صج تعبت حيييل بس الحمدالله, قصه ولادتى برويال حياه

قصتي ولادتى بالمستشفى الفظيييييييييييع رويال حيات ….

الحمدالله علي كل حال وقدر الله وماشاء فعل
ولادتي كانت متعسره لكن الحمدالله انى انا و البيبي ابخير الحين وانشاءلله يوم بعد يوم احسن

من الساعه وحده الظهر لي وحده ونص بليل وانا اطلق علشان انه طبيعي بعدها الساعه وحده ونص بليل قرر الدكتور قيصيريه لانه مخرج الحوض ضيج عندي وراس البيبي علق داخل الحوض ويطق بعظمت الحوض ويرجع بعدعمري و الحمدالله علي كل حال يارب وانه راسه ما تأثر بس فروة الراس اللي ورمت الحمدالله وانشاءلله اتروح باقل من شهر يارب ادعوله و ادعوولي
اولا رحت لهم الساعه 1 الظهر كان نازل علي ماي ويتنى دكتوره هنديه وفحصتني ولا مفتوحه سانتى بس وخلوني واتصلو ابدكتوري و قالهم عطوها حقنه وسوو تخطيط حق نبض البيبي وماكان فيني طلق ابدا حطولي صناعي لما وصل دكتوري الساعه 4 وبعدها قال تو الناس علي لاني بجر وكل ثلاث ساعات ازيد سانتى الي 2 سانتى طولت وايد المهم لما صارت الساعه وحده ونص بليل قرر الدكتور يسوي لي قيصيريه لانه مخرج الحوض اصغير عندي دخل راس البيبي بالحوض و علق قام يطق ابعظمه الحوض حتى بعد عمري البيبي طلع راسه متفوخ علي جنب وكلا دم بس الحمدالله ياب دكتوري دكتور اطفال افحصه وقال هذا بس بالفروه الانتفاخ و انشاءلله ما ياثر علي راسه هذا كلا الي حد الان مشيئه الله ان يصير معاي جذي
انا خذيت ابره ظهر وخلو البربيش مال الابره ابظهري لي ثاني يوم بعد العمليه ماشالوه وادق عليه اقولهم شيلو يقولون لا قوماي امشى اشوي فيه واحس فيه يلعب ابظهري احساس يخرع مثل الكهربا ومافي دوا ولاشي بس بربيش مركب ولما صار المغرب وبالغصب شالو بعد ما ناديت دكتور التخدير وقلت له العمليه خلصت شيلو وبعدها شاله + خلو بربيش البول تكرمون يومين موراضين يشيلونه بعد وتحسرت لين بعد الحنا والرنا شالوه يعني اهتمام ومتابعه مافي ابداااااااا بس شاطرين كل ساعه ايون يعطوني ادرب ومسكنات وادويه
حطولي درب بالغلط ابمكان صوب العظم والابره مالت الدرب انعوت داخل وحاشت العظم وصار مثل ورمه بالعظم منها وقبت المنطقه حمرا كلها ووااااااارمه اتخرع عمري ماشفت ادرب ينحط ابجنب الايد مو من فوق لا من جنب صوب المفصل
يتنى الصبح دكتوره نساء وولاده منهم اتشيك علي ويت ابتفحصنى من تحت بتشوف وانا مسويه قيصريه شكو اتشوف تحت يعني والاهم من هذا انها لما يت تفحضنى صرخت لانه جم الباطو مالها كلا دم توها طالعه من ولاده ويايتنى مو مغيره اهدومها تخيلووو!!
اكمل بعد ؟؟؟؟؟
السسترات مو فاهمين شي بس اللهم عن قولت والله وحده فلبينيه شاطره والباجي لوووعه مافي فهاميه ولا شي ابجي من الالم يخلوني و ينحاشون مايعرفون يتصرفون اصرخ اناديهم محد يرد
هذا غير البيبي اللي حاطينه بالكاميرا ومايدرون عنه يرجع ويشرق ولا يدرون عنه وانا قيصريه ما اقدر اقوم ولا اتحرك من مكاني اشووفه بالكاميرا و ارعص بالدقم اناديهم مايردون الا امي بعد عمري اتطير له بالحضانه اتقولهم تخيلوو!!
