شاللي قاعد يصير بالنوادي ؟؟؟؟؟؟؟؟؟؟

قوة بنات
بنات انا عمري ما اشتركت بنادي للرياضة
ودايما اشوف البنات اللي يدخلون الأندية شلون يضعفون من الأجهزة والسباحة
وكنت دايما احن على زوجي اني اشترك بس رااااااااااااااافض بالمرة ويقولي انه يسمع بلاوي من ربعه اللي حريمهم بالنوادي وطلعوهم

كل كلمة والثانية يقولي مابيج تشوفين باللي اسمع فيه
ومابيج تتعرضين لشي
مع العلم انه رافض هالشي من اول ما تزوجنا ولي اليوم

وانا والله والله اني مو عارفة شنو اللي قاعد يصير اصلا

وفهمته اني ادخل مكان معروف مو اي شي
بس قالي ( غسلي ايدج )
وشرالي اجهزة بالبيت واشرطة وقالي سويي اللي تبينه بالبيت نادي ماكو

فهمته السالفة مو بس سالفة رياضة هم ابي اغير جو ومكان واستانس وانا رايحة النادي
قالي لأ
من فترة اتفقنا انا نشترك انا معاه بالإليزيوم عشان يكون معاي نروح مع بعض ونرجع مع بعض اهو صوب الشباب وانا ادخل صوب البنات
ولما صارت الصجية قالي لأ

زوجي ما يمنعني من الطلعة والروحة الحمدالله مو صاك علي
ما عدى هالموضوع مسويله ازمه
مع انه حتى خواته يدخلون النادي بس انا محرم علي هالشي حتى لو اقول له اختي بتشترك بشترك معاها يقولي اختج كيفها بس انتي ماكووووووو

اللي بس ابي اعرفه شنو اللي قاعد يصير بالنوادي وشنو الفكرة اللي ماخذينها الرياييل عنها ؟
اهو اللي في باله اشياء اخلاقية مو زينة قاعده تصير ويقولي انا واثق فيج بس مابيج تدشين هالأماكن