صج شي مأزمني وايد وايد مادري شنو افسر الحاله الي فيني !! ساعدوني بنات

الســــلام عليــكم

بنات انا الحمدلله اهتم بيدي وايد وايد وماعمرها صارت سوده حتن مفاصلي حمدالله بيضه ونظيفه وهذا من كثر الاهتمام بس الحين صارلي تقريبا 10 اشهر تقريبا على هالحاله وبالضبط اذكرها من رمضان,,
والحاله الي صارت فيني انه ايدي فجأه اتصير خشنه حيل نفس القار بدون مبالغه بنات ولونها اسود ومتشققه جنج يايبه موس وتشمخيني فيه بالضبط جذي
ورحت عيادة خاصه وعطاني كريم في نسبة حليب وغيره وغيره وتقريبا اسبوعين وخف الحمدالله ماقولكم راح بس احسن من قبل, واستخدمته تقريبا شهرين وراح حمدالله,, بس وراها بثلاث تيام رد نفس الشي,
والي متعبني انه اشلون بيوم وليله تصير الايد سوده وجنه فيها اقزيمه, وهمن رحت العياده وغير الصيدليه وغير الجلديه وهمن نفس الشي ,, وللعلم بنات انا مافيني اقزيمه ابدا ولا مره صارت فيني من كنت صغيره لي يومكم هذا
ومع الادويه والدكاتره همن ماكو الحاله اهيا اهيا ماتغير اي شي اتروح يومين واتردلي شهر واثنين وثلاث, وحيل ازمتني الحاله,, والحين صارلي شهر خافه علي بس بنات الي استغربت منه انه الحين ماقامت تصير اسود لا

قامت تصير لونها احمر ومثل حبوب صغيره جدا جدا ماتشوفونها بس اي احد يلمس ايدي يحس بندبات وايد, وتخف يومين وترد وعلى هالحال, والحين تقريبا خافه الحبوب وشبه مافي احمرار بس اخاف اترد نفس قبل فمادري شسوي؟؟

والشــي الي زاد الطين بله انه تقريبا من شهر لي يومكم هذا وانا كله احك جسمي بشكل مو طبيعي بس اقعد واحك واحك حتن مرات انادي خواتي ولا الخدامه يحكون ظهري : ,, مرات لمن اقعد باي مكان تخيلو اقعد احك ماقدر اصبر في شي يحككني
ولي درجه شكيت بعمري وتخيلو كل هدومي وملابسي الداخليه والكفر غسلتهم والشرشف غيرته وهم ماكو فايده مادري شسوي؟؟ وانا ماني وصخه الي ما اسبح حمدالله انا اسبح باليوم مرتين الى ثلاث مرات لانه صيف عندنا وماشاء الله الحر مو طبيعي
بس هالحكه هذي شمنه وليش مادري؟ وسويت تحليل دم حمدالله مافيني شي ومرتين سويت مو مره وحده وثلاث دكاتره كلمت وهمن يقولون نفس الشي ماكو شي؟؟
وبعد بنات رقبتي انا حمدالله رقبتي نظيفه وبيضه وهمن اهتم فيها وايد, فرقبتي شالي صار فيها, انه يوم من الايام صارت حمره واتحكني حيل حيل وقمت احكها والله يسلمكم نمت وقعدت ولا ايصير مكان الحمار بقع بنيه؟؟
بنات بدون مبالغه واضحه البقع انا حدي مصدومه اشمنه صار جذي مادري؟؟
لا تقولولي انتي فيج حساسيه من اكل معين او فيج من الجو او غير جذي,, انا الحمدالله من صغيره لي قبل لا يصير فيني جذي وانا مافيني حساسيه بتاتا.

فصج شي محيرني من شنو قاعد يصير فيني جذي مادري؟؟ انا ماعترض على شي ربي بلاني اياه بس السبب مجهول ودي اعرف من شنو…؟؟ وفي احد مر بهالمواقف الي مريت فيها؟
وشنو تنصحوني فيه,,,؟

ناطرتـــكم