شنو انواع الكبب والسمبوسه اللس سويتيها حق رمضان مع الطريقه

انواع السمبوسه :
1- سمبوسة خضار بدون لحم ( بطاط وجزر اقطعهم مكعبات بعدين افوحهم بعدين احمسهم مع بصل وتوم وبهارات وكاري وماجي وفي ناس تحط اجار المنجا بس انا ما احطه اخاف مايحبونه اليهال(
2- سمبوسة جبن ابيض بالنعناع
3-جبن كرفت مع زيتون اسود شرائح وفلفل اخضر
4-افخاذ الدياي (عجينة بف باستري تقطع اربع قطع وافوح ديايه واحمسها مع بصل وثوم وجزر مبشور وسماق وشوية ليمون يصير طعم الحمسه حامض-اسويها مثل كره واسوي لها طرف مبوز احط فيه معكرونيه الاصابع ويصير شكله اذا قليته مثل ريل فخذ الديايه)

5- كبة ماش(يفاح ماش وعيش مع بهارات وملح عادي لما يتسكر – احمس بطاط مبشور وجزر مبشور مع بصل وثوم وبهارات – اهرس العيش والماش واحشيه بالحمسه)
6- كبة بطاط(افوح عيش مع بطاط بعدين اهرسهم مع بعض واحط ملح وكركم وفلفل اسود -احمس بصل وطماط وبقدونس وثوم شويه وبهارات -احط يمي باديه فيها ماي واكبب عشان مايلزق بايدي-عند القلي بيض مع بقسماط ثم يقلى بزيت حار)

ارجو اني اكون فدتكم وما تبخلون علينا