق الحشوو عندج عقب ماتقطين الكشمش عالبصل تحطين نتيفة زبده والا سمنه عالحشوووو وتحمسينهم وتحطين عليهم
دارسين مطحون ومسمار مطحون نتيفة كركم بهاراتج الكويتيه المطحونه هيل مطحون ملح شويه وبعضهم يحبون يحطون معكب ماجي بدال الملح
وتحمسين تحمسيييييين ليما تشوفين البهارات اللي حطيتيهااااااا اختفت بالبصل والكشمش وبعض الحريم يحبون النخي المكسر مال الحشووو بدال الكشمش انتي ورغبتج ياقلبي وشتحبين تحطين حطيه الاثنين بنفس الطريقه
تاخذين الحشووو عقب مايستووووووووووي وتحطينه علي العيششش فوووق وتغطين الجدر
تالي كلشششششش تاخذين اللحمه اذا بتقلينها بالزيت انا افضل زيت الزيتون وانتو بكيفكم اللي تحبونه سوووه
احمر اللحمه تراااا ماااترااااااا ماحمشهاااااا حيل علشان ماتصير يابسه يعني علي قولتهم تشويح بسسسس بالزيت يدووب اعطيها لون ذهبي ومع صبغة الزعفران اللي فيها يطلع اللون خيااال
وعقب ماتقلين اللحم تحطينه عالعيششش بالجدر وتغطين الجدر علشاان العيش ياخذ نكهة الحشوو واللحم
واذا تبينه مشوي بالفرن ترصينه بالبايركس وتدهنينه بالفرشه يدووب تلمعين قطع اللحم بسس وترشين عليه دارسين وهيل وتحطينه بالفرن اشووويه ياخذ اللون اللي نبيه وتطلعينه وتحطينه بعد عالعيشش
وهذااا المجبوووس اللي اسويه ياقلبي انتي ويااها عسااا يازت لكم طريقتي وجربووها وانشاءالله بتصيرون احلا واحلاااااااااا واقدع طباخات ببيوتكم بإذن الله
لاتنسين تزهبين السلطه والمعبووج والخضره واللبن البااااااااارد والرقي وهني وعاافيه علي قلوووبكم يارب
فدييييييييييييييييييييت قلبج جاوورنه والله ياقلبي مااادري اشلوون اشكرج غلاتي واايد متعبتكم بالمنتدي انا سامحوني ههههههههههههههههههههههههه
والله عليميه وماااعرف زييييييييييين فديتج يازين دخلاتج بالخاص اذاااا سهيت نادووني وانااااا بتشووفوني لكم عين فرش وعين غطاا ياقلبي
عليكم بالعافيه واللي ودها تعرف اي شى ماراح ابخل عليها بالرد ولكم عيووووني المركبه بدون عدسات ياقلبي انتي وياها
طباخج خنيين الغالية نونو
تسلم ايدياتج والله يلبسج الصحة والعافيه