شلـون ترتبين بيتج و شنو جدولج اليومي أو الاسبوعي تعالي انا عليمية ما اعرف !!!!

انا عندي خدامه وساكنه بيت حمولتي بس يتلي فترة قبل بدون خدامه.،
اول شي اذا انتي مو موظفه وتقعدين الصبح .،
الحماماات ينغسلون يوم وترك.، من الي الشاور بوكس والارضيات وكل شي.،
المطبخ ارضيته والكبت تنمسح يوميا اذا كنتي نستخدمينه بطباخ.، عشان لايلزق الدهن .،،
غسيل الملابس اذا شويه ملابسكم خليها يوم وترك ،اللي وراهم حق الاوتي.،( يوم غسيل، يوم اوتي)
مسح ارضيات الصاله والطاولات يوم وترك .،
ودارج تترتب يوميا اول ماتقومون وتتعطر وتتنظف وتصكينها.،

طبعا اكو ناس تحدد يومين معينين بالاسبوع حق التنظيف والغسيل والاوتي بس صراحه احس تعب ويتكود الشغل.،

عندي شويه شويه كل جم يوم ماياخذ من وقتج وايد ولايهلكج.،
.،،
الفواحه شغليها ع طول ، الايرويك للحمامات والمطبخ حطيً.، تحسسج بالانتعاش حيل وخاصه زيت سويت كاميليا مال زهور الريف.،

وخلطة اكوا للديباجات وفراشج حلووة وماتغث رشة منها تكفي.، د
وتقبلي مروري.

انا ساكنه مع حمولـتـي بس شـقـتـي انـا اللي انظفهـا للامـانه ما احـب الخـدامـه تدشهـا

ولان للحين ما عنـدي بـيـبـي اول شي اخـم الشقه وبعديـن امسحـهـا بـ مـاي و ديـتـول و مع شـوي معطـر ارضـيـات

وبعـدهـا امـسـح غـرفـتـي الارضيـه و امسـح الكـبـتـات و المـنـاظـر و الجـامـات

و بعـدهـا انظف الحمام و لما اخلص خااااااااااالـص *_^ اعـطـر شـقـتـي و ابـخـرهــا هذا شـي اساااااااااااااسـي بشـكـل يومــي

ابخرها و اعطرهااا

وبس

واحسن لج انج كنسلتي الخدامه دام مافي بيبي الخادمه مالها اهميه.،

وحمدالله دام ماتطبخين هذا هم وانغفر عنج .،

باجي لج الغسيل والاوتي والمسح خليه عليج
واذا احتجتي شي خلي خدامة حمواتج تساعدج او خدامة اهلج اطلبيها يوم باالاسبوع.،

ولاتضغطين عمرج يبيلج راحة هالفترة حبيبتي.،

والله يرزقج الخير كله


غدير حبيبتي الله يديم رتابة ريلج

تصدقين ريلي كان مررتب ومنظم اول سنتين.،
وعقبها رفيجتي تزوجت وشكت لي من فوضوية ريلها حيل عاد انا من غبائي سولفت لريلي واني مدحته ومستانسه من رتابته

بعدها بجم يوم ولا الريال متغير وصار فوضوي .،

طبعا انقرصتً وتعلمت ان الريال ماينمدح ولايتقارن بغيررة 

ومنكم نستفيد ونتعلم .. وكله بميزان حسناتكم