شنو التعليمات اللي تعطينها طالباتج بأول حصة دراسية |||

مشكوووووورة حبيييبتي عالإفادة ..

ذكرتيني … انا بالميداني نسيت لا أقووول للطالبات اسمي

بعدين قاموا يسألوني مس شنو أسمج ؟؟ و انا أقول ياربي هذول شكووا وأقولهم من غير نفس

نسيت أنهم طالباتي ولااازم يعرفوون اسمي <<<< خوش ابله

بس صج التعريف بالاسم مههههههم .. إن شاء الله ما أنسى هالسنة ..

انا رئيسة قسم تربية فنية

ادش على البنات فقط اعرفهم باسمي وبعدين ادش على طول بالشرح

وما اعطيهم تنبيهات لانه يسمعون من اذن ويطلعون من اذن ثانيه

الي تتاخر تتعاقب فورا توقف في الحصه وان كان تاخيرها وايد اقولها يبيلي ورقه من الاخصائيه عشان تدخلين

ان قلت ادبها الطالبة احاول كثر ما اقدر احتويها وما اخليها تكرهني يعني ابين لها اني حبيتها لووول بعدين اطلب منها توقف على الطالبات او مثلا توزع كراسات وامدحها الاقيها تغيرت بس البنات بمرحلة المتوسط وايد التعامل معاهم صعب

بس ما اضحك معاهم صراحه ما ينعطون ويه ويسوون مشاكل

اقتباس:

المشاركة الأصلية كتبت بواسطة مريم ص عن تجربة انا رئيسة قسم بمرحلة ثانوية اول شي لازم دخلتج على الطالبات تكون قوية دشي و خزي البنات و سكتي اشوي عشان يصير هدوء و بعدين سلمي و خليهم يقعدون لا تضحكين معاهم لان هل شي في البداية يطيحج من عينهم ابتدي الحصة بطلبات و اوامر و تنبيهات عن التاخير و الغيات و عطيهم توزيع الدرجات حسب مادتج و خلي صوتج قوي عشان يحسون البنات انج جادية و مو سهلة بعدين عرفيهم فيج و تعرفي عليهم و ابتدي درسج واخر شي نبهيهم شنو ايحضرون و يجيبون الحصة الجاية عاد انتي من اول اسبوع ابتدي حاسبي بالدرجات صدقيني البنات راح يحترمونج و يحبونج و بعد فترة خفي بتعاملج معاهم و راح تشوفين انهم بيمشون معاج سيدة و الله يوفقج

فعلاااااً .. كل الكلام اللي قلتيه قالته لي امي من قبل .. و سويت اللي قالتلي عليه بالميداني ..

الله يعطييييييييج العااااااااااافية حيييييل استفدت منج

اقتباس:

المشاركة الأصلية كتبت بواسطة مريم ص عن تجربة انا رئيسة قسم بمرحلة ثانوية اول شي لازم دخلتج على الطالبات تكون قوية دشي و خزي البنات و سكتي اشوي عشان يصير هدوء و بعدين سلمي و خليهم يقعدون لا تضحكين معاهم لان هل شي في البداية يطيحج من عينهم ابتدي الحصة بطلبات و اوامر و تنبيهات عن التاخير و الغيات و عطيهم توزيع الدرجات حسب مادتج و خلي صوتج قوي عشان يحسون البنات انج جادية و مو سهلة بعدين عرفيهم فيج و تعرفي عليهم و ابتدي درسج واخر شي نبهيهم شنو ايحضرون و يجيبون الحصة الجاية عاد انتي من اول اسبوع ابتدي حاسبي بالدرجات صدقيني البنات راح يحترمونج و يحبونج و بعد فترة خفي بتعاملج معاهم و راح تشوفين انهم بيمشون معاج سيدة و الله يوفقج

بالضبط كلامج

طبقت هالشي .. مع انه اول يوم ادشين على البنات قلبج يتراقع بس بعدين بتضحكين على نفسج لأن الامور ايزي

اهم شي عطيهم الويه الجاد .. ولاحقه على اللين والغشمره .. واهم اهم اهم شي الابتعاد عن الغلط على الطالبه لأن هالشي ينحفر في قلبها ومخها للأبد .. مهما كان الموقف انتي سيدة الموقف وانتي تقدرين تتحكمين بكل شي

موفقه حبيبتي

بالنسبه حق اول يوم ادخل على البنات واسلم واقولهم اسمي مع اني ادري انهم عارفين اسمي لاني بالمدرسة من مده

واقولهم على التعليمات واحفزهم على الجد والاجتهاد واذكرهم بضرورة عدم الامبالاة والاهمال لان كل شي محسوب من البدايه

واخليهم يقول اساميهم وحده وحده وانبه عليهم ان من باجر لازم تكتب اسمها على بطاقه او حتى ورقه وحطيها على مريولها اول اسبوع علشان احفظ الاسامي مبجر

اسبوع علشان احفظ الاسامي مبجر

واقولهم شي يضحك بس يونس

شوفي انا ما احب الالوان بالدفتر وانا مادتي عربي تبيلها تركيز فاقولهم اللونين المسموحين الازرق والاسود واذا وحده خالفت الكل مجبور
مجبور على الازرق بس

ويوم الخميس يصير يوم الالوان

ههههههههههه شرايج

وبما اني متوسط ودايما ادرس تاسع واقول قصص ومواعظ على الخفيف وبهالطريقه ما تخلص السنه الا الكل يحبج

واي لا انسى

دايما دفتر العلامات معاج ومحسووووووووووب بهالنقطة لا تتساهلين

ودايما اقول لهم انتو اللي تحددون طريقه معاملتي معاكم

صرتو زينين اصير زينه والعكس

1- دفتر 60 صفحة
2- مراجعة أول بأول
3- عندج فرصة تفجين حلجج مرتين ، مرة عشان تسألين سؤال أو تجاوبين على سؤال !
4- أدخل ما فيه أحد يدخل بعدي
5- الصف مرتب و السبورة نظيفة
< شريرة
الله وكيلكم أسبوعين بسسسسس و هم ماشين على التعليمات
بعدين باقي السنة يمشوني آنا على الصراط المستقيم