شنطة السفر

حبيبتـي طبعـا اذا دولـة خليجيـة اخذي لبس مثل لبسج اهني
امـا اجنيـة لازم اللبس يكـون سبـورت
و تاخذين معـاج ادويـة مهمـه مثل البندول و المضاد الحيوي
والبلاستر
ولا تنسين الكلنكسـات .. و قووطي تحطين فيه ماي تغسلين بالحمام كرمج الله لان اوربا ماكو هووز
و بنطروناتج و قمصانج و الملافع والملابس الداخلية واايد
و الكوتيكس
و المكياج ..
و الجاي لبتون و الشكر .. و النسكفيه حق قعدة الصبح
و المشط لا تنسين و الاستشوار و الفوط
و الجواتي كرمج الله ولازم جوتي رياضـة
و دلاغات
ولا تاخذين ذهب و لا حتى دبلتج اخاف تنسينهم
ممممم بعد شنو شنو
هذا اللي في بالي

مشكورين حبيباتي …. خوات والله ماتقصرو
احنا بنبدأ انشاءالله هاليومين نروح السوق ناخذ الشنط و الملابس
العزم انشاءالله على ايران ^^

ننتظر باقي البنات علشان الكل يستفيد

^^ شنو خيوووو

الله مشهد
قلبي و روحي معلقه بغريب طوس
بالعافيه عليج
اكل ما تحتاجين كلش
لان كل شي متوفر عندهم
بس اذا ودج اخذيلج تناتيف مثل كاكاوات
و كرواسون يعني حق اذا عندج يهال
تصبيره لهم
و هناك عندهم جمعيه اسمها بروما
هذي ٤ طوابق
الارضي جمعيه خميلج منها
البطاط و المايونيز ( مهرام اذا ما حصلتي رعنا )
و طبعا القمردين الايراني حامض
و سوالف كاكاو ايدين
و عندهم ماي ورد عجيب اسمه كُلاّب نادر
عجيب حق رمضان احطه بماي العيش لما اطبخه
و احطمة مع الفيمتو
و هم الماجي مالهم لايطوفج
المهم الدور الثاني و الثالث محلات تسوق
الدور الرابع العاب كهربائيه و بولنج
و مطعم ايطالي لا يطوفج الالفريدو ماله عجيييب

و عندهم هناك بعد مول اسمه ماسة شرق هم محلات و شغل عدل

و طبعا شانديز مطاعم باجواء عليله هالله هالله بالشيشليك و الجوجة كباب

و طبعا بودونكم لطرقبه متخصص ببيع الاواني الايرانيه و الجلود الطبيعيه

و لا تنسين اتجربين من بقالات طرقبه ( آل بالو ) يم يم

و احسن ( گز ) لين و ناعم نوع واحد مافي غيره نوع ( فيرساشي ) شكل علبته رماديه عليها صورة ريال
و ينباع في بازار غدير اول ما ادشين السوق بتلقين دري علي يسارج نزليه و بويهج المحل اللي يبيعه

و اخذي منه حق اليهال انواع الجلي و علج الدارسين
و في نفس البازار لما تصعدين بتلقين محل كريمات
شوفيه و اخذي اللي يعجبج
و من هالبازار اخذي الزعفران بتلقين المحل صوب محل الكريمات
احسن زعفران اسمه ( زعفران توكل )

و ديري بالج الحلو بايران ان بضاعتهم مطبوع عليه السعر اي شي بتاخذينه اقري السعر عليه
لان اسعار ثابته علشان محد يزيد عليج الاسعار

بالنسبه للعمله
لما تاخذين عملتهم راح تلاحظين وايد اصفار فيها
يعني راح تلقين اللي عليها صورة الامام الخميني
مكتوب عليها ١٠٠٠٠ ريال بس تقرا ١٠٠٠ تومان
يعني اتشيلين صفر
كل الف تومان عباره عن ٢٧٠ فلس عندنا
فيعني ٥٠٠٠ ريال = ٥٠٠ تومان
البضاعه تنكتب عليها بالريال فاي مبلغ مكتوب علي اي منتج شيلي صفر و اقريه بالتومان
الغالبيه يتعاملون بالتومان
يعني مو يقولج السعر ١٠٠٠ تومان و تعطينه ورقة ١٠٠٠ ريال بيعطيج بكس لازم تعطينه ١٠٠٠٠ ريال

و نسيت اقولج اشهر البيتزات بمشهد
بيتزا بيتزا يم فندق لاله و يمه حديقه حلوة للتمشي فيها نافورة كبيره بالنص
بيتزا شب بشارع احمد اباد ( شارع الماركات ) تحصلين جواتي الحلد الطبيعيه هناك

و اي استفسار تفضلي

عملتهم هي الريال و التومان
شوفي هالصورة

هذي 10000 ريال ولكن لا تقرا عشرة الاف تقرا 1000 تومان يعني لما شلنا الصفر من قرائتنا لها ريال صارت تومان
هذي الورقة تساوي ربع رينار عندنا و هناك متعارف بينهم يسمونها ( يك خميني ) يعني ( واحد خميني )
يعني اذا قالج ( دو خميني ) معناته يبي من هالفئه ورقتين و هكذا
الاعداد بالايراني
يك = واحد
دو = اثنين
سي = ثلاثه
جار = اربعه
بانج = خمسه
شيش = سته
هفت = سبعه
هشت = ثمانيه
نه = تسعه
ده = عشره

المهم انيي حق باجي العملات
هذي 20000 ريال = 2018 تومان = نصف

و راها اتيي فئه ال 50000 ريال = 5000 تومان = 1.250 دك

و راها فئة 100000 ريال تساوي 10000 تومان = 2.5 دك

هذي عملاتهم الصغيره

5000 ريال = 500 تومان = 125 فلس

هذي 1000 ريال = 100 تومان = 25 فلس

و هكذا فئة
2018 ريال = 200 تومان = 50 فلس
500 ريال = 50 تومان = 12 فلس