تخطى إلى المحتوى
الرئيسية » شلون تحافظين على وزنج في النفاس؟؟ نبي نفاس مايسمن

شلون تحافظين على وزنج في النفاس؟؟ نبي نفاس مايسمن

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام عليكم….

كروشات والغير كروشات……

في نفاسي السابق

طلعت دبة واضطريت اسوي ريجيم علشان ارد وزني بس شعقبه عقب ماشريت لبس على وزني الجديد وتوهقت لما ضعفت ..

وانا ودي نفاسي هذا اتنفس عدل وبنفس الوقت احافظ على جسمي رشيق..

انا قلت باقطع العيش نهائي..

مممممممممممم

وباشرب الحليب خالي الدسم,,

والخبز طبعا اسمر..

وباوقف عن الحلويات والفطاير ولو اني مااقاوم الحلو

وراح امشي بعد كل وجبة

واكثر شاي اعشاب

وابي بعد خبرتكم وتجاربكم.. بدون مانجوع نفسنا او نوقف عن الشغلات المهمة للنفاس….

نااااااااااااطرتكم

الوسوم:

14 أفكار بشأن “شلون تحافظين على وزنج في النفاس؟؟ نبي نفاس مايسمن”

  3. hamida
    الرد
    حبوبة انصحج ترضعين واايد … وسويلج شوربة ملفوف لأنها وااااايد مفيدة و بنفس الوقت تحرق الدهون حرااااااااااااااق … واكلي بران فليكس مال فتنس هم يهضم … وكثري ماي اشتري كراتين بطول ماي كباااار حاولي كل يوم تخلصين واحد كامل اخذيه معاج وين ما تروحين لووول … وكثري شاي اخضر عالاقل مرتين باليوم … وقطعي مشروبات غازية واشتري بدالهم عصير انصحج اب عصير برتقال مال كي دي دي صج انه مو حلو بس لمن تتعودين عليه يصير حلو لووول لأن هالعصير هم وااايد يهضم … وان شاء الله وحده بوحدة تضعفين ولا تمتنين ان شاء الله

  4. amira
    الرد
    تسلمين ياقلبي ..

    صاجه ((كجب)) الرضااعه زينه وتضعف وفوق هذا تشد الصدر وترجع الرحم مكانه بسرعه .. <<< هذا اللي سمعته ..

    والله انا ودي بفترة نفاسي مو بس اهتم بدووييتي ودي استغل هالفتره برجيم لان ودي اضعف وارد نفس جسمي قبل الحمل وانشالله الاربعين يوم تكفينا .. وببعد عن النشويات وحلويات بركز اكثر شي على الشوربه وشغلات الداافيه .. واشرب قلاصين مااي دافي عالريج يقولج يشيل البطن ..

    وبكثر جاي اعشاااب والخبز الابيض بشيله من حياتي كله اسمر وانشالله نضعف ..

  5. inzou07
    الرد
    لهومج والحسو لاتهدينهم

    الصبح لالالالازم الحليب والبيض على فكره موزين خالى الدسم لان ضايفين له مواد صناعيه عشان يشيلون الدشم منه خليج على نص دسم ابكل شي اجبان البان انا جذى

    خضار وسلطات

    والسناك تفاحه او موزه او برتقاله

    كباب …. شيش طاووق….. معكرونيه بدال القبوط كلهم قمح……الكبده عجيبه ترفه الدم….حمسه لحم او حمسه ديايى

    دياى بلفرن للغدا او لحم كله مشاوى

    هذه اكل الرجيم سلطات ومشاوى وهم اكلج مفيد وبس

  6. imilla
    الرد
    النفاس
    مو وقت ريجيم

    ولا حتى تخفيف بس لاتاكلين فطاير او حلويات وخلج على الاكل المفيد والصحي

    صحتج اهم من رشاقتج واللي تبي ترضع مو زين لها الملفوف والاشياء اللي تنفخ المعده

    كثري سلطات وشوربه وفواكه

  7. khouloud
    الرد
    كرستال ..صج ان لنفاس مو وقت رجيم بس اللي بنسوويه ان ننتبه مانخربط بالاكل ونخبص يعني قد مانقدر ننتبه ماناكل اي شي .. ونركز على شغلات الدافيه .. ونبعد عن نشوويات والطحين الابيض .. الحلو وهالسوالف .. وبنسبه لاكلات لنفااس اكيد بنتظم عليها والادويه بستمر عليها عشان ترد صحتي وتقووي جسمي ..

  8. imilla
    الرد
    طبعا النفاس مو وقت ريجيم بس مايصير تهدين عمرج وتطلعين بعد الاربعين عن 2
    نفس ماقالو البنات شوربات ومشويات افيد من العجين والطحين وبعد شاي الاعشاب واللهوم ضرووري والحركه وطبعا الماااااي لااازم يوميا تكثرين منه خصوصا اذا ترضعين ومع هذا لازم بعد الاربعين يكون وزنج زاايد هذا طبيعي بس شي احسن من شي

    وعن تجربه الوحده تاخذ من 6شهور لي سنه عشان ترد وزنهااااااااا

    أهم شي الصحة والعافيه

  10. مريم
    الرد
    بنات موجنه كثرة الماي بالنفاس خصوصا موزينه ؟ يعني بالدوره وما نكثر اشلون بالنفاس ؟
    وبعدين انا لا اؤيد الرجيم في فترة النفاس مووووووووووووووووو زيييييييييييييييييييييييييين وانا لي تجربه احس ان يخرب المره ؟ والله اعلم

  13. hanan
    الرد
    انا وايد وايد متنانه بسبة الحمال وانشاللله ناويه اضعف وايد س امي مارضة اسوي رجيم بالنفاس فراح اخفف وبعد النفاس بسوي رجيم

    ةنظام النفاس راح اكثر من الشوربات مع يدام وخضار والسلطات والاكل المشوي وحليب مع اج خالي الدسم وتوست مع اجبان بدون دسم وراح اقطع نهائيا العيش والمعكرونيا والمعجنات والفاس فودالمشروبات الغازيه وكل الككاوات وراح اكثر فواكه ومن الكورن فلكس مال الرجيم والشابوره وراح امشي واللبس كرسيه واشتري كريمات شد ونحت وشور جل دوف للتنحيف وصاونه القهوه عشان الخطوط وطعاعلى طول ماي وشاي الاعشا وانشاللله راح ارضع طبيعي وهالشي يضعف اكثر

  14. salima
    الرد
    عليكم بالرضاعة الطبيعية
    لو تاكلين الي تاكلين .. ماتمنين ولا يزيد الوزن
    بس الوزن مايرد ب 40 يوم

    على الاقل يبيلج 6 اشهر ترد عافيتج ويرد وزنج
    بس ماتقطعين الرضاعة
    وعليج باللهوم والحسو

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.