شفت والله ياليتني ماشفت ساعودني

السلام عليكم ورحمه الله وبركاته الله يسعد كل وحده ترد علي ويوفقها في حياتها هي وزوجها ويهديه لها اميييييييييييييييييييييييين

بحاول اقوم مشكلتي باختصار وانا كم مره اكتب مشكلتي وماتقصرون تردون المهم انا صارلي متزوجه 6 شهور انا عمري تقريبا 19 وهو عمره 22 يعني انا اقول لسه في سن مراهقه قاعدين باميركا عشان دراسته هوه له سنه و6 اشهر يعني قبل لايتزوجني بسنه كان يدرس باميركا وتعرفون الشباب والبنات والمساخه اللي حاصله يعني احيانا مااعذره لان امه وابوه منفصلين وكل واحد منهم راح وتزوج وعاش اسوء حياه مع مره ابوه بالمختصر كانت طفوله شوي معذبه ملكت عليه وهو باميركا ماكان بينا الا صور ومكالمات ماكان في لقاء ابدا الا قبل الزواج باسبوع طبعا كل رجال وله سوابق هو حكالي بعضها

انا حبيته من كل قلبي وماقصرت معاه بشئ في البدايه شفت له محادثه مع وحده كان يعرفها وقلبت البيت على راسه وهو والله ندم من كل قلبه وقعد يومين ماياكل والليل كله يبوسني يبيني اسامحه سامحته وانتهينا من المشكله بعدها الحمد لله ماسوى اي شئ يزعلني ومو مقصر معاي يحبني اكثر من عيونه صح في مشاكل بس هذي لابد منها المهم انا دايما اخاصمه على البنات اللي في الماسنجر والاسكايبي وصوره اللي في الفيس بوك مع البنات الشقر مع العلم كل هذول انا عندي ارقامهم السريه ومايفتحهم الا واهو بالبيت واكون لاصقه فيه ودايما افتش لابتوبه وعمره ماسوى شئ غلط لان اغلبهم امريكيات وفي المدينه القديمه اللي كان فيها فنسي علاقاته مررره وغير جواله في رسايل حب وغرام مع اللي كان يعرفهم العربيات يعني كان متعرف في كل مكان مع هذا يقولي انا لااؤمن بحب قبل الزواج هذا كلام فاضي ويوقلي كلامي معاهم كان تضيع وقت فقط واللحين جواله دايما عندي يعني عمره محد دق عليه يخليه احيانا بالبيت ويطلع واخر مره فتشته امس انصدمت ماكنت مستوعبه ان كل هالبينات يعرفهم كان تقريبا 5 او 6 طبعا هذا قبل الزواج وفي بعضهم بدايه الملكه لاني شفت التواريخ فعرفت يعني عمري مافتشت جواله بذي الطريقه دايما الاب توب بس الجوال لا ادري انكم بتقولولي علاقات سابقه بس ماني قادره اتغاضى عنها وهو مخليها بجواله وبكل مكان وكل ماقلتله امسحها يوعدني لمن يفضى وكل يوم بعدين لمن مل مني لاني هلكته بهالموضوع وصار ماثر على نفسيتي احس مني طايقته وهو قالي ليش تعامليني كذا

الله يعلم انه جتى خواتي مايدريون بالموضوع ماابي انزل راسه بينهم ولا عندي حل يريحني تعبت من التفكير وحاطه حرتي فيه وهو صار يتهرب من البيت بسبب تحقيقي له من وين رايح ومن وين جاي ومع مين بس والله من حبي له وغيرتي شوري علي الله يجزاكم الجنه وانا ماكتبت هني الا انا واثقه اني بلاقي ردود تشرح الصدر مشكورررين يااحلا كويتيات