بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم يا حلوين..
بدش بالموضوع على طول…
يوم انخطبتو شلون شفتو بعض؟؟ هل بالطريقه التقليديه الي اهيا الريال ايي بيتكم؟؟ او مثلا شافج بالكلية او الدوام؟؟
ولا مثل خطبات هاليومين الامهات يتفقون على مكان مثل كافيه و انتو تشوفون بعض؟؟
وهمن بسألكم انتو مع خطبات البيوت ولا تشوفون بعض برا؟؟
يلا ابي تفاعل 
السلام عليكم يا حلوين..
بدش بالموضوع على طول…
يوم انخطبتو شلون شفتو بعض؟؟ هل بالطريقه التقليديه الي اهيا الريال ايي بيتكم؟؟ او مثلا شافج بالكلية او الدوام؟؟
ولا مثل خطبات هاليومين الامهات يتفقون على مكان مثل كافيه و انتو تشوفون بعض؟؟
وهمن بسألكم انتو مع خطبات البيوت ولا تشوفون بعض برا؟؟
يلا ابي تفاعل
وبعد الملجه كان يزورنا فبيتنا والا اطلع معاه مطعم عادي
اما عقب الزواج ……………. ماقمنا نطلع لووووووووووووووووول
الله يتمم عليج زواجج و يحقق لج الي تبينه يا رب
الله كرييييييييييييم..
ويسلموووو على الموضوع..
واحس انه الام الي اتواعد الريال يشوف بنتها برة من غير ما تدري هذي قاعدة اتهين بنتها
كأنه المسأله بيعه اذا عجبك شيل واذا ما اعجبك توكل وكأنه البنت مالها حق اتشوف الولد وممكن ترفضه لانه ماعجبها
وهم الي اتواعدة برى ويقعدون مع بعض هذي حد الملاقه ! ليش مافي بيت يضفكم ما في برتكولات معينه ورسميات
مو المفروض يتعنا لحد بيت اهلها ويشوف درتهم المكنونه ؟ ويضيفونه وويجبونه ؟
هذا رايي وشكرا على الموضوع
اي والله اختي كلامج صحيح… احنا ليش فاتحين بيوت!!
انا عندي الي يتواعدون بعلمهم تنبلع بس الي على قولتج البنت على عماها طالعه مع امها و الريال يتمقل فيها.. هالحركة صج صج مو حلوة و جنه الام قاطه بنتها قط…
جايز البنت ماتشتغل ولا تدرس .. هذي وجهه نظري
اختي مزيونة وجهه نظرج صحيحة… احنا نقصد الي ام البنت تواعد ام الريال على مكان عشان يشوفها و البنت مغفلة ما تدري..
وصح كلامج وايد اسمع ناس يتثيقلون دخلة البيت..
حتى لو ماتدري احسن بعد يشوفها على طبيعتها وتتصرف بعفويه ولو درت انه بيشوفونها بتنخبص ولا راح تاخذ راحتها صح؟
ولو ماعجبته ماراح يكون عندها خبر ولا تتاثر بالموضوع (انا اايد هالطريقه حق البنت اللي حساسه وتخاف انها تنرفض)