صور استقبالي البسيط في زينه البنات

الحمد لله على تمام النعمه ربي رزقني باحلى بنوته الزينه الله يحفظها

انا ما سويت استقبال بس نظمت الغرفه بشكل مرتب و شغلي ناعم و بسيط
ولدت برويال حياة غرفه الكاميا ولاده قيصريه المستشفى رووووووووعه من كل النواحي و حلال فيهم كل فلس

نبدي بالمدخل التفافيخ هديه من اخوي الغالي الله يحميه بغربته و ثاني من بنات اختي فديت قلبهم

و هذا مدخل الغرفه

الاستكانات باسم بنتي سويتهم عن عضوه معانا من المنتدى

حلو لقهوه من واو صج واو و ماعون الفطاير فاضي ما صورته لما انترس حطيت منه اثنين و ترسته من فطاير من ام حنين

هذا صحن بنص الطاوله بدال المكسرات شريت فواكه مجففه و مغطيه بكاكاو من نت تري و بيض صعو باسم بنتي من ام يويو انا

هذا طقم المواعين مع الطاوله

و هذا كفري ناعم حييييييل من محل بالفنار فوق ما ادري شنو اسمه و عندهم وايد الوان منه

هذا بدال السوفنيرز التوزيعات لان احس راح موضة الشموع و العلب وووو هذا رايي الخاص سويت كوكيز على اشكال و اسم بنتي

و هذول توزيعات لناس السبيشل فقط من باتشي حجمهم كبر كف الايد و فيهم كوك البنت تتحرك و العلبه تطلع موسيقى الحيه ب 5 و نص

و بس