بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
حبايبي كل عام وانتو بخير وينعاد عليكم العيد بصحه وعافيه يا رب
بغيت اسألكم اذا في وحده تعرف عن شاليهات او منتجعات بقطر
لأني ناوية اروح لها بالعيد ان شاء الله
لا تخلوووووووووووووووونيييييييييييييييييييييي
حبايبي كل عام وانتو بخير وينعاد عليكم العيد بصحه وعافيه يا رب
بغيت اسألكم اذا في وحده تعرف عن شاليهات او منتجعات بقطر
لأني ناوية اروح لها بالعيد ان شاء الله
لا تخلوووووووووووووووونيييييييييييييييييييييي
و بتابع موضوعج يمكن البنات يفيدونج
و بتابع موضوعج يمكن البنات يفيدونج
حبيبتي ام حمني امبيه حرام عليه ريلج
امس انا وريلي دشينا مواقع وشفنا اشياء وايد حلوة هناك
وعندج حبوبة موضوع هني بالقسم مثبت عن قطر دشي شوفيه
ومشكورة عالمتابعة
انا نفسج بغيت رحلة رومانسية بس مع اليهال الله يحفظهم ماعتقد فيه رومانسية
الله يرفع قدرج وشانج ويا رب تتوفقين في رحلتج
مشكورة يا قلبي ما قصرتي.gif "Eh S(6)")
حبوبة اذا عندج مواقع هالأماكن يا ريت والله تحطينها
اذا تبين فنادق حلوة احجزي بالفورسيزن والريتز او جراند حياة او دبليو
منطقتهم روعه لكن غاليه واذا تبين فنادق رخيصه شوي هم قوليلي
واذا جيتي عليج بمجمع فيلاجيو حيل روعه وجنبه مجمع الحياة بلازا
ولاندمارك والسيتي طبعا واذا تبين مجمع الرويال بلازا صغير هو بس فيه شغلات حلوة
وطبعا حطي ببالج سوووق واقف اللي يجي قطر ومايروح سوق واقف ولا كأن جا قطر
و اذا تبين شغلات مثل البخور والهدايا او سائق يوديج اي مكان قوليلي باعطيج كل شي
واذا تبين محلات للمواعين راقية والتسوق البيتوتي قولي لي
ترى قطر فيها محلات روووووووعه لكل شي
اذا تبين فنادق حلوة احجزي بالفورسيزن والريتز او جراند حياة او دبليو
منطقتهم روعه لكن غاليه واذا تبين فنادق رخيصه شوي هم قوليلي
واذا جيتي عليج بمجمع فيلاجيو حيل روعه وجنبه مجمع الحياة بلازا
ولاندمارك والسيتي طبعا واذا تبين مجمع الرويال بلازا صغير هو بس فيه شغلات حلوة
وطبعا حطي ببالج سوووق واقف اللي يجي قطر ومايروح سوق واقف ولا كأن جا قطر
و اذا تبين شغلات مثل البخور والهدايا او سائق يوديج اي مكان قوليلي باعطيج كل شي
واذا تبين محلات للمواعين راقية والتسوق البيتوتي قولي لي
ترى قطر فيها محلات روووووووعه لكل شي
مشكورة حبيبتي ما قصرتي
الصراحه وايد فرحتني مشاركتج
انا عجبني وايد منتجع سيلين بس ما عرفت اسعاره يا ريت تعطيني فكره عنهم
وبالنسبة للفنادق انا ما يهمني سعره المهم يكون فيه جاكوزي (ابي احتفل مع زوجي بعيد ميلاده هناك)
وطبعا اذا ما اكلف عليج بغيت الأماكن اللي قلتي عنها مبين عليها حلوه وتسوى
واذا تعرفين الطريج بالسيارة بعد اكون شاكرة لج وايد
والله يجعله في ميزان حسناتج يا رب
يعني عندكم يمكن يطلع حول 200 او 220 تقبريبا
اختي اذا حاطه ببالج هدايا معينه تشترينها قوليلنا بندلج على اماكن حلوة
اذا تحبين البخور والعود وهالشغلات
عندنا محل شمسة المهيري الاماراتيه اذا تحبين هدايا مميزة يعني
اذا ما عندج مانع بالخصوصية المبالغ فيها
ليش ما تجربين شاليهات جراند حياة ؟
حلوة عباره عن فلل وعالشاطيء واجارها 6000 ريال
و اجدد والفطور فيها مجاني لمدة اسبوع اعتقد
هم يسوون عروض شهريه يعني انتي اسأليهم بخصوص الاسبوع الواحد بالشاليه
بكم وشنو يقدمون لكم و اللي تبينه
لكن انا سمعت انه راقي وحلو لكن مافيه الخصوصية التامه يعني يصير تشوفين الفيلا اللي جنبكم من بعيد
لكن ماعتقد بشكل واااضح لكن يعتبر فندق غير عن سيلين منتجع وبخدماته
ابي احن على زوجى الا أروح مالى شغل
قطر صارت اتيين انصدمت لما رحت وايد كويتيين يروحون بالويك اند
روحي( فندق شرق ) اينن في شاليهات مثل هيلتون المنقف عندنا بس وااااااااااااااايد احلى من الهيلتون
وفي بالفندق ( رومانتيك دينار) يعني عشا رومانسي رووووووعه روووووووعه روووووووعه شي خيال
روحي منطقة الدفنه وركبوا المراكب إلي عالبحر روووووعة و روحي مشروع اللؤلؤة شي اكثر من الخيال ومثل ماقالوا باجي البنات المولات اتينن واولهم فيلاجيو طبعا
يلا انشالله تروحين وتستانسين وترجعين تقولينلنا وين رحتي
الصراحه كفيتو ووفيتو
والحين راح اغير السيرج لأن اليهال الله يحفظهم ما يبون يسافرون بالعيد
يبون يمعة الأهل والوناسه بالمجمعات
عشان جذي شكلها بتكون السفرة خفيفة من غير شر
انا و ريلي صرنا ادمان الكرك
تعرفين الكرك والا ؟ ههههههه تذكرت حلقة ام سعف
شوفي اذا رحتي لاندمارك في جنبه محطة بترول قريب من معرض سيارات
في كفتيرها اسمه النعيمي يسوي كرك رهيب طبعا هذا مشهور بقطر
روحي اذا مع ريلج وشربي كرك هههههههه بخربكم شكلي
بس ترى الكفتيرها بمحطة البترول لكن لافتته مو باينه قدام لا من ورا بس سألو وبيدلونكم
شيئين اذا جيتي قطر وماسويتيهم ما كأنج جيتي قطر
سوق واقف + الكرك