شوفي رئيسة قسمي القديمه شصار فيها اللهم لا شماته

انا كنت اشتغل في مدرسة قريبه من بيتي ومن مدارس عيالي

ورئيسة قسمي كويتيه كانت تفرق بيني وبين الوافدات ترزز الوافدات اللي نفس أصلها

كنت تعابه نفسيا منها تتبلى علي ومطلعه فيني عيوب الدنيا عند الادارة والتوجيه

لدرجة انهم يعطوني عرضي بالحسره وكل يوم اصبر نفسي واقول ياعل ربي يهديها لي

وكم مره اكلمها واحاول اكسبها بس اهيا موبلاعتني لاني مو نفس فصيلتها

فجأه انقلوني نقل اجباري مدرسة بعيده والوافدات اللي نفس اصلها رازتهم في المدرسة ومدلعتهم

انا تلعوزت كل يوم اتاخر على عيالي و على مااطلع من المدرسة

واروح آخذهم مااوصول البيت الا 2:30 وساعات اكثر اذا زحمه وساعات اكون تعبانه

اخوي يمر ياخذهم بغيت اقدم استقالتي رحت المنطقة التعليمية وقلتلهم عن وضعي

قطو السالفه على التوجيه كلمت التوجيه قالولي رئيسة قسمج ماتبيج

اهيا مرشحه اسمج للنقل ماتبيج وحطو بدالي ابله وافده

ومره شفتها في درس نموذجي قاعده تطلعني وتتضحك مثل اللي تتشمت وتقط نغزات علي

انا طبعي ماارد ولا انزل نفسي لمستوى اللي يقطون نغزات

لكن شلت بقلبي عليها حسبي الله عليها والله لا يسامحها مومحللتها ليوم الدين

شوفو شصار فيها
*
*
*
*

*
*
*
*
*
*
*
*
*
*
*
*
*
*
*
*
*
أمس في ورشة عمل في أحد المدارس شفتها تقول للموجهه الاولى

عندها نقص ابلاتها كل وحده نصابها 20 الموجهه الاولى ردت عليها بصوت عالي

وقالتلها جدام الموجهين والمعلمات والمعلمين : كل ابله عندج في المدرسة تاخذ 20 حصه وانتي يارئيسة القسم 10 حصص قرار اجباري مني انا الموجهه الاولى

واذا شفت ابله يايه تشتكي وتقول نصابها وايد راح احولها للتحقيق

ومطرشتلي ناس على اساس ارد عندها المدرسة شوفو شلون الدنيا تدور

كرامتي فوق كل شي عسانى اشتغل في المريخ ولا اروحلها صرت انا الحين حلوه؟!!!

الوافدات اللي رازتهم وحده منهم ولدت والثانيه صار فيه مرض وبتسوي عملية

لا تقولونلي هذول مالهم شغل تدرون اهما يدرون شلون رئيسة القسم ماتواطني

كانو مستلميني نغزات وحركات اللهم شماته صج الله سبحانه يمهل ولا يهمل

ورئيسة قسمي في مدرستي الجديده شرحتلها وضعي ان بيتي بعيد

كلمت الادارة والحين قاعدين يطلعوني مبجر يا عسى عيني ماتبجيها جزاه الله الف خير

وانا من كثر ماهي احرجتني بذونها بنت الحلال استحي منها اي شي تطلبه مني اسويه حتى لو

على حساب طاقتي وراحتي