بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
يابنات هل الموضفات الي عندهم اطفال يقدرون يعيشون بدون خدامه؟
لان انا ما اواطن الخدم خلاص كرهتهم حتى لو زينه اظن فيها ظن السوء بدون قصد
اذا بجه احد من اعيالي سيده اقول بقلبي انها طاقته واكرهها واحط دوبي دوبها اخاف على عيالي حيل
منها معن اشتغلو عندي بس خدامتين واحس قلبي مو متطمن
خصوصا ان عندنا طباخه فبيت حمولتي
وكل ما اطلع واخلي عيالي بالبيت مع الخادمه ادقدق واذا ماردت علي الخدامه ابجي واخترع
واقطع طلعتي وارد البيت واسال عيالي شفيكم شسوت لكم طقتكم ولا لاء قاعده عندكم ولا رايحه مكان ومخليتكم
وانا على يوم بيصير فيني شي من التفكير والمحاتاه
والمشكله ان هالطبع وراثي بالعايله الكريمه
الوسواسيه الزايده عن الحد
يالله شجعوني وقووني نفسيا
يابنات هل الموضفات الي عندهم اطفال يقدرون يعيشون بدون خدامه؟
لان انا ما اواطن الخدم خلاص كرهتهم حتى لو زينه اظن فيها ظن السوء بدون قصد
اذا بجه احد من اعيالي سيده اقول بقلبي انها طاقته واكرهها واحط دوبي دوبها اخاف على عيالي حيل
منها معن اشتغلو عندي بس خدامتين واحس قلبي مو متطمن
خصوصا ان عندنا طباخه فبيت حمولتي
وكل ما اطلع واخلي عيالي بالبيت مع الخادمه ادقدق واذا ماردت علي الخدامه ابجي واخترع
واقطع طلعتي وارد البيت واسال عيالي شفيكم شسوت لكم طقتكم ولا لاء قاعده عندكم ولا رايحه مكان ومخليتكم
وانا على يوم بيصير فيني شي من التفكير والمحاتاه
والمشكله ان هالطبع وراثي بالعايله الكريمه
الوسواسيه الزايده عن الحد
يالله شجعوني وقووني نفسيا
(اتق شر من احسنت اليه بدوام الاحسان اليه ) يعني داومي بالاحسان للخدامه عشان تتقين شرها
احس صعب الموظفه تستغني عن الخدامه
الله يريح قلبج ويخليلج عيالج قولي امين
شوفي الخدامه ماتضايق وله تطق اليهال الله لمه يطقونها او او اتعرفين حركات اليهال غير جذي مستحيل تطق او السوي شي
في خدم انتي تحسين ماتتحب اليهال ابين عليه هذي لاتقعدينها عندج مدام عندج يهال بس اذا انتي شايفتها انها زينه واعيالج احبونه لالالاتخافين
شسوي انساحلهم والله عشان يصيرون زينييين
والله خير الحافظين الله يسهلج دربج وووفقج حبيبتي
إذا أي خلاص تؤكلي على الله ورجعيها وإذا لا حاولي تشيلين الوسواس منج ..
وفي نفس الوقت اكرميها واحسني معاملتها
وادعي ربك في كل صلاة إنه يحفظ عيالك
وكل يوم ارقيهم بآية الكرسي في الصبح والليل
بصراحه الخدم شر لابد منه
صراحه الله يعينج لو بتستغنين عنها
يعني انتي قادره على الغسيل و التنظيف و الركض ورا اليهال ؟؟؟
اذا اي براحتج استغني في الف عايله يبون خدم تقشف خدام هالايام
اذا ماتقدرين و اهي حليوة بس انتي شكاكه زياده عن اللزوم تعوذي من ابليس و خليها تنظف و تغسل لا تمسك اليهال
و اذا طلعتي نزلي اليهال عند حمولتج ولا اخذيهم معاج
صج فى عوايل بدوون خدم خصوصا هالفترة حيييل تقشف بس تراا موسهلة المساله خصوصا وفيها اطفال ودوام حيييل صعبة
الموقف هو اني دخلت على الخدم اللي ببيت أهلي طبعا اكثر من وحده 3 خدامات من جنسيات مختلفه وكان الفجر (طبعا ماتوقعوا ان احد بيدخل عليهم بهالحزه ) أنا كنت بآخذ ألأوتي من الغرفه .. وانصدمت ان وحده من الخدامات لامه الخدامه الثانيه >> شفتي لما تهزين ولدج بحظنج عشان ينام….. بهالطريقه
كرهت انام عند اهلي عشان خدامتي ماتتأثر بالخدم اللي هناك … >>> وبدأت اشك بالخدم كلهم صراحه من هالموقف وادق كل شوي على عيالي واكلمهم واكلم الخدامه ..
الله يعينا عليهم شر لابد منه ..بس فتحوا عيونكم عليهم ترا بعض الخدامات يخربون الخدم الزينيين
واهلنا ربونا من غير خدم
انا اقولج قطعي الوسواس الزايد
المفروض اتعرف انج حريصة على عيالج بس مو ليدرجة الوسواس
الله يعينج
وليش قلتوا عنها وسواس ليش مو حرص
الخدم هالوقت مايتأمن لهم
ودام منتو قادريت على بيت وعيال ليش تفتحون بيوت
كل سنة يايبين ياهل وقاطينه على الخدم خير ان شاء الله
اذا ماتبين الخدم احسن نظمي وقتج والطباخ ممكن من حمولتج ولا اهلج الغدا والباقي مقدور عليه
الهدوم غسالة اوتوماتيك
والله يعافي المصبغة وانتهينا