شنو تسوين في هذا الموقف

اغيرلها طبعا ما فيها شي

عادي اغيرلها مافيها شي ياهل

اغيرله عادي

ودايما احط في جنطة البيبي جيس حق البامبرز

اربطه و اقول حق خدامتي او خدامتهم تقله في الزبالة الخارجية

و بس

انا اغيرلها واخلي الخدامه اتقطها بالزباله الي بره واكيد يكون في يهال وايد ومو بس بنتي الي سوتها وهذا عادي كل ياهل بياخذ راحته ماراح تحكرينه
بس مره انحطيت بموقف تضايقت من الي سوته فيني
كنا زايرين وخدامتي قاعد ه تغير حق بنتي حاطتها على الغنفه كانت صغيره جان صاحبت البيت تعصب وتصرخ على الخدامه وتقولها ليش حاطتها على الغنفه قومي قطي الحفاظه بره السكه
شدعوه يعني بتغير حق البنيه واهيا مو مسويه شي بس بتغيرلها حفاظتها بعد لازم نغيرلها كل ساعه بنخليها تخيس ولا وين احط بنتي علشان اغيرلها ؟ واحنا ما وصخنا الغنفه الي شاده حيلها جذي واحنا معلمين خدمنا يقطون الحفاظه بره بالزباله وانا مادري لما ردينا البيت الخدامه قاعده تقولي هذي ماما شفيها جذي قلت خل تولي واول مره اروحلها واخر مره دام هذا اسلوبها حتى اهيا عندها عيال بناتها يعني اذا وصخوا وين بغيرون لهم ولا حقنا حرام؟!!!!!!!!!!!!!!!!!!!!!!!

اكيد اغير لها واعطي خدامتي البامبرز تقطه بالزبلة الي بره …

انا ساكنه عند حمولتي بشقه
بس حتى اذا نزلت عندهم واهم اهل بنتي
اخلي الخدامه تحطها في كيس وتقطها في زبالة الشارع

واذا غيرتلها احط تحتها مفرش حق تغيير البيبي
وفي غرفه معزوله موجدامهم

قبل لا اطلع يكونون مغيير و نظاف.

و عموما طلعاتنا اذا هم معانا ما تتعدي الساعتين عادي ما اغير لهم ها الوقت الا اذا كان في داعي ملح …ساعتها أمري لله يا نرد البيت يا اغير لهم هناك…و بعض الاماكن أو بالاصح كثير منها يكون في حمام نساء و في غرفة تغيير الاطفال مثل الافينيوز و ايكيا حتى القديم و غيرهم.

بس عاد لازم يكون معاي النايلون افرشه تحت الياهل و فوقة فوطة الياهل