شكاكه لابعد الحدود

شوفي حبيبتي في دعاء دايما ردديه بينج وبين نفسج ( اللهم لا تكلني على نفسي طرفة عين ) هذا الدعاء معناه انج تتكلين على الله بكل شي … خلي عندج ثقة ويقين برب العالمين …
حبيبتي اذا ريلج بخونج ما راح تردينه ولا تمنعينه … لكن ربج يقدر يرده ويقدر يمنعه
صدقيني انت بهالطريقة قاعدة تهدمين بيتج بايدج
بتقولين مو بيدي ؟ بقولج امبلا بايدج … خلج مع ربج وماراح تخسرين
الحين اذا قالج وين رايح ومع منو يعني خلاص ضمنتي انه ما راح يخونج … حبيبتي ياما رياييل من احسن ما يكون مع حريمهم وهم بالصج الله يعلم بالخرابيط الي عندهم

خلي ثقتج بالله كبيرة … ادعي ربج يسخرلج ريلج وانت متأكدة وواثقة انه بيستجيب دعائج … ولحي بالدعاء لان الله سبحانه يحب العبد اللحوح
واذا كان ريلج ما يصلي نصييييييييييحة شجعيه وحرصيه على الصلاة ( ان الصلاة تنهى عن الفحشاء والمنكر ) اذا كنتوا طالعين وأذن اوقفوا عند اي مسيد ونزلوا صلوا … اذا صار نظيف من داخله انت بترتاحين … لكن اذا بباله خرابيط اول ما تغفلين عنه برد لسوالفه الاولية … خلي علاقتج بربج قوية ولحي بالدعاء … وحسسي ريلج انج خلاص مصدقته وواثقة فيه … وان شاء الله ما يصير لج إلا كل خير
آسفة اني طولت عليج بس احسج مو قادرة تسيطرين على نفسج … ان شاء الله اكون فدتج

واللة حااااسة فييييييييج حبيبتى

المشكللللللة المرااة لى هتزت ثقتة بزووووجهااااا

تصيييير مثل الزجااااج المكسوووور مستحييييييل ترجع مثل قبل

اللة يصبرررررناااااا

اشكر اختي غنايم على كلامها استفدت منها حييل وازيد عليها اذا زوجج بيطلع استودعيه عند رب العالمين لانه بيده جميع الامور وتذكري الحديث القدسي قال النبي صلى الله عليه وسلم قال الله عز وجل"واعلم ان الامة لو اجتمعت على ان ينفعوك بشي لن ينفعوك الا بشي قد كتبه الله لك واعلم ان الامة لو اجتمعت على ان يضروك بشي لن يضروك الا بشي قد كتبه الله لك" هذا الحديث حييل يريحني يعني وكلي امرج لله لان قلوب بني ادم بين اصبعي الرحمن يقلبها كيف يشاء كما قال النبي والله يعينا وياج

ترى بطريقة شكج تفتحين عينه على الغلط, ولا تحكرينه ترى الممنوع مرغوب والريال اذا بخربط ما يرده شي غير الدعاء لان ما يرد القضاء غير الدعاء الله يحفظه ويسخركم لبعض ترى والله مو زين على صحتج الشك يمرض البني ادم

حبيبتي لا تحدينه يرجع حق اللي كان يسويه قبل السبة شكج لا تعطينه فرصة بيوم من الايام يقولج انت بكل الاحوال تشكين لما ما كنت اخربط كنتي تشكين فخليتج تشكين وانا صج اخربط لا تعطينه هالفرصة ديري بالج اهو ريلج وسندج المفروض انج تحسين بالامان معاه مو تشكين فيه لو بيخربط او يلعب من وراج ترى ماكو اسهل منها

تعوذي من ابليس وحافظي على ريلج خليه يشم هوا بس لا بدون ماتصيرين مثل الاطرش بالزفة انت زوجته وحبيبته وصديقته وكل شي بالنسبة له كسبيه اكثر يا قلبي والله يسخره لج

ياااااااااااااااااااي نفس سالفتي بالضبببببببببببببط وربي

حبيبتي اذا صرتي جذي تهدمين بيتج

أنا أقولج كله حطي في بالج كلمه وحده أنه بعض الظن اثم

خليه يطلع دام أهو تغير واعتذر عطيه فرصه ثانيه
علشان ما ايقول دام اهي كله اتشك فيني خلاص أريحها واخليها تمسك علي شي ثاني عطيه مجال ياخذ راحته

بس طبعا سألي عنه لي طلع دزيله مسج لا تتأخر وطبعا مو طالع صارله ساعتين اتقوليله ارجع

وربي ايسخره لج وايثبته على طريج الخير والسراط المستقيم