تخطى إلى المحتوى
الرئيسية » شريت كفر الإستقبال بس محتارة

شريت كفر الإستقبال بس محتارة

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام عليكم
شريت كفر الإستقبال بس محتارة تدرون ليش محتارة ومووو مقتنعة لأن لونه أسود !!!!!! لا تسألوني ليش لأن شريته وانا كنت تعبانه ( بس أهوا اسود ومطرز بذهبي)
المهم شريت معاه شراشف ومخدات ذهبي علشان تفتح
وكوشيات ذهبي علشان تفتح الموضوع بعد
والطامة الكبرى اني سويت الكاكو وخلصت بس سويته كله لون ذهبي بس شريطه بسيطة لونها اسود علشان تمشي بالموضوع
بس الحين مو مقتنعة باللون مال الكفر لأنه احس إنه غامج بس أحس اللونين حلوين مع بعض بس همن غامض ومادري محتااااااااارة
عطوني رايكم يا بنات هل أشتري كفر ثاني وأغير اللوك كله ؟؟ ولا أظل على اللي انا شرايته ؟؟؟!!!

الوسوم:

14 أفكار بشأن “شريت كفر الإستقبال بس محتارة”

  1. السلام عليكم

    ام عبادي ..الله يعطيج العافيه بس عاد ليش اسود الله يهداج بس انتي توج والدة المفروض تاخذيون لون فاتح مع ان اللي وصفتيه مبين راقي وكشخه بس انا ماافضل هاللون للمناسبات الحلوة لو تقدرين تغيرينه افضل واذا لآ بعد شتسوين خلاص تمي عليه



  2. انا والله ودي أغيره على طريف عرفتي بس ابي احد يشجعني بس اختي تقول اهوا حلو وحده راقي بس انا مو مقتعه للحين عرفتي
    بس الحين لازم اخذ كفر في ذهبي أو اوف وايت على الأقل علشان يمشي مع الكاكو مووو ؟؟!!



  3. حبيبتي انا قبل فتره رحت استقبال كان الكفر اسود وفوشي ( الوان فوشون ) وبصراحه كان وااااايد حلوو وغير عن المالوف بس طبعا يصلح حق البنت

    لكن بدال انتي مسويه الككاو وخالصه حطي عليه اثرو لون ثاني راح يكسر السواد ونص الكفر راح يتغطى ودخلي لون ثالث يكون فاقع

    عندج التركواز الفاقع حلو مع الاسود والذهبي وزيدي جم كوشيه تركواز واتوقع راح يطلع حلووو وغريب

    ان شاء الله اكون فدتج



  4. اذا انتي قصدج عن كفر زارا هوم فهوا حلوو وراقي

    وتقدرين ادخلين معاه لون ثاني مثل ماقالولج البنات وراح يطلع شي غريب ويديد

    واذا كنتي مومقتنعه ولا مرتاحه غيريه وخلي الاسود حق شقتج لما تطلعين من الاربعين



  5. حبيبتي خشي اللي شاريته حق غرفة نومج بعدين واخذيلج كفر ثاني لون فاتح مايصير والده واسود هذا رايي اخذيلج اف وايت بما انج شاريه كوشيات ذهبيه وبس ريحي نفسج انتي اساسا مو مقتنعه باللون الاسود لان هذا الصج مايصير الوالده اتحط اسود



  6. لا لا تغيرينه دامه عااجبج

    اختي الحين نفاااس ولون كفرهااا بنفسجي غااااااامج كأنه اسود بالبدايه كانت متردده والله الحين كل الي شاافوه عجبهم حيييييييل
    والكل يسأل وين مسويته
    بصرااحه الحين لون الكفر لازم غاامج تحسين بفخاامتها
    ن ملينا من الالوان الفاتحه



اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.