تخطى إلى المحتوى
الرئيسية » شلون ازين طاوله المدخل بالعرس؟ ومن وين احصل بيض الصعو والمكسرات والذي منه :)

شلون ازين طاوله المدخل بالعرس؟ ومن وين احصل بيض الصعو والمكسرات والذي منه :)

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

صباح الخير خواتي
شلونكم اتمنى تكونون بخير وصحه وعافيه

سؤالي بخصوص يوم العرس: شنو اقتراحاتكم بخصوص تزيين طاوله المدخل من ناحيه الكاكاو والمكسرات وبيض الصعو والعلوج…..
انا متوهقه مادري شنو احط عند المدخل وعلى الطاولات؟ ومن وين اشتري هالاشياء يعني في مطحنه او محل معين؟ وجم اسعارهم يعني بالكيلو؟

وسؤال ثاني من وين اشتري الصواني الصغيره اللي تنحط عالطاولات واحط فيها بيض الصعو او النتس ؟ اغلب اللي اشوفه زجاجي صغيير بس وين احصلهم؟

بليز فيدوني خواتي

الوسوم:

14 أفكار بشأن “شلون ازين طاوله المدخل بالعرس؟ ومن وين احصل بيض الصعو والمكسرات والذي منه :)”

  1. salima
    الرد
    مرحبا اختي انا نفسج ادور بس بقولج فكره حلوه اشتري صياني على حسب الديكور اذا ذهبي او فضي من طيور الجنه جايبين صحون مدوره ومنقشه وحطي وسطها كاسات تناسب اللون هم في طيور الجنه مثل( كاسات الشموع تجي ملونه ومقاسها وسط) تشيل الصينيه 4 او 5 يعني تحطين 4 واحد اطول منهم بالوسط وشكليهم كل كاس شكل واحد وبعد في سوق رامز باسواق القرين عند الكاشير مقسمات للمكسرات الحبه على ما اضن 350 فلس هم تقدرين اتشكلينهم يعني على كل طاوله حطي مقسم واحد اذا الطاوله صغيره و2 او 3 اذا كبيره والمكسرات عندج (الرفاعي وبعد تري نت في جمعية مشرف تحت مقابل مطحنة الفوز ) اما بخصوص المدخل حطي طاوله وحطي عليها فا زات 3 احجام كبير وسط وصغير تلقينهم في (سنتر بوينت او الاسواق الشعبيه) حطي فيهم حلاو ملون مثل الكور وبعد علوج كاكاو مغلف بيض الصعو وبالنسبه لاسعار المكسرات يعني في الكيلو (5 و6) على حسب واذا تامرين على شي لا يردج الا لسانك وانا حاضره وبالتوفيق ان شاء الله لنا ولكم

  2. inzou07
    الرد
    بعد عمري يا صعب منالها كفيتي ووفيتي وماقصرتي والله.. ومن باجر بروح الاماكن اللي اقترحتيها وان شاء الله احصل اللي ابيه

    يالله بنات نبي اقتراحاتكم بعد؟

  5. مريم
    الرد

    حبوبه أنتي ماحجزتي عن مصصم للتتزين القاعه ..؟

    قوليلهم عن المدخل ووراح يسونا لج وأذا أنتي اللي تبين تسوينه عندج فازات بأيكيا وصواني بدوموا حلويين

    وبخصوص شتحطين فيهم واحد علوج وواحد كوكيز علىا الاسماء تلقينه بمحل " كوكيز بوكيه " وواحد حلاو والككاو عندج ككاو باتشي

    عندي صور كثيره للمداخل بس ما أعرف أنزلهم

  12. مريم
    الرد
    –

    زيني الطاولة ببيض الصعو المطبوع عليهم أسامي المعاريس مثل هذولي

    وكوكيز عليهم الاسامي مثل هذولي

    ومثل ما قالت الأخت دلولة محل "كوكيز بوكيه" شغلهم مميز وراقي تلاقين عندهم حتى بيض الصعو الملون أشكال غريبة ويديدة ومنقشة…هذولي الصور من موقعهم… >>>> ومنهم السماح

    –

  14. mira
    الرد
    الجابرية فيها واااااايد محلات ككاو

    وهم بعد حولي

    وشوفي الرابط الاول اللي بتوقيعي ضغطي عليه ككاو روبرتواكفالي وهذه حق الاعراس والحفلات الكبيرة وايد كشخه وراقي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.