شسالفة الابلة العصبية اللي بالروضة ؟؟؟؟

يمكن ينادون ابله من صف ثاني عشان تصارخ على الشياطين ومايعرفون شسمها بس يدرون انها الابله العصبيه

لازم تروحين الروضه وتكلمين ابلة الصف عشان ولدج مايكره الروضه

خصوصا انه عاجل وهادي حرااام

والله الصراحه اختي مادري شقولج.. انا مااصرخ عالياهال بس صارلي موقف شخصي
ولد اختي كان معاي بنفس المدرسه… وماشالله نززززززززززززززززغه اشوفه بالمدرسه شيطان..

وبالبيت امه كله تقول ان هادي وعاجل وماياذي احد مثلا" ولدي سوا جذيييييييي لا مستحيل ولدي عاجل"
يعني انا بتبلى عليه مثلا؟؟ لما يكون مع ربعه يستخف… اهاوشه ساعات واقوله اقعد عاجل بس لان يمون علي مايسمع الكلام
فا اختي انتي كلمي المدرسه وخلي ولدج يوريج اياها وشوفي شنو الموضوع
والصراحه ساعات الياهال حتى العصبيه مايفيد وياهم جم مره تيني البجيه والله لوول : الله يعين بس

لا عاد هذي السكرتيرة صج ما تستحي

اشكال عجيبه غريبه تمر عليج من هالدوامات

امبيه الروضة عجب

بالنسبة لولدج كلمي ابلته شوفي شسالفة .. واحتمال كبير انها ما تزفه هو بس يخاف منها عشان تشد على الأطفال

أما سالفة السكرتيرة صراحة لا تعليق مادري شفيهم السكرتارية حتى عندنا بالروضة النفس خايسه مصدقين نفسهم حيل هههههههههههههههههه مو الكل اكيد بس ما مرت علي سكرتيره نفسها حلوة ليلحين مادري شنو السر

ترا كل الامهات اللي ايوون بيسألون عن عيالهم نقولهم ولدكم جذيه جذيه

يقولون لا ولدنا بالبيت شي ثاني

خواتي ترا البيت شي والمدرسه شي ثاني ومدرسة الروضه لازم تلجأ حق الصراخ اذا اليهال خذو راحتهم

شالسالفه اسولف وياهم ذوول ان سولفنا وياهم مصخووها قامو يراددونا ومايسمعون كلامنا ويستعبطون

انتي يمكن مدرسه بس مو روضه وان كنتي ابله روضه لأن ولدج تدافعين عنه

انتي شايفته مثالي لأنه ولدج بس بالصف مو شرط يصير مثالي وحتى الطلبه المثاليين لاياتهم العره يحصلون زفه عادي

ولازم نهددهم بشي عشان يوقفون عن البلاسه

هالجيل مليق ودمه ثقيل ويخرع ويرد الكلمه بعشر استغرالله احنا اصغر صف بالروضه مسوي هجوووم بس يطق ثواني

والله شووفة عيني اقصر بنت تطق اطول ولد بالمدرسه وامها يايه تشتكي طق بنتي

حبيباتي ترا مو كل شي يقوله الطفل صح

ايه بس انا من النوع اللي دايم اسال عن ولدي والابلات يمدحونه وياكدون لي انه عاجل يعني هالحجي مو يايبته من عندي ومو بس عاجل يقولون انه وايد هادي

انا بشوف وبحاجي ابلته قبل كل شي ما احب اكبر الموضوع وبشوف مايتها