صريحة النسب من تجمع ديسمبر ولدت بالسلامة الحمدلله

ناطرين قصتج

يالله ابدي القصه

نا الحمدلله على كل حال ولادتي الاولى قبل سنتين كانت قيصريه .. والسبب ان تعديت شهري وانا ما ولدت وحطولي طلق صناعي وطولت والبيبي مانزل بالحوض ورحمي ما تبطل الا 2 سانتي
وهالمره تفائلت وايد وقلت انشالله طبيعي وبصبر وماراح استعيل واصلا ماراح يقدرون يحطولي طلق صناعي لان مو زين على العمليه السابقه .. المهم خذيت شهري كلله وقبل اليوم اللي محددينه لي عساس ان اخر موعد للولاده حسيت بطلوق خفيييفه (يعني قبل موعدي باسبوع تقريبا وان احس بالم دوره بس مو منتظم وخفيييف وسوولي تخطيط وشافت الدكتوره ان في طلق بس خفيف ومع كل طلقه نبض البيبي ينزل اسمالله عليه بس مو وايد بالمعدل الطبيعي يعني.. ولمحتلي ان احتمال قيصيريه وبعدين عطتني فوق اخر موعد اسبوع زياده لان شافتني ان حيييل خاطري بالطبيعي ..وقالت انتي تعديتي شهرج وتقدرين تشربين خروع .. طبعا بعد مافحصتني وشافت ان الرحم امبطل من 2 الى 3 سانتي تقريبا وعنق الرحم في مرونه ولان البيبي قاعد يكبر نبي فرصه اكثر للطبيعي يعني احسن من ولادتي الاولى .. لأن ماكان فيني كل هالبوادر وانا تفائلت اكثر واكثر

وعلى فكره انا كنت واااايد امشي من قبل التاسع واتحرك .. بالسوق وعلى البحر خاااصة اخر اسبوع من شهري كنت امشي على تراب البحر لييين ينهد حيلي وكل شي سويت غير التمارين وتنظيف الشقه .. يعني بذلت مجهود لأن حسيت ان هذي فرصتي للولاده الطبيعيه وان هالمره راح تكووون حاسمه يعني بعدهااا يااا ان كل ولاداتي قيصريه او طبيعيه

المهم وشربت الخروع الساعه 11 بلليل وماسوالي شي غير الاسهال عزكم الله لمدة 3 ساعات تقريبا

وصار ثاني يوم وهم شربت النص اللي بقى على الساعه 1 الفير وهم صار شوية اسهال عزكم الله بس اخف من المره الاولى ونمت

وعلى الساعه 7 الصبح حسيت بالم دوره يررروح ويرد ومنتظم استاااانست حيييل والالم تقدرين تتحملينه عاااديوقعدت بالبيت ومارحت العياده الا الساعه 2 الظهر وسوولي تخطيط وشافوا ان في طلق زييين ومنتظم والرحم امبطل نفس الشي من 2 الى 3 سانتي

وقالت الدكتوره المصريه .. هااااا اخيرررا يا صريحه ؟؟ ازغرط ؟؟ خخخخ

وقالت يالله دخووول ع المستشفى وانشالله اليوم بالليل انتي والده

وطلعت منها وقلت حق زوجي ماني رايحه الحين بنطر ليي الساعه 6 وبروح

قاللي اوكي احسن بعد عشان ما تروحين الا انتي موصله انشالله

ورحت البيت وجهزت اغراض بنتي واغراضي وقريت على نفسي والطلق مستمر بس اتحمله عادي

المهم طلعنا الساااعه 6 وللاااااااا

ما احس بشي !!!!!!!!!!!!!

