سيدة الفصول الاربعه

يا سيدة هذي الفصول الاربعه نفح السهول
حتى تباهت بك فضاءات الضيا من مطلعه
فاض القصيد اللي لـ أهدابك تطاير للفلول
كل الفلول الشاردة جادت ب طيف ٍ تتبعه
لل طارف اللي أبجدياته توّقد لـ الشمول
والشمس تسترجع ملامحها ,, و مرت طـيّعه
أتأملك في سيرتك حتى نما شرحٍ يطول
والنجم يتوكأ على السيرة وهذي أنتي معه
أرق من هالما ,, يرق الطرس في نهج العقول
كالنثر في أكمام نــــّوارٍ, معاني تجمعه
جيتي البلاغه اللي تزاحمها أماني ما تجول
إلا محاسنها ,,,, على دوح ٍ وريف ٍ مرتعه
من علم الراوي , عن (الإيضاح) لو كلي فضول
تستنطق أقلام ٍ تنمنمها الرجاحة المقنعه
من علم الراوي عن (الإيجاز) في كل الحلول
حتى استمد الدهر تدبيره علومه و أفرعه
من علم الراوي عن (الإمكان) له عدل وقبول
من علم الراوي ( التلطف ) في قلوب ٍ توسعه
حتى تبادت في نواظرهم ,, إمارات الذهول
و الفخر يتفرع فخر لجلك ويجزل مرجعه
أكرم بها حكمه ,, لها الإجلال في طرف ٍخجول
يا موطن ٍ ياما تجلت به الفضيلة و ترفعه
حين الفضايل في سما الجوزا , لها العليا تنول
لله در المعلمه , والرايده , والمبدعه
علــــّمتي هذا الفجر يتهادى ,, بأطياف الفصول
لامن غديتي الغيم هتـّـــانه يفيض بـريـّعه

دع المحامد تولج الدنيا على فعل ٍ وقول
لعيونها ,,,, يا سيدة هذي الفصول الاربعه