صور استقبال ولادتي و السوفينير اللي سويته بايدي بالخطوات

بسم الله الرحمن الرحيم

السلام عليكم ورحمة الله وبركاته

بولادتي حبيت اني اسوي السوفينير اللي يتوزع على الضيوف بنفسي .. و بعد سويت بعض الاشياء اللي تتوزع بغرفه الولاده ..
بالبدايه تحتاجين فكره او ثيم مع تحديد الالوان ..
انا حبيت اني اوزع شمعه على شكل عربانه بيبي طلبتها من موقع

http://www.hotref.com/

تقريبا 75 حبه كلفوني 60 دينار ..
و حبيت ان يكون التوزيع نوعين .. الاول صندوق كبير يحتوي على الشمعه و لعبه دب او برواز على شكل عربانه بيبي .. و الثاني كيس صغير يحتوي على الشمعه مع كاكاو ..
الالوان .. عباره عن الازرق و الابيض و الفضي ..
الادوات المستخدمه مشروحه بالصوره ..

1) مسدس صمغ
2) شرايط متعدده الالوان
3) كاكاو و انا اشتريت من الفيرا بحولي نوعين كاكاو الكيلو تقريبا ب 12 دينار و يحتوي على 60 او 70 حبه حسب النوع ..و الكاكاو الثاني خذيته عشان حجمه و لونه من مطحنه بحولي ..الكيلو اظن ب 3 دينار ..
4) الشمعه و الدب و البرواز ( السوفينير)
5) كرستالات فضيه و زرقه و لوجو صغير واحد من السيراميك و الثاني من الخام للتزين
6) قش ازرق و رمادي

هذي الادوات تختلفف تكلفتها حسب النوعيه انا بالنسبه لي كلفتي وايد
بعدها زينت الكاكاو نفسه بالشرايط و الكرستالات
و بالصوره نفسها صحون بلاستك فضيه حطيت فيها قش ارزق و رمادي و مجموعه كاكاو ووزعته على الطاولات ..

هذي خطوات السوفينير .. اول شي تركبين العلبه البلاستيك .. بعدين لزقت الدب او بحاله ثانيه البرواز ..
بعدين حطيت الشمعه ..
بعدين القش..
بعدين الكاكاو .. حطيت كاكاوتين بكل علبه ..
بعدين تسكرين العلبه و تلفينها بشرايط انا استخدمه 3 شرايط عشان تعطي منظر حلو و اخر شي ازينها بسيراميكه صغيره مثل ما واضح بالصووره ..

و السوفينير الثاني الصغير كان عباره عن جيس فيه الشمعه و كاكاوه وحده .. بس الفنتك كان بالعربه اللي شايلته مالت البيبي ..شريتها بيضه بعدين زينتها بشرايط و كرستالات و قش و حطيت فيها السوفينير

هذي صوره نهائية للسوفينير و ترتيبه بالمستشفى ..

وخلصنا .. شرايكم؟؟

التكلفه الكليه بالنهايه كان تقريبا الحبه الوحده من السوفينير الكبير 4 دينار و الصغير 1 دينار
و انا سويت 70 حبه كبيره و 80حبه صغيره

خذي غرفه الكاميليا برويال حياه و كانت تكلفه الولاده ريبا الاجماليه مع الغرفه و السوالف الجانبه من سيرفز و كراسي تقريبا 1300 دينار … الحلو و الفطاير من امبرس .. كلفني تقريبا 100 دينار ..الكفر شريته من دبي حبيت لونه و خامته تقريبا كان ب 180 دينار ..
و هذي صوره الغرفه بالسوالف مالتها ..

اتمنى في حاله نقل الموضوع المحافظه على الحقوق الفكريه

انا اسمي فورست غامب في منتدى ثاني و ما حبيت اغير التوقيع عالصور

شكرا لمروركم على موضوعي