شالحل اذا الريل طاح من عين المرة ؟

السلام عليكم بنات

السالفة سالفة رفيجتي امس تسولف لي

شالحل اذا الريل طاح من عين المرة ؟

رفيجتي صارلها 5سنين تقول اول الايام مستانسه و حالهم اوكي

تقول كل شوي تكتشف شي بزوجها طلع جذااااب حتى الي ماله مصلحة يجذب يجذب سبحان الله طبع

حرامي تقول يبوق بطاقتها و يسحب ماتدري تنصدم لي بغت شي مافي رصيد

يبطل بوكها و ياخذ الموجود

تقول اول الايام شكت بنفسها قامت توسوس متى سحبت متى اخذت تقول ينيت البطاقه معاي محد يسحب غيري

الله كشفه مره بتطلع بتروح لهلها و وردت و الا الريال ماسك بطاقتها ؟؟ يا فلان بطاقتي ليش ماخذها ومتى و ليش قام يجذب لقيتها طايحه و هالسوالف

ثاني مرة فقدت كل ذهبها سألتها قام يحلف قالت بدق على الشرطة طلع ودزلها مسج انه هو الي ماخذهم لحاجة بس ليش ماقال و ليش ما اعترف الا بطاري الشرطة ؟؟

الطامة الكبيرة تقول كانت توفر لولدها تقول لما بغيت اسويله حساب توفير قالت الموظفة لازم الميلادية عشان انتي تتصرفين بالحساب عشان يبين انج امه تقول ماكانت معاي فخليت الاب هو المسؤول بس ما طلعت بطاقه عشان ما اسحب وظلت كذا سنه تحرم نفسها بالمية و الميتين من معاشها لحساب ولدها

و المفروض وفرت الاف يوم احتاجت وراحت البنك و الا الرصيد صفر و طلع ان زوجها كل راس شهر يروح ياخذ الي تحطه من البنك يسحبه من البنك داخل مو بطاقه سحب

صدمات ورا بعضها تقول كرهته الريال طاح من عيني ماقدر احترمه ولا احبه ولا حتى اجامله

حياتها جحيم

تقول حتى مع الناس عرفو سوالفه يتسلف وياخذ و ينحاش يغير رقم تلفونه

مع الشركات ياخذ تلفونات ومادري شنو و هذا ويه الضيف

حتى اهله عرفو سوالفه و شالو ايدهم منه

البنت عندها 3 عيال و طلاق ما تبي لان اهلها مو من الي يساعدون بالامر لو ان اخوانها مو مقصرين معاها اذا قصرها شي لانهم عارفين ريلها و سوالفه

بس تقول حياتي جحيم ماكنه ريلي ماحبه ما احن عليه ما يكسر خاطري و لا بينهم علاقة زوجية من زمان تقول كيفه انا مستحيل اكون له اذا هو عاجبه الوضع يحمد ربه قاعد اصرف على نفسي وعيالي و الخدامه وساتره عليه مو عاجبه خل يطلق و اطلع كل حقوقي من عينه وزوجها عليه قروض ماتخلي من معاشه شي والقروض تحلف تقول مادري قطهم على شنو او على منو لان ريلها جذاب مايقول الصج

تقول كلن بغرفه ما نتكلم الا بالطلبات هذا اذا ياب شي كله عليها اهيا موظفه ومعاشها زوين

كسرت خاطري مادري شقولها مادري شالحل تدودهت

صراحه سوالفه تفشل وما الومها اذا صدت عنه

بنات شنو الحل