شسوي بهالحاله

السلام عليكم ورحمة الله و بركاته

بصراحه احب هالمنتدى حيل و اتابعه خلف الكواليس واشوف نصايحكم ماشاءالله عليكم مفيده

و اليوم سجلت لان عندي مشكله واتمنى تساعدوني فيها

انا متزوجه من 3 سنين عمري 21 سنه وهالسنه ان شاءالله اخر سنه لي بكلية الحقوق

انا ماخذه زوجي عن حب حمدالله ويصير ولد خالتي

المهم

متفقه انا وياه من قبل العرس ايام الملجه ان ناجل سالفة الحمال لين اخلص الكليه لان بصراحه الكليه تعب خصوصا الحقوق يبيلها مجابل عدل

قالي اوكي وهو اصلا مو مستعجل عالعيال قال احسن نستانس شوي بزواجنا ههههههه

المهم

خلصت فترة الملجه وصار العرس و بعد العرس بشهرين جذي

خالتي الي هي امه بدت شوي تقط نغزات تقول ماشاءالله بنت حماي تزوجت وحامل على طول من ليلة عرسها

قلت الله يوفقها خالتي ويتمم لها

و تسكت انا اول شي عبالي تتكلم بحسن نيه

بعدين بين فتره و فتره تجيب هالطاري

وهالشي ضايقني حيل وقلت لزوجي اذا قايل لامه شي

قالي لا والله هالشي بيني وبينج محد له دخل فيه

والله يابنات انا ماسمح لحد يتدخل متى تحملين وليش ناطره كل هالوقت والدراسه عادي

والله حتى امي ماخليها تتدخل بهالشي ولا احبه لان هالشي بيني وبين زوجي بس

و كل مره بين فتره و فتره ينعاد هالكلام علي من خواتي بس كنت اسكتهم واقولهم هالشي بيني وبين زوجي مابي احد يتدخل احنا متفقين
وحمدالله هالشي ماخرب علاقتنا

بس السالفه الكبيره

صارت من كم يوم بنت عم زوجي ماشاءالله الله يتمم عليها و يخليلها زوجها وعيالها

تحمل ورا بعض وخالتي تقط نغزات بس على خفيف و تقول هاذي فلانه ماشاءالله عليها ب 3 سنين جابت هالعيال كلهم قلت الله يخليلها عيالها وتقول يا بنتي انا كل مره يسالوني الحريم شفيها جنتج ماحملت للحين قلت خالتي ليش ماتقولين متى ما الله كتب ان شاءالله بتحمل

تقولي هم شدراهم مايدرون عبالهم فيج شي او في ولدي

قلتلها قوليلهم حمدالله مافينا شي بس ماجلين هالسالفه فتره بس وان شاءالله بعدها بجيب بيبي باذن الله و تفرحين فيه

سكتت خالتي وباليل رد زوجي و انا وياه بشقتنا

نشوف التلفزيون ولا يقول عن بنت عمه قال ماشاءالله على فلانه شوفي فلانه وهاذي فلانه

عيالها حلوين ماشاءالله فلانه ماتتعب من الحمال

انا هني والله بنات انقهرت حدي وقلت بكل عصبيه عاجبتك فلانه ليش ماتاخذها

تفاجا من كلامي قالي شكوووووووووو وليش هالكلام انا اتكلم ان ماشاءالله كل سنه جايبه جاهل

قلت كيفها هي و زوجها الله يوفقهم و يخليلهم عيالهم

مالنا شغل بحياتهم

بعدها خليته بالصاله ورحت غرفتي ونمت دخل بيراضيني عطيته ظهري و نمت وطلع ورد الفجر امس

ويحاول يكلمني ويقولي كلام و اليوم جايبلي هديه يعني بيراضيني و هم مارضيت و تميت ابجي بغرفتي

قالي كل شي ولادموعج تكفين انتي ماتعرفين من امس شلون حالتي انا هني عصبت قلت وانا حالتي من كلامهم كلام امك وامي وخواتي والناس هم شكووو فينا انت ليش اذا تكلمو ماتقول شي

تقولهم ماجلين عشان دراستي

يعني تحملت كل هالفتره ماتتحمل بس هالسنه خلاص بس هالكورس و بعده ان شاءالله اترك الحبوب و احمل واجيبلك البيبي الي تتمناه ان شاءالله انت عبالك انا مابي عيال اكيد ابي وشفقانه والله كل ماشوف بيبي ودي يكون عندي وهو ثمرة حبنا انا وانت بيكون هالبيبي نتيجة حبي لك قالي

وانا هذا الي ابيه ابي شي منج بيبي يكون من حبي وحبج لي

قلتله خلاص اجل تحمل بس هالكورس وبعده على طول من اخلص امتحان الفاينل اترك الحبوب

قالي ولايهمج كل شي ولا زعلج وقام وبعدها طبعا تم يراضيني ويهديني ليما هديت

بس انا للحين مانزلت حت عند اهله والله اني احب خالتي وهي زينه كافي انها اخت امي

بس بهالنقطه تضايقني حيل خاصة خواته

شسوي بنات قولولي حيل مكتئبه من هالسالفه من امس