مرحبا بنات أرجو من الاشراف عدم نقل موضوعي لأنه مهم بالنسبه لي وتهم شريحه كبيره من اللي يدخلون هالبوابه؟
ودي اعرف شنو اللي ودج يكون بالكافيه او المطعم عشان تقولين ان هذا المكان اللي تحبينه؟؟
يعني والله ساعات اشوف زحمه بمكان واستغرب لن يكون فاشل من كل النواحي الديكور والطعم والسعر مثل كافيه ستار بوكس مثلا والله ان العصير البرتقال كنا ناخذه منه ب600 فلس وصار ب 1400 مو انتو يالكويتين ما تشوفون بس تدفعون تخيلو وأكله مو حلو صراحه وحتى ديكوره وكراسيه بس ماشاء الله تبارك الرحمن ناجح والاهم قهوته مو حلوه
في مطعم بالكويت بدون ذكر اسامي زحمه وحجز والاكل موحلو بس عشام حجز وزحمه ودوس الناس تبيه
ودي اعرف شنو الاولويات عندج؟؟
شنو اللي شفتيه بالكافيهات او المطاعم وانتي مسافره وتمنيتي يكون هني ؟
حتى لو الكافيه بالكويت وعاجبج شنو اللي عاجبج فيه؟
ناطره تجاوبكم واللي ترفع الموضوع الله يرفع مقدارها
مرحبا بنات أرجو من الاشراف عدم نقل موضوعي لأنه مهم بالنسبه لي وتهم شريحه كبيره من اللي يدخلون هالبوابه؟
ودي اعرف شنو اللي ودج يكون بالكافيه او المطعم عشان تقولين ان هذا المكان اللي تحبينه؟؟
يعني والله ساعات اشوف زحمه بمكان واستغرب لن يكون فاشل من كل النواحي الديكور والطعم والسعر مثل كافيه ستار بوكس مثلا والله ان العصير البرتقال كنا ناخذه منه ب600 فلس وصار ب 1400 مو انتو يالكويتين ما تشوفون بس تدفعون تخيلو وأكله مو حلو صراحه وحتى ديكوره وكراسيه بس ماشاء الله تبارك الرحمن ناجح والاهم قهوته مو حلوه
في مطعم بالكويت بدون ذكر اسامي زحمه وحجز والاكل موحلو بس عشام حجز وزحمه ودوس الناس تبيه
ودي اعرف شنو الاولويات عندج؟؟
شنو اللي شفتيه بالكافيهات او المطاعم وانتي مسافره وتمنيتي يكون هني ؟
حتى لو الكافيه بالكويت وعاجبج شنو اللي عاجبج فيه؟
ناطره تجاوبكم واللي ترفع الموضوع الله يرفع مقدارها
اتمنى من الكل يحط مشاركاته
بالتوفيق
قهوة ماكدونالز احلى من قهوتهم لوووووووووووووووووول
الناس تبي السمعه بس والزحمه
عندج ميس الغانم الله يزيد النعمه
وبرج الحمام وشيليز
علشان الزحمه والسمعه
والله انه اكل مطعم مركز السلطان وتكا اللي على البحر احلى واهدى وافضل منهم
حتى اسعار مركز السلطان معقوله مو ذاك الغلا
ومكشوره ع الموضوع
وترى كل شي رأي ووجهة نظر
بس ستاربكس غالي عللى الفاضي
واكثررررررررررررررررررررررررررر شي ينرفزني ويبط جبدي ويرفع ضغطي بالمطاعم والكافيهات بالكويت
يعني بعد حنه ورنه تطلعين بتغيرين جو
تاخذين اللاب توب معاج وتروحين كافيه
والريل ماله خلق
بس بيجاملج
او بتسولفون بموضوع وتناقشونه,,,,,يعني رايحه وانتي محتره وبتغيرين جو
تقعدين بهدوء واللا الطاوله اللي يمج سواء بنات او شباب او عايله او قروب
قاعدين يمج وازعاااااااااااااااااااااج مندمجين بالسوالف
جنه مافي احد بالمكان غيرهم
تطالعينهم يمكن يستحون ماكو فايده
وازعاج وصوت الشوك والصحون
وضحكه لي اخر الدنيا جنه قاعدين ببيت ابوهم
انا مااقصد الكل بس اقصد البعض
وسامحوني على صراحتي ادري طولت بس من الحره
ماحس بالخصوصية وكل سوالفي مسموعة
وخاصة الكافيهات الواحد يقعد فيهم بمزاج وودة بتغيير جو
وحتى سالفة نو سموكنق احسها بالكويت بس شكل عالطاولة ومافي تطبيق
ذاك اليوم كنت ب360 قعدت بريبابلك كافيه طاولتي نوسموكنق
والا القنفة اللي يمي مرة لااااااااااااا اله الا الله قطاار يمشي
تدخن من قلب اللي احس انها قاعدة بحظني وتدخن بويهي
يعني حتى لو قنفتها للسموكنق شلون حاطين طاولة نوسموكنق ببطنها !!
والا المهم الربح ومانرد الناس اللي مايلقون مكان!!
واللي ودي فيه ان يكون فيه اماكن مثل البارتشن للخصوصية … مو كباين لا
يعني سواء عندي شغل والا معاي لاب توب وممكن اقعد بالساعات بشكل مريح اخذ كورنر منفصل
وبس سلامتج
يعني ستاربكس لا طعم ولاريحة بس الناس عندنا هبات
حتى سندويشاتهم اختربت مو مثل قبل ويلزمونج الا بانيني .. يبا موحلوة مالتهم … سندويشات ايبون بالقطارة
انا احب كولمبس وكاريبو وغلوريا جينز
وانا ملاحظة باغلب الكافيهات قلة التنويع بالساندويش دايما احصل سوالف لحوم وتونا اكثر من الاجبان
اي الناس صايره بس تبي تطلع ومايهمها المكان ولا الديكور
اوكي مانبي ديكور نبي نظافه
روحوا اوروبا شوفوا نظامهم لمن يخلصون الاكل يشيلون الصينيه وينظفون مكانهم
اما عندنا ماشاءالله يخلون لج الكرسي دبق والكلينكس من كل صوب وطبعا الكافيهات مو نفس المطاعم تعالي نطري ينظفون لج
يعني الواحد يحب يشرب قهوته بجو راقي موسيقى وناس تتكلم بصوت واطي مو صراخ وازعاج عشان جذي احب اروح الكافيهات اللي بعيده عن الزحمة
يعني انا غرامي كاريبو اللي بالبحر سنتر واذا الصبح بعد الله
هدوء وماكو ازعاج وماكو خز والاهم ماكو مغازل
احط اللابتوب وانسى عمري