شنو احسن مستشفى الصباح ولا العدان

هلا حبيبتى تونى كنت بزور رفيجتى بالعدان من يومين ماشاء الله تمدحهم حيلل وصج فى عنايه من الطبيبة والسسترات كل شوي يمررون ومعاملتهم حلووةوبخصوص الخياط نظيفه وماتبين اما انج تختارين قيصرى هذا مو بكيفج ما يقدرون يولدونج قيصرى الا اذا كانت حالتج طالبه جذى لانهم يفضلون وراج بالتحاميل كمحاولات انهم يولدونج طبيعى اذا فى اى مشاكل لج او الجنين بيسوون قيصرى وبيكون تحت اشراف الاستشارى هذا اللى اعرف من رفيجتى

بصراحة انا زايرة وحدة والدة بالعدان تقول ان عنايتهم صايرة زينه..
وصار في اهتمام..وقالت انهم عطوها ابرة في الظهر..
وسامعة وايد ان عنايتهم صارت احسن من اكثر من وحدة..

والله يسهل عليج ان شاء الله……

السلام عليكم ورحمة الله وبركاته

انا ولدت ثلاث مرات وكلهم قيصري طبعا مو بكيفي
الاولى بالراشد الثانية بلندن الثالة بالعدان
والله العظيم احسن عملية اللي بالعدان

وهذا طبعا من اكثر من سنة وكانت ولادة مبكرة وما شاء الله نظامهم وايد حلو سواء لي او للبيبي ..

والحين يقولون المبنى جديد وحلو …
الخاص بالولادة ..

والله يسهل لش ان شاء الله
بس دخول المستشفى حسب العنوان اذا تابعة للمنطقة تروحين اذا لأ ما يدخلونش يحولونش لمنطقتش … …

حبيبتى ..رفيجتى اللى ولدت بالعدان عطوها ابرة الظهررر وهي والدة طبيعي..

بس اذا جربت العدان ان شاء الله اقولج..بس صراااحة انا اخاف من ابرة الظهرررر..

الصباح كولاده ممتازه بس عاد الغرف عقب الولاده تسد النفس