اكمل بعد؟؟؟؟؟؟؟
والطااااااااااااامه و المصيبه بعد الاخيره اللي اباخر يوم صارت انبقت باقوني يت مالت الهاوس كيبنق اتنظف واهيا شكلها افريقيه اثيوبيه نيجيريا شي جذي اتخرع سمرا وطويله افريقيه واعيونها اتخرع قلنالها احنا بنسوي جك اوت الحين بنطلع نظفي بعد ما نطلع حق الناس اللي عقبنا ليش اتنظفين لنا و احنا ابنمشي الحين؟؟ ماله داعي بس اتضايقينا قاعدين انبدل ملابسنا و ابنستعمل الحمام وجذي واصرت اصرت انها اتنظف وقالت لا لا انا مدام just want to provide the service for u !! بس بقدم لكم خدمه التنظيف حتى لو ابتطلعون الحين خلينها و اعيونها علي السيفتي بوكس كنت قاعده افتحه بطلع فلوس بحاسب الريال اللي يشيل الورد لي البيت وطلعت بره اكلمه انا و امي عند الباب واهيا كانت برا خلاص ماراح اتنظف بعد ما امي قالت لها طلعي بنغير وجذي بس طلعنا بره حق الريال ولاهين معاه انقوله شنو ياخذ شنو ما ياخذ من بوكيهات حق البيت يوصلهم اللي نبيه و اللي ما نبيه ولا اتيي هذي اتقول حق امي ابي استعمل التلفون مدام دقيقه قالت امي دخلي وادخلت و اطلعت ابسرعه و احنا عند الباب يوم رديت اشوف ولا الظرف جنه قل حجمه اطالع ولا انباق منى 110 دنانير ياعلها بالتلف ياااارب وعلي بالعوض ونادينا المدير وسالفه وياب لنا مصري سكيوريتي وجذي وقال ابنعطيكم خبر انشاءلله خلال اقل من ساعه وبدلنا و غيرنا و صارت ساعات ومحد رد علينا وطلعنا من المستشفى وركبنا السياره ومحد حاجانا من الريسيبشن اساسا وراحت امي خلتنا بالسياره و انزلت اتدوره المصري اللي يانه ولا مو موجود متغير الشفت ماله طلع وفي بداله واحد ثاني شوفوا الاهتمام وراحت الريسبشن ولا يقولون اي اي علي موضوع السرقه والله احنا فتشنا اللوكر مالها مالقينا شي اكيد ماراح تلقون مو باقتني و انحاشت ابسرعه وبعدين قعدوا حوالي ساعه الاربع يدورنها مالقوها اختفت راحت خشت البوقه ويت مره ثانيه مع المدير يقولون كاهي لقينها اي شي اكيد ماراح اتخشه باللوكر اللي يبوق ما يبلش عمره والله انه قلبي نغزني اول ما شفتها ووصيت امي علي الظرف قبل لا نطلع انكلم الريال برا بس امي قلب ميت اتقول اشدراني عبالي تبين شي ثاني ما ادري قصدج اشيل الظرف
الله علي قولت امي دفعت بلا عن عمري وعن ولدي
تبوووووووووون بعد اقووولكم عنهم؟؟؟؟
الحين طلعت علي الوييل جيير من المستشفى ولا حد كلمني ولا شي ليش لانه قابضين افلوسهم لو مو قابضين جان ماخلوني اعتب برا الباب المهم الحين في اوراق لازم اخذهم محد قالي شي عنهم اللي اهما بلاغ الولاده وورقه الدخول ومثل شهاده حق البيبي منهم هذي عشتوا يوم رحت قلت لهم قالو مو جاهزين لحد الحين و انا قيصيريه قاعده عندهم 6 ايام اربع وزياده يومين وماخلصو قلت اوكي يمكن اجراءات و شهاده البيبي اللي منكم هذي وينها خو كلها طباعه قالو موجوده بس مافي الظرف اللي تنحط فيه خالص يوصل بعد اسبوع !!!!!!
