شروط بونص المليفي للمعلمات .

والله يباركلها برزقها

لاكن اذا كانت هذي احد الشروط فالمفروض يوفرون دوره تدريبيه لهشي لانه تصميم الموقع ماهو شي هين مثل مانتو متخيلين
يبيله دوره مو اقل من شهر
و االله يوفق الجميع

اقتباس:

المشاركة الأصلية كتبت بواسطة ورده حنونه قسسم بالله كلامج اميه بالاميه صح ناس مو كفو تاخذ و ناس متقطعه مظلومه .. الله المسسستعآن .. بس انا الحمد الله علاقتي مع الناظره و الوكيله تمام وعآل العآل بس أنا كله اسوي انشطه … .. ( من عمل عملا فلـ يتقنه ) قلت اشوف شروط البونص خو أنا بدون بونص و الحمدالله بس لاني .. مشتهيآ تكون هسسنه غير كل سنه .. للعلم مب أنا الابله .. أمي الابله و بتستفسر ومو عشان اهيا امي امدحها بس انا هسنه اخر سنه معاها بالمدرسه و قسسم بالله الكل يشرق بأسمهآ انشطه و مراجعات و و و مو سنه من جيتهآ الثانويه و كل البنآت عآرفينهآ … الله يعطيهآ العافيه فديتهآ على قولتهآ الي يحب وظيفته يبدع فيه .. انشهد و أب اب لعيون أبله أمي

وا نا بعد اقول المعلمة المخلصة تغسل يدها من البونص وحتى الامتياز اقول قصتي وقصة كل معلم مخلص .. بداية العام الدراسي كنت النحلة في المدرسة الأفكار الأنشطة حتى الورش والإبداع ما خليت شي ما ما ساهمت فيه حتى اني كنت مطراش الناظرة اقصد للمهمات الرسمية روحي يا أبلة وتعالي يا أبله طبعا كنت متصورة اخذ تميز حصصي ابداع ما أمدح نفسي لكن هذا الشئ بشهادة الجميع يعني مطبقة كل شروط الامتياز ولا بعد خابه عمري متصورة اني خلاص وصلت القمة المهم ما اطول عليج بس ما كنت كلكجيه يعني كنت احب عملي من قلب ومخلصة ومحتسبة عملي لوجه الله وحده تقول هذا الشئ اكيد خيال .. وفي الأخير عطتني الناظرة اقل تقدير من بين زميلاتي الكلكجيات انا كنت حق الكراف والشغل وتشد في الظهر وقت الشدايد والباقيات حق صبغ الطوف ودهن سير الناظرة ورئيسة القسم والموجهة كنت اعمل بصمت والحصيلة اني كنت عند الصجية وقت اعداد التقارير صفر على الشمال .. يعني لا احد يتعب نفسه بهدف الأمتياز والبونص حتى لا ينصدم بالواقع هذا ابونص مفصل تفصال لفئات مقربة من الناظرة والإدارة تعرف تدهن السير حتى يسير بس لا بد ان نحتسب الأجر على رب العالمين وهذا اهم شئ انا صراحة ما عاد يهمني امتيازهم ولا حتى بونصهم راح كادر موضى وجا بونص المليفي انا مالي نصيب لا في كادر موضي ولا بونص المليفي خلنا على معاشنا والعقلان على الله .. وياليت نسلم عليه .. ونحمد الله ونشكرة وهذا المعاش نصه طاير للوسائل التعليمية والنصف الثاني على الورش والدروس الريادية بس لنا طلب واحد من المليفي .. ينزل لنا كادر خاص تحت بند ( الورش – والوسائل التعليمية والدروس الريادية ) ودمتم سالمين …
استغفر الله العظيم واتوب اليه.