صج هالمشكله موجوده بالرجال المتين ؟؟؟

السلام عليكم
رفيجتي تقدملها واحد متين مو متبتب ولا متروس لا بطه يعني مثل محمد الحملي تقول انه من جامعتهم ودام طلعاتهم مع بعض اذا راحو المزرعه تمدحه حيل تقول معروف انه طيب وحنون واخلاق ماشاءالله عليه وفوق هذا منصب حلو يتشغل مهندس بالنفظ ودازينه يكمل ماستر وتعرف خواته وامه تمدحهم حيل حتى مرت ولدهم مدليلنها حيل وصايره وحده منهم وفيهم اذا صارت نايمه يخشون لها غدا ودايم يوصون اخوهم عليها والولد معروف باخلاقه وطيبته لدرجه انه امه تقول مابي اخطبله اي وحده ابي وحده معاشرتها اعرف طبعاها عدل ابي وحده تستاهل ولدي يعني اختصار الولد مايتطوف من ناحيه الاخلاق والمنصب والاهل وحتى السكن بيتهم كبير وشقتها بتصير كبيره يعني ماراح اتضايق ابد تقول لما خطبني انا استانست حسيت جني انطره من داخلي وافقت
بس لما خطبها قعدو خواتها الكبار يضحكون يقولون لها تخليني توافقين عليه تقول انا انصدمت قلت ليش شفيه جان يقولون لها من صجج الولد بطه اول شي بيصرعج بالريحه .. قالت مو شرط يمكن الولد نظيف على طول يستبح ويرش ديو درن وماكو ريحه قالولها خلي الريحه على صوب اهم شي انه مايقدر يجيب عيال لانه المتين دايم تلقينه فيه مشاكل من هالناحيه تقول انا مسكت برييييييييييييييييك قلت شدراكم اصلن الحين فيه تحاليل وتبين كل شي قالو انه التحاليل بس حق الجينات والدم اذا يركب مع بعض ولا لا ماله شغل بالامراض التناسليه جان تقول اختها انها تعرف ثنتين متزوجين متان تقول وحده صارلها 5 سنين ماجابت والثانيه 3 سنين ويقولون انه من الزوج حتى فلانه بنت جيرانهم خذيت واحد مطلق صارله 4 سنين ماجاب منها شي ولما تزوجت غيره ماصكت السنه الا ولدها بايدها وكاه من خذا بنت جيرانه ماحملت منه صارلها سنتين …….

تقول انا قعدت افكر انه الولد زين وكل بنت اتمناه بس اذا فيه هالمشكله لا يبا عاد الحلوه دقت تسألني وانا ماعندي خبره كلش

قلت لها انه ماعندنا متان كلش بس جنه وحده من حريم اخواني بنت خالتها صارلها 8 سنين ماجابت شي وتقول من زوجها عاد اذكر شفت صورته كان متين بس ما اقدر اقولها منه لان مو شرط اتوقع فيه متان عندهم عيال عادي المهم قلت لها راح انزلج الموضوع بالمنتدى يمكن احد يفيدج جان تقول علي يردون الا الناس هونو قلت لها افا عليج البنات اهنيه مايقصرون بسرعه راح يردون ويفيدونج عاد المسكينه قعدت توصيني شنو اكتب وشنو اقول عاد انا شديت الظهر فيكم ونخيتكم اتمنى تفيدونها …
اذا فيه وحده متزوجه متين ختقولنا انا ما ابي ادش بخصوصيتها بس ابيها تقولي توافق عليه ولا لا ما ابي اكثر من جذي
واللي تعرف احد من العايله متين شلون عايش مع مرته عادي ولا فيه مشاكل بنات انا مو قصدي تجريح او اي شي بالعكس البنت موافقه عليه وراضيه بس مشكله الانجاب اصلن دايم المتان تلقين قلوبهم طيبه ودمهم خفيف وانا بصراحه استانس عليهم
يلا بنات انطر ردكم ومساعدتكم لا تفشلوني فيدتكم