اي وازيدكم من الشعر بيت بعد ديرو بالكم علي اعيالكم اهناك يخربطون باليهال بعد يوم ييت بطلع يتني النيرس الغرفه وعطتني تقرير طبي عن حالتي من اول ما دخلت يوم كذا وكان الماي نازل وولدت الفجر الساعه كذا ويبت بيبي female !!!!!! شنو بيبي فيميل ؟؟؟؟؟ وانا والده يبت ولد اسملا عليه؟؟؟؟؟؟ اشلون جان اتقووووووول سوري سوري الحين اروح اصلحها قاعده عندكم 6 ايام وماتدرون يايبه بنت ولا ولد اتغلطون بعد؟؟؟؟؟ شي موطبيعي يعني اخظائكم توصل لي هالدرجه اشوا اني ادري انه فيني ولد من الثالث مسويا سونار وريلي يدري والله اسملا علي ولدي كاتبين بنت تخيلووووووو !!!!!!!!!!!
اكمل بعد؟؟؟؟؟
هذا طبعا غير الاكل اللي استغفر الله ازفرته اتعط من ايبونه ما تشتهون تاكلونه و اول يومين كان ايبون لي سوائل علشان قيصيريه ويايبين لي شوربه خاليه علي قولتهم كليييييير سووب واطالع الشوربه صج كلييييير بس فيها شي ادقق ولا اشعره !!!!!!! و ابروحي نفسي مسدوده سدوها اكثرر واقط الاكل ويعتذرون ويقولون انبدله لج قلت مشكورين بس شيلوه برا والوجبات ابلاش ايبونها بس شنو يتاخرون فيها يعني الغدا لين الساعه 3 انطر ما يابوه ولما ادق يقولون خلص وقته الحين اذا تبين انيب لج الغدا بس بفلوس تخيلو وانا مريضه و ادويه وتعبانه ويتاخرون علي بالاكل وابروحا الاكل الله يزيد النعمه قمت ما اكل منهم البيت اييبون لي بالتايم و اكلهم اعطيه الخدامه اتحب اكل المطاعم اهيا لو شنو كان عليها بالعافيه شسوي….
تبووووووووون اتعرفون بعد؟؟؟؟؟
وهذا غير لما سويت استقبال وطلبت خدمه البنات الضيافه منهم بدعو فينااااااااااا يتنا وحده لابسه لبس رويال حيات العنابي وشكلها ذرب والثانيه شعرها كشا ولابسه دراعه حمرا اطرافها ذهبي غير عن لبس البنات ملوتهم مختلف المهم امي بكل هدوء قالت لها خلج بالمطبخ جهزي الشاي و عطي الثانيه اهيا اللي تطلع اتقدم احسن قالت واااااي مدام ؟؟ قالت امي لانه لبسج خامته مختلفه عن لبس المستشفى يعني ما قالت لها شكلج ارففففف لا قالتها اباسلوب ذرب ما مداها امي طلعت من باب المطبخ ولا تسمع صوت تكسرررر ماقدرت ترجع المطبخ اتشوف لانه كان زحمه وايد ناس عندنا قالت بشوف تالي اذا خفو الاوادم يوم راحت المطبخ ولا شنو مسوين مكسرين اربع سكانات من طقم غالي و 2 من طقم ثاني تخيلو الحقاره اللي فيهم كل هذا علشان امي قالت لهم عن لبسها و الزعفران الغالي كاتين فيه ماي اخترب علبت الزعفران كلها ماي يدرون انه غالي امي قالت لهم لاتحطون منه وايد هذا غالي قايمين و كاتين ماي عليه و يوم زفتهم جان يخلونا و يطلعون بعز الاستقبال والزحمه و قامت خدامتى اهيا اللي اتقدم انقذت الموقف تخيلوووووووو!!

بالعربي المستشفى راااااااااااااااااااااايح فيها وتوووووووووووبه تووووووووبه اروح له مره ثانيه و نهيبه احسابي طلع مبلغ ………. يالله الف الحمدالله المهم سلامتى وسلامت البيبي

حسبي الله عليهم