سكووووووووووووووووووووون

اختفى الطلق

امبيه احبااااااط

وقاللي زوجي خلاص ميخالف نروح نمشي يمكن يرد لج ورحنا مشينا ومااااكو .. ولااااااا جنه شي صار

استغفر الله

ورجعت البيت محبطه وقلت يالله خيره خل اشوف بنتي واقعد معاها وتعشيت ورحت بلليل الساعه 12 بنام

جاااااان يشتغل على الطلق على اصووووووووووووله

بنات ما اقدر اوصف لكم ..عواااااااااااااااااااااااار خيالي مايخليني اقعد ومنتظم كل دقيقتين ما يعطيني مجااااااال ابد ابد .. فاجأني

استغربت ..اثاري اللي قبل 6 ساعات كان بس مقدمات

بس بيني وبينكم قلت ميخالف احسن اني ماراحت المستشفى من اول طلقه عشان لا يلعبون فيني وركضضضضه ع المستشفى وعلى طوووول الملاحظه وبعدين غ الولاده ويسووون الاجراءات المعتاده

الحقنه الشرجيه .. بس قلت انا ماخذه خروع الساعه الفلانيه قاولوا ماكو فايده من زماااان يعتبر

واااي انا صراخي شايل .. مع اني كنت ادرب نفسي اني مااا اصرخ لوووووووووول بس مووو بيدي وحطولي كمااااام عشااااااااااان يحطولي ابرة الظهر تخيلوا واااااي

وطبعا انا كنت طالبه الدكتور عمر الخطيب برويال حياة لان ممتاز ومجربته المره الاولى

وعقب ما غزني الابره كان تأثير الكمام فيني وحدددي منسطله واسمع زوجي يقولله ترى اهيا تدخل منتدى وتتكلم عنك وتمدحك وايد

جان افتح عيني واقووله :: اي دكتور سويت لك دعايه ويبت لك زباااين شتبي بعد (خخخخخخخخخخ شكوووووو )

اهما ماتوا من الضحك .. جان يقوللي خلاص وخري الكمام ..

قلت له عجيييييييييييييب ( جرررب ) لووووووووووووووووووول

قال لااا وخروووه عنها هذي قاضيه هههههههه

المهم .. هدت الاوضاع وخدرت شوي والطلق شغال طبعا بالتخطيط قوي حييييل

وبعد ساعتين تقريبا ارتفعت حرارتي وصخنت مايدرون ليش .. والبيبي نبضه زاد اسم الله عليه ونزلوا حرارتي بالكمادات والثلج وبعد ساعتين انزلت حرارتي

وانا تعذبت نفسيا والله .. وكل مايفحصون يلقون الرحم واقف على الاربعه سانتي .. يزيد نص ويرد يسكر نص ماااادري ليش

ويت دكتورتي على الساعه 7 الصبح والرحم على حاله وقالت على هالطلق انتي المفروض والده من زمااان والرحم متبطل

فانصحتني اني اتوكل على الله واسوي قيصريه ثانيه عشان البيبي لا يتعب وعشان جرح العمليه السابق

وقلت عشااان ضميري يرتاح بالمره بنطر بعد ساعتين ونطرت والوضع نفسه وتوكلت على الله

وسويت القيصريه الثانيه على الساعه 10 الصبح تقريبا تاريخ 24 ديسمبر ويبت محمد اسم الله عليه

والف الحمدلله والشكر على كل حال

بس بيني وبين نفسي قلت .. انا الحمدلله سويت اللي اقدر عليه وصبرت .. وهذا الشي مكتوب من ربي

والحمدلله وانا للحين بمستشفى رويال حياة .. خدمتهم وااايد حلوه

ودعيت لبنات المنتدى

والفال لباجي البنات اللي ماولدوا وعسى الله يقومكم بالسلامه انتوا وبيبياتكم

والله يرزق كل محرومه يااااربي الذريه الصالحه .. اللهم اااامين

ومااااا انسى خواتي بنات تجمع ديسمبر حباااايبي اللي وايد استمتعت وياهم بفترة الحمل وانشالله نكمل مع بعض بتجمع النفاس وبعدين التربيه والطفل .. والله يخليلكم عيالكم ويفرح قلوبكم فيهم يااااارب