شنو المواقف المحرجه اللي صارتلج وانت عروس

انا كنت كاشخه بدراعه فيها سلاسل وخرز على الذيل من تحت
ولما كنت امشي بالصاله …دست بالكعب على السلاسل
جان ينقطع الخيط ويتناثر الخرز بالصاله جدام الكل
وقامو عيال حماي الصغار يجمعون الخرز ويعطوني اياه

(عروس عروس هاج جمعناه لج)

يسلمووو خيتوووو على موضوعج الحلوووو

وانا لي مواقف كثيييييره لما كنت عروس منها

مره كنت انا وريلي نتمشى على البحر وتونا مالجين صارلنا اسبوع بس

المهم لقينا راعي البريد وشرينا منه البريد واكلناه ولما خلص قط ريلي علبة البرد على الارض

وتفاجئنا بريال مطلع هويته وطلع من رجال البلديه واهو يطالع بريلي ويقوله لو سمحت شيل اللي قطيته ألحين

بصراحه ريلي انحرج مني واايد وقام ويهه يقط ألوان احمر اخضر

ههههههههههههههههههههههههههههههههههه عجبتني الشكشوكه

الله يهنيكم

اول اسبوع بعرسي جابلنا زوجي عشا وطبعا انا عروس ومصغرررره اللقمه حدها وخلصت بسرررعه وكنت ميته من الجوع قام يقنع فيني اكمل اكلي وانا بكل نعومه لا انا مااكل واشبع بسرعه ومن هالحجي قام هو بيطلع قالي اشيل الاكل اقطه بره؟؟قلتله لا انا باشيله لاتتعب نفسك,,
طلع ابو الشباب والله بغيت ابجي من الجوع واصييررررلكم وحش اكل بيديني الثنتين وفجأه والا ينفتح الباب كنت ادعي بقلبي انه مايكون زوجي ..والا اهو طبعا انا منصددددمه واهو يضحك ويقول انا ادري فيج جوعانه يالله باي اخذي راحتج..بعدها من الفشله انسدت نفسيتي بس بعدين قمت اخذ احتياطاتي واقفل شقتي

خخخخخخخخخخخخخخخخخخخخخخخخخخخ
نفس موقفي بالضبط
كنت توني عروس وميته من الجوع وابو الشباب ياكل وانا بالقفشه شوي شوي
يوووووووووووم خلص وشبع يا مال البطقالي ليش ماتكلين قلت له بس شبعت قال عيل انا بطلع شوي
اهوه امداه يوصل عند الباااااااااااااااااااااب
الى انا مسويه هجوووووووووووووووووووووووووم على الاكل
يومين مو ماكله شي من الجوع
ويومها طلعت حرتي عدل لوووووووووووول

ومره
اول عرسي نزلت على بيت حمولتي >>>توني عروس
وقاعده وكاشخع على اخر حد >>>>>>>>>على بو اني عروووووووس يعني
مادريت الى عيال حمواني يلعبون كوره صغار يعني تقريبا اعمارهم ب6سنوات واقل
ولا انا قاده وعيني على الارض ومستحيه حدي
ولا تقوم خالتي وتطرد العيال بالحوش علشان يلعبون
مادريت الى ولد حماي يشوووووووووووووووووووووووووووووووت الكوره >>على راسي
انا من قو الطقه عيوني احولت حتى اللي اذكره اني كنت لابسه عدسات وحده لقيتها بعيني الليمين واللي باليسار انفقدة >>لان الطقه جت على عيني اليسار عاد من قوووو الطقه شوفو العدسه الثانيه وين اختفت >>>الظاهر وصلت المخ لووووووووووووووول
قمت اشقف وابجي وابتسم يعني الوضع عادي الدموع اربع اربع
ماشاء الله عليه صغيرون وشوته للكره شوتة محترف لوووووووووول
حتى قبل فتره مرني ولد حماي وقااام يضحك قال مرة خالي تذكرين يوم اشوتج وانتي عروووس قلت اسكت العن خيرك للحين ماااااااااااااا نسيت لووووووووووووووووووووووول

هههههههههههههههههههه سلاماااات يالعرووووس

بالليلة عرسي وعقب ما طلعت من العرس رحنا الفندق

يدخل ريلي عزكم الله الحمام بياخذ شور ووصاني اني اطلب العشا من الرسبشن

وقال طلبي ديايه مشويه

ولما اتصلت عليهم طلع الريال اجنبي يعني غصبن علي اتكلم انكليزي

جان اقوله بليز اي ونت ون جكن اور كجن وقعدت ارددها مليووون مره

لما ريلي طلع من الحمام واهو ميييييت علي من الضحك

جان يقولي جكن يباااا مو كجن

المشكله انه لليوم واهو يعايرنيس على هالسالفه