شنو صار بهاليوم وشنو سوويتوا .؟؟!! تجاربكم ياحلواات

صباح / مساء الخيــــــــــــر على الجميع

انا جديده عليكم .. كنت مسجله واتابع بصمت .. ومادش النت واجد فماعندي وقت
يعني اتواصل مع الموجودين <<< الموهم يعني ههههه

بس حبيت اعرفكم على نفسي شوي بما اني جديده ..

طيب يا بنات .. عندي موضوع .. بالاحرى سؤاااال ………..

كلكم يمكن او الاغلب مقبلين على الزواج .. بس بعرف شلي صار وشلون تصرفتوا
بيوم خطبتكم .. اقصد اليوم اللي قرروا فيه اهل المعرس يجون ويشوفونج اول مره!!

شلبستوا ؟؟ شلون استقبلتيهم ؟؟ مكياج واجد ولا ناعم ولا خفيف ؟؟

بنات انا للحين ماتزوجت .. بس انخطبت واجد واستقبلت ناس واجد عشان يشوفوني
وماصار نصيب والاغلب رفض ابوي ( محتفظ فينا لليوم الاسود لووول )

فيا بنات نبي تجاربكم مع الخطاب واهلهم ..

شرايكم ابدا انا ؟؟ << بتخيل قلتو اي ابدي انتي لووووووووووووول

انا دايما يا بنات لوكي ناعم .. في كل المناسبات .. ومثل هاذي الامور ازيد بالنعومه
لييش ؟؟ انا من النوع احب الناس تشوفني على طبيعتي .. ماحب باجر يمدحون شي
وبعده يقولون لااا ماكان مثل اول ؟؟ يعني مثل اكون سمره واترس عمري كريم ويقولون
عني بيضه وينصدمون بعدين لوووول .. عاد انا الحمدالله بيضه .. وابرز هالشي دامنه ميزه

بالنسبه للبس ( بما اني مطبقة مثل كثروا خطابها وبارت هههههه ) فكل مره انوع لكن ضمن
حدود النعومه .. انصدم من البنات اللي يفصلون بدل ولا يلبسون دراعه فخمه ولا ولا ولا ؟؟؟؟

انا يا البس بدله نعومه وتبرز جسمي .. احاول تكون شي راقي ذرب يبين ذوقي ويناسب هالمناسبه
مرات احس اللبس لها صعب .. بالاخير اطلع بشي ناعم بعد ما انفض الكبت .. بس عاد مو تتخيلون
اطلع بجينز وبدي ولا ليقين (( يااااو وش احس فيه حزتها لووول )) .. لا تكون بدله فيها شيفونات
ولا البس فستان نعوم ومرتب .. امممم مره وحده لبست قصير بس الحين ما أأيد .. خصوصا للي
مثلي (( قزمات شوي )) احس الشي الطويل يرزج شوي .. ولا البس دراعه بس هاا تكون ستايل
بناتي جنها نفنوف .. انا ماعندي خرابيط ودفاشه وتكون دراعه دراعه لا مثل ماقلت لكــم كأنهــأ
فستان ..

مكياجي ناعم .. كحل سحبه بسيط ولا كحل القلم العادي احدد عيني بطريقه حلوه ومسكره وحمره
نااعمه .. (( حسيت اني بذوب من كثر ماقلت ناعم هههه )) .. طبعا انا انجن وانقد واستغرب من
اللي تروح الصالون !!! وش تحس فيه

بالنسبه لي مايمنع اسوي حركه بشعري .. ويفي بسيط ولا اسوي شعري ليس واحط له كلبسات
وارفعه من الجوانب .. شوية حركات يعني خفيفه ..

المهم قرقت عليكم وااجد .. عطوني تجاربكم بهالسوالف .. انا احس النظره الاولى تبقى
لازم تكون مميزه .. نااااطرتكم