صور استقبالي بزين الشباب ()

السلام عليكم ورحمه الله وبركاته

شخباركم يا حوامل كويتيات ؟؟ الله يهون عليكم يا رب

قبل سنتين نزلت صور استقبالي ببنيتي كان بقاعه الجاردينيا .. وردودكم شجعتني اني انزل صور استقبالي بعزوز
الصراحه اهو مو استقبال .. تقدرون تقولون ان استقبال مصغر

اولا انا ولدت يوم السبت -4-2
بمستشفى رويال حياه .. واخذت غرفه الكاميليا (احسبوها لي 750 د.ك)
الغرفه وايد ناعمه .. وفيها مطبخ صغير وبارتشن يتسكر على الوالده

دكتورتي : خالده مجيبل
انا ولدتني ببنتي وولدت عندها هالمره .. و ان شاء الله المره الثالثه بعد
ارتاح نفسيا معاها .. احسها واثقه من نفسها
ووقت الولاده تسولف مع امي وجنه الوضع طبـــــيعي .. والله الدكتوره نكه
بس الصراحه بامراض النسا ما احب اراجع عندها فاروح حق دكتوره ثانيه .. بس بالحمال والولاده ما اثق الا بالله ثم فيها ..
سونارها واااااضح واهي واضحه معاج وما تخش شي عنج
وبالولاده تاخذ الموضوع سهالات وسوالف .. وخياطها حلو
بس عيبها الشرعي .. غااليه حبتين
(وطلع حسابها 300 د.ك)

نيي للصور

هذا مدخل الغرفه

[IMG][/IMG]

جانب من القعده (( البوكيه يايني هديه))

[IMG][/IMG]

الكفر (( ماخذته من برا الكويت )) نظام مفرش وشكه حده اينن مع الغرفه
مفتحها وايد والشك فيه نااااااعم

[IMG][/IMG]

[IMG][/IMG]

اخذت ثلاث بوكيهات ورد من محل (الريف الهولندي) بحولي
واحد حطيته بالنص .. وواحد على يمين السرير وواحد على يساره

(( هذا الي بالنص ))

[IMG][/IMG]

[IMG][/IMG]

وهذي على اليمين و اليسار

[IMG][/IMG]

نيي هق القهوه والحلو

الحلو اخذت من محلين
الاول : من محل بالصالحيه ما ثبت اسمه .. بس شغله وايد راقي .. اهو بالدور الثالث

بس في عيب .. الحراره تاثر على الحلو .. يعني لازم يكون بجو بارد وليتات اثر عليه وايد حسافه

الثاني : اهو مو محل .. اهو بيت (جوكليت اند مور) وعندهم فنااااتق
وهذا موقعهم http://www.chocolates-more.com/

[IMG][/IMG]

وهذا ركن القهوه ككل
والورد الي بالنص يايني هديه بعد بس طلع وايد حلو مع ركن القهوه

[IMG][/IMG]

لا تنسون تتقهوون قبل لا تطلعون

ضغطوا على الصور تطلع اكبر اوضح
وهالله هالله بالردود

في امان الله