شوفو طريقتي المبتكره لعمل الهمبورجر البيتي المحشي بالجبنه

اول شي تشترون اللحم المفروم مع الشحم ضروري وانا اخذت لحم غنم ممكن لحم بقر مومشكله( نص كيلو)
تبشرين بصله وحده+ بيضه+ ملعقه كبيره طحين وتخلطينهم مع اللحم وتحطين ملح وفلفل اسود وكمون وزعتر جاف كل واحد منهم نص قفشه صغيره وتعجنينهم مع بعض وتظبطين الملح حسب الطعم
تحطين اللحم بالثلاجه نص ساعه واكثر حتى يتماسك

تطلعينه من الثلاجه وتكورينه كور صغيره وكل كره تفردينها بايدج تسوينها شويه خفيفه

كل دائره لحم فردتيها حطي عليها شريحه جبنه شدر او اي جبنه تحبينها

تحطين عليها دائره ثانيه من عجينه اللحم الي فردتيها وتسكرينها فوق الجبنه

خليها بالثلاجه لوقت الوجبه تطلعينها وتشوينها على الشوايه او على مقله تكون ثقيله سميكه وبدون اي دهن او زيت

لما تحمر

قلبيها

ولما تحمر حطيها بصحن التقديم