شفت الموت بعيون وليدي

بناات ضايقه فيني الدنيا ومالي أحد غيركم أشكيله من بعد الله سبحانه والله اين ماني قادره أنام قاعده أحاتيه خل أقولكم السالفه ولدي ربي يحفظه لي ويشافيه من ولدته وأهو صدره تعبانه يعني يالااا يترع بعد الحلييب ولا أسمع أصوات ببطنه مثل القولون على طول وكان يرجع الحليب موبس من حلجه حتى من خشمه وغير هذا حيل متوتر يرجف وااجد وخوااف أهو عمره الحين 8 أشهر وراجع عند دكتور ياسر بالسيف قالي عادي مافيه شيء أنزين والأصوات اللي ببطنه والرجفه اللي فيه يقوول مأكو شيء بس الحاله كل مالها تزيد والله اليووم شفة الموت بعيوونه فجاه بين أيديني مثل اللي تشنج مايقدر أيتنفس ولا يبجي وعيونه آدمع والله فكه وسلم قمت أخاف أنام والسبه أخاف تصير له وهو نايم لأن دائما يحاول يتنفس مايقدر وماني عارفه من شنو أنا بجريه وماني عارفه شسوي. بنات اللي مرت بحالتي اطمني واللي تعرف دكتور للصدر وشاطر تقولي عنه وتحط رقمه واللي ماتعرف تدعي لوليدي ربي يشافيه ولايفجعني فييه تكفوون والله ضايقه فيني ودموعي موراضيه توقف أدعوله بهالايام الفصيله