تخطى إلى المحتوى
الرئيسية » شنو علاج الالتهابات والفطريات

شنو علاج الالتهابات والفطريات

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام عليكم بنات ابي منو تعرف علاج الفطريات والالتهابات

انا رحت حق دكتوة وكذا مرة تعطيني مضاد وتحاميل يروح شهر وعقبة يرد تعبت منو تعرف علاج زين او دكتورة زينة نفيديني ويعطيكم الف عافية يارب

14 أفكار بشأن “شنو علاج الالتهابات والفطريات”

  1. السلام عليكم سلامتج أختي من الإلتهابات لأنها مزعجة وايد وتضايق إلي أقصى حد
    أهم شيء إنج تتأكدين إن مافيج سكر لأن السكر يزيد من الفطريات بشكل كبير
    وجربي بودرة التشطيف من صيدلية المستوصف وايد تريح بس موعلاج يقطعها
    وفية مضاد خاص للفطريات يوخرها من أول حبة اسمة دوفلكان ………..
    الدكتور إلي أراجعة يوصفهالي كل ما صارت لي هالمشكلة بس أقولة مشكلتي
    يعرف من غير لافحص ولا شيء لان عندي سكر اذا ارتفع السكر وايد تصيبني

    فطريات لونها أبيض وكأنها قطع صغيرة ؟؟؟؟؟؟؟؟؟؟؟؟؟
    سلامتج وماتشوفين شر



  2. والله نفس الحاله

    رحت مره المستوصف وطلع معاى فطريات وعطتنى غسول وتحاميل وحبوب وماشاءالله بسرعه راحت وعلى قولتج فتره وردت لى



  3. يعطيكم العافية حبيباتي والله يشافينا ويشافي جميع مرضى المسلمين
    حبيبتي قمر العالي ماتشوفين شر حياتي انا الحمدالله مااشكي من سكر ولا شي بس كل مااعالج يرد الالتهاب ينني والله

    واشكركم على مروركم :$



  4. انا كان فيني عطتني الدكتورا تحميله وكريم وغسول

    ولازم تهتمين بزياده الانه تدرين مع الحمل الافرزات تزيد

    فاللي عليج تسوينه تغيرين الاندوير مرتين باليوم واستخدمي

    كير فري اليومي عرفتيه؟ تقريبا ٤ مرات تبدلينه باليوم

    غيري الغسول لا تستخدمين الغسول العادي سيتيال او adc

    ماينفع مع الالتهابات احسن شي في نوع بالصيدليه بالاعشاب حق الي فيهم التهاب استمري عليه

    وانشاء الله ماراح ترجعلج مرا ثانيه



  5. اقتباس:
    المشاركة الأصلية كتبت بواسطة ام قدووور
    انا كان فيني عطتني الدكتورا تحميله وكريم وغسول

    ولازم تهتمين بزياده الانه تدرين مع الحمل الافرزات تزيد

    فاللي عليج تسوينه تغيرين الاندوير مرتين باليوم واستخدمي

    كير فري اليومي عرفتيه؟ تقريبا ٤ مرات تبدلينه باليوم

    غيري الغسول لا تستخدمين الغسول العادي سيتيال او adc

    ماينفع مع الالتهابات احسن شي في نوع بالصيدليه بالاعشاب حق الي فيهم التهاب استمري عليه

    وانشاء الله ماراح ترجعلج مرا ثانيه

    كفت و وفت



  6. حبيبتي
    ادري الالتهاب مزعج وياذي

    بس انا لما اخذ علاج يعطوني حبوب حق زوجي

    علشان مو اتعالج ويكون هو حامل الالتهاب ويرده لي
    سالي الدكتوره
    انا دكتوره ناهده تعطيني حقه



  7. الله يكون بعونج

    انا بعد من حملت صار فيني فطريات

    خذيت تحاميل راحت شهر وردت

    وخذيت مره ثانيه تحاميل ونفس الشي

    والحين استخدم غسول من الصيدليه اعشاب

    بس ماشفت نتيجه

    يروح ويرد

    نبي حل نهائي



اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.