شرح اشهر الامراض .

التشخيص:
ممكن الدكتور بالففحص اليدوي الداخلي يقوم بفحص المبايض ويحس بوجود تكييس او لا وعقبها لازم يسوي سونار

في بعض الحالات ممكن يكون تكييس المبايض من غير اعراض وهنيه ايي دور السونارultrasound الي راح يبين اذا في تكييس وشنو حجمها وداخلها سائل ولا ماده اخرى
,وفي بعض الحالات ممكن الدكتور يطلب اشعه الرنين المغناطيسي او الاشعه المقطعيه

اما اذا الدكتور اشتبه بسرطان المبيض فنه يطلب تحليل بروتينCA-125في الدم واذا طلع اعلا من الطبيعي يكون التشخيص سرطان لكن مو شرط سرطان المبيض لان هالبروتين ممكن يرتفع مع انواع سرطان اخرى مثل سرطان القولون
وومكن الدكتور يقوم بعمل منظار ويقوم بازالة التكييس ويرسلها للمختبر يعني المظار للتشخيص والعلاج بنفس الوقت

نيي حق اهم شي وهو العلاج الي يعتمد على العمر واذا وصلتي حق سن اليأس او لا ونوع وحجم الكيس
*في بعض الاحيان لايستخدم اي علاج ..يعني نسوي السونار وبعد شهر نعيده لان عادة الكيس يختفي وخصوصا في النساء الي ما وصلو لسن اليأس ممكن الكيس يختفي منه لنفسه بدون علاج
*حبوبمنع الحمل اذا كان الكيس حجمه كبير فحبوب منع الحمل تقوم بتعديل مستوى الهرمونات في الجسم وبالتالي ينكمش الكيس وبنفس الوقت تمنع تكون اكياس اخرى

*واخيرا يكون التدخل الجراحي اما بازاله التكييس فقط او المبيض الي فيه التكييس
اتمنى لكم دوام الصحه

المرض التالي نشاط الغدة الدرقيه
اتمنى تفاعلكم لان والله تعبت على الموضوع

يعطيج العافيه يا قلبي

وننطر الغده الدرقيه

جزاج الله خير وماقصرتي وياريت تعرضين علينا اكثر الا مراض الجنسيه اذا ما تعب عليج

الغدة الدرقيه
تنقسم الى قسمين الفص الايمن والفص الايسر ويربط بينهم isthmus ومكانها حساس عشان جذي اذا تضخمت هلغدة ممكن يعاني المريض من صعوبه في البع او تغير في الصوت

الغجة الدرقيه تقوم بافراو هرمونين T3 و T4 وهلرمونين يقومان بالتحكم بعمليه حرق الطاقه وبناء ووظائف اجهزة عديدة في جسم الانسان..
ولازم نعرف ان الغدة الدرقيه نفسها يتحكم فيها جزء في الدماغ والغدة النخاميه
يعني الجزء الي في الدماغ يقوم بافراز هرمونTRH الي يحفز الغدة النخاميه ان تفرز هرمون TSHالي بدوره يحفز الغدة الدرقيه وتقوم بافرز الهرمونينT3 و T4 مثل ما احنا شايفين بالصورة

شنو نفهم من هلصورة؟؟؟ نفهم ان اذا ارتفع هرمون الغدة الدرقيه فهذا مو معناه ان اكيد السبب من الغدة الدرقيه ممكن يكون اما الجزء الي في الدماغ او الغدة النخاميه…..يتبع

يعطيج الف عافيه على مجهودج
بس انتي شارحه امراض او اورام المبيض بشكل عام
تكيس المبايض اللي اغلب الناس يسألون عنه اسمه polycystic ovary و يختلف عن اورام المبيض المنفردة سواء حميدة او خبيثه

وحتى علاجه غير يعني ما يسوونله عمليه ولا يشيلون التكيسات لانهم صغار بس في عملية ممكن يلجئلها الدكتور اذا فشل العلاج الدوائي و هي ovarian drilling يسوونها بالمنظار بس طبعا لها اثار جانبيه

يعطيج العافيه

والله يبعد عنا الامراض ويشافي مرضانا

مشكورين والله رفعتو معنوياتي لان جد تحبطت ان الردود شويه