شنو المواقف الى صارت لج بالاستقبالات,,,فششششششششله

لاتطلون تعالو..

قوه شلونكم شخباركم ..

شرايكم كل وحده تقول لنا المواقف الى صارت لها بالاستقبالات سواء استقبال والده وله عروس

ابدى انا هههههههههههههههه كل ماذكر السالفه اضحك مره كنت رايحه حق وحده والده وانا حامل ومفترررر راسى وصاعده الدرج بعد……..حتى اذكر كان بشفا

على ماوصلت غرفة الوالده الا انا طايح حيلى دشيت سلمت على ام الوالده وقعدت على القنفه وكشت بلوالده والناس يطالعونى هذه شفيها ماسلمت على المره الى والده امبىىىى فشله واحراج

يت ام المره وقالت لى ماتبين اتسلمين على فلانه والوالده امبققه عيونها على منصدمه ليش ماسلمت عليها قمت وانا منصدمه واتاسف حق المره واقولها والله راسي مفتر من التعب موقادره وصاعده الدرج

احس الحريم بس يخزونى@@ عبالهم اكو شي بينى وبين الوالده بس صج صج انحرجت لدرجة انى ابى اطلع بس مفتشله احس بيردون يخزونى