بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
الـــــســـــــــــلام ,,
بنات ضايق خلقي 
اليوم رحت اخذ ولدي من الحضانه ولا تقولي المدرسه ان بالغرفه قاعد يغير الحفاظة .. رحت قبل لا ادخل سمعت المدرسه الفلبينية الي تغيرله تصرخ عليه بس الي سمعته تقوله انت ماتسمع كلام وتصرخ .. جان ادش ولا شكلها اخترعت طبعا ولدي قاعد يطالعها انا هني مادري شلون سويت نفسي ماسمعت ولا ادري عن شي :/
ولدي لما شافني ياني ركض يقولي لبسيني الحفاظه ويقولها انا ما ابيج !
لبسته ومشيت بس ضايق خلقي هذي ثاني مره تتكرر يا بنات والمره الاولى سمعت مدرسه ثانيه تصرخ عليه لان كان يبجي يبيني .. وانا ولا مره كلمتهم لما اسمعهم يصرخون عليه !
ماني عارفه شسوي هل اكلمهم بطيب اقولهم لا تصرخون عليه احس مادري شلون ! واذا بكلمهم بشده اكيد بيطلعون الحره فيه !
لو مكاني شلون بتتصرفون ؟
الـــــســـــــــــلام ,,
بنات ضايق خلقي
اليوم رحت اخذ ولدي من الحضانه ولا تقولي المدرسه ان بالغرفه قاعد يغير الحفاظة .. رحت قبل لا ادخل سمعت المدرسه الفلبينية الي تغيرله تصرخ عليه بس الي سمعته تقوله انت ماتسمع كلام وتصرخ .. جان ادش ولا شكلها اخترعت طبعا ولدي قاعد يطالعها انا هني مادري شلون سويت نفسي ماسمعت ولا ادري عن شي :/
ولدي لما شافني ياني ركض يقولي لبسيني الحفاظه ويقولها انا ما ابيج !
لبسته ومشيت بس ضايق خلقي هذي ثاني مره تتكرر يا بنات والمره الاولى سمعت مدرسه ثانيه تصرخ عليه لان كان يبجي يبيني .. وانا ولا مره كلمتهم لما اسمعهم يصرخون عليه !
ماني عارفه شسوي هل اكلمهم بطيب اقولهم لا تصرخون عليه احس مادري شلون ! واذا بكلمهم بشده اكيد بيطلعون الحره فيه !
لو مكاني شلون بتتصرفون ؟
وينزف @@ اشكره انا لو منج اخذ رقم مديرت الحضانه وابلغ عنهم
شنو هذا هذا ياهل باجر يتعقد
لاتسكتين حتى لو توصلين فيهم انه تغرين الحضانه
انتي من صجج سكتي بلغي المديره
وااااي قهرتيني وعورتي قلبي <<<<
شلون طاوعج قلبج تسكتين عمه بعينها قهرتني تكفييين كتبي لنا انج زفيتيها بردي جبدي
بلغي عنهآ
وغيري الحضانه آحسن !!
\
روحي باجر وقولي ردو فلوس الي باجي من الشهر وبغير الحضانه اكيييييييد بقولون ليش ماليش
قوليلهم اول مره سمعته ينزف وسكت ثاني مره تتكرر السالفه؟ مراح اامن ولدي معاكم
ولا تخافيين الحق معاج
ولو تخافين وماتقدرين اخذي ريلج ولا امج ولا اي احد
اكيد بيتاسفون ويوعدونج انه ماينزف
والخيار لج تخلينه ساعتها ولا تغيرين الحضانه
الله يحفظ عيالنا ..
شسم الحضانه؟