شهالدكتورة الى رحتلها)

السلام عليكم كويتيات

خل اقولكم سالفتي امس

امس دقيت على عيادة الدكتورة عالية الفضلي طبعا غنية عن التعريف دقيت الظهر لان باخذ موعد ول يرد علي الرسبشن وقالي لا يا مدام الى ييجي الاول يدخل الاول

قلت اوكي متى تفتح العيادة قال الساعه 6.30

انا وزوجي هناك الساعه 6

نسسسسسسسسيت لاقولكم طبعا مكانها يلوع الجبدددددددددددددددددددددددددد ماكو طريج ولاشوارع اهي بالمهبولة بس العمارة مالها دخلة وطيييييييييييييييين لو انا حامل جان الجنين عليه العوض من الشارع لانه تراااب وزوجي يسب ويلعن هههههههه وانا اهديه لاني ابي الدكتورة

دخلت العمارة الوضع كان غريب مو نفس العيادات ولا لافته مكتور عليها(( منعا للاحراج الرجال ينطرون تحت))
انزين ميخالف نقول عشان الحريم وعيب بس دكتورة مثلها ماتعرف تحط استقبال كبير عشان الاوادم وفيه لافته ثانية ماركزت عليها الا لما طلعت وهي(( من اجل ارضاءكم العيادة تفتح لي الساعه 12.30)) يعني لي نص الليل

الله وكيلكم من الساعه 6لين العشرررررررررررررررررررررررررررررررررر وانا انطر والحريم ينطرون الاخت تشرف طبعا ماوصلت الا الساعه 9 وانا ررقمي 13 وزوجي لوع جبدي من كثر مايتصل ويحن والحريم مساكين يتحلطمون
طبعا وصلت الساعه 9 ولين الساعه 10 مادخلت الا 5 حريم بسسسسسسسسسسسسسسسسسسسسس

انا زهقت وطلعت وقلت توووووبة اروح لها مرة ثانية طبعا في اكثر من دكتورة ودكتور معاها بس الكل يبيها اهي
وحاطة لوحة نحاااااااااااااس محفورة كبيررررررررة كاتبة ان فتح الملف عندها ب20 دينار والباجي على 15 و12 دينار

لما طلعت طلعوا معاي جم وحدة والله مالومهم كل هالنطرة واخر شي بتسكر العيادة واحنا مادخلنا