شنو أكثر شي يحب ريلج فيج سواء في الشكل أو الشخصية؟

[FONT="System"]مرحبا ياقسم الحياة الزوجية

الموضوع باين من عنوانه

أنا ببدى >>> مايبيلها تفكييييير !!

في الشخصية :

– دايما يقولي احبج لما تبتسمين وتضحكين ( عشاني دايم أزعل )
– دايم يقول انتي حيييييل طيبة عشان هالشكل الناس يحبونج
– ويقول أحب فيج إنج ترضين على طول يعني ما تشيلين بقلبج ولا تحقدين >> لووووول أصلا بس انتهاوش وبس يطل في وجهي امووووت من الضحك مادري ليش وساعتها أرضى وأنسى على طول..

-يحب بدلياتي ومسمسيني مس بدلية .. يعني لما نتناقش نقاش حاد انفعل وكلامي عقبها يصير كله بدليات وهو طاقته البوهة مسكين مايدري شقاعد يسمع عشان يعرف شراح يقول هههههههههه!
-وهم يقول إنه يحب فيني لما يكون محتاج شي انا أول من يكون في وجهه أساعده قبل أهله و قبل الناس
_ يحبني لما احاتيه 0 يعني هو بس يتأخر 10 دقايق في الجية آكله في الاتصالات وأدق عالإسعاف و المطافي أقول أكييييييد مات !!! لوووول تفكيري حده أكشن وحزين ) هههههههههه
– يحب رومانسيتي لأنه موراعي رومانسية أبدا فالاتكال كله علي
– يحبني لاني على قولته مرة يعتمد عليها .ويقول عمري ما عزمت وفشلتيني دايم مبيضة وجهي
– يحبني شلون أهتم بنظافة البيت ونظافة عيالي ويقول أنا كل مادشيت لقيت الريحة حلوة>> عاد أنا ساعتها اصير كذا

الشكل:

طبعا ماراح أقدر أذكر كل شي لأنه شوي خاص وفيه إحراج أقوله بس اللي تحب وما عندها مشكلة تتفضل:

-يحب ريحتي وقبل سنة جبت بيبي وقعدت الاربعين عند اهلي يقولي والله طول الأربعين وريحتج في المخدة ما أنام إلا لما أحضنها >> عاد أنا ساعتها كان وجهي كذا
يقول على كثر ما تطبخين عمري ماشميت فيج ريحت طباخ >> وصار وجهي كذا
يقول جننتيني طول الوقت ريحتج تهبل شتسوين
عاد أنا أقول ما حط شي هذا عطر رباني!!
يقولي روحي زين لا أصكج كف ! يلا علميني منين تشترين عطوراتج عشلن أشتري هههههه
– يحب نعومتي وشكلي ما يعطي على عمري وكل من يشوفني يسألني إنتي بأي صف لووووول ههههه
وينصدمون لما يدرون إني مرة أم عيال ودايم يقول سوي شي تكبرين بعمرج فضحتينا ( لأنه دايم ناس يروحون يخطبوني من أمه وخواته ما يدرون إني متزوجة) >> ونااااااااااااااااااااااااااااااااسة
وأهو يموت قهر ههههههه

وأشياء وااااجد ماراح أقدر أقول كل شي
وانتوا بعد اللي تقدرون تذكرونه صطروه لنا هني
والمايك لكم

ادري ألحين بتقولون ماشالله ماكله نفسها بالمديح
وهل هذا واقع ولا من نسج الخيال؟ ههههههههه
لا والله واقع بنات لا تضحكون هههههههههههههه

سوري طووووووولت