بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم
مابي اطول عليكم
انا كل سنه امسك اشراف ادراي
واحب في بداية السنه ان اميز طالباتي اللي اشرف عليهم
يعني في اول يوم دراسي اشلون استقبلهم ؟؟؟
شنو اسويلهم ؟؟
شنو اهديلهم ؟؟
اتمنى من المعلمات المتميزات انهم يفيدوني بالافكار الحلوه والمتميزه 
ناطرتكم
السلام عليكم
مابي اطول عليكم
انا كل سنه امسك اشراف ادراي
واحب في بداية السنه ان اميز طالباتي اللي اشرف عليهم
يعني في اول يوم دراسي اشلون استقبلهم ؟؟؟
شنو اسويلهم ؟؟
شنو اهديلهم ؟؟
اتمنى من المعلمات المتميزات انهم يفيدوني بالافكار الحلوه والمتميزه
ناطرتكم
زعلت
انا بعد اول مره امسك اشراف ادارى ممكن يا بنات تفهمونى ايش واجباتى وايش حقوقى بهالشغلة؟؟؟؟؟؟؟؟؟؟؟؟؟؟؟
انا ادرس متوسط و العام مسكت الاشراف اول مرة والصراحة ما كنت اعرف وايد لكن حاولت على قد ما اقدر اني اضبطهم بالكلمة الحلوة واختيار الرائدة المناسبة اللي تقدر تمسك الصف وتتحكم بالبنات لا يطلعون بالخمس دقايق
وسويت لهم لوحة الحائط غلفتها بورق كريشة ملون كل صف لون
وطبعت لهم جداولهم على ورق ملون بعد
وكنت ارتبها كل اخر اسبوع واعيد ترتيبهم عشان ما يتراكمون فوق بعض
والاوراق اللي خلصو منها اشيلها اول باول
واحط مراقبات للنظافة يبلغوني بكل وحدة تقط زبالة عالارض واكلمها ويسمعون كلامي الحمدلله
واذا عطوني جداول ولا تعليمات اوزعها اوقعهم بالاستلام بكشف الاسماء واحتفظ فيه عندي وحاطته في ملف ملون مرتب حق كل التوقيعات
واسمحولي انا اول مرة اصير مشرفة على الصفوف
وناطرين افكار البنات
موفقين
كل شي الا زعل فنانتنا الحلوه
شرايج تسوين لهم باجات بلون موحد عن الترشيد لكل بنات مرحلتج ,,,,,
اي احد راح يشوفهم بالمدرسه او الساحه راح يفهم انهم بناتج من الباج ,
في اقلام تشترينهم من المكتبات وتاخذينهم لمطبعه يطبعون عليهم الي تبين
مثل اسم المدرسه ,,, او اهداء من الاشراف الاداري ,, او اهداء من اسمج
اول اي شي وقدميه لهم تذكار طول السنه منج .
واذا تبين تميزينهم ممكن انج تطلبين من المديره ساعه بعد تقسيم البنات على الفصول
وتسوين لهم برنامج نصايح ومسابقات حلوه وخفيفه ,, لا تقولين كبار عادي حتى لو كبار
مو شرط حفله ومسابقات وهالسوالف لا ,, نظمي لهم المسرح وجهزي الميكرفون
وجهزي لج شوية نصايح عن النظافه والدراسه والاخلاق ,, وجم سؤال والي تجاوب هديه
كسري الروتييييييييييييييييييييييييين الي متعودين عليه
وموفقه يارب
بصراحه أنا مع إختي ضحاوي بس الباجات لكل صفوفج وايد مكلف
ليش ما تحطين بكل صف رائده وتلبسينها باج بلون مختلف عن لون الصفوف الثانيه
وكل اسبوع تكرمين بالطابور الطالبات المتعاونات مع رائدة الصف وتحسينهم محافظين
على نظافة الفصل وراح تشوفين تنافس شديد بين فصولج
وإنشاء الله أكون خدمتكم بالموضوع
وحاضرين للطيبين
ضحاوي ياحياتي احد يقدر يزعل منج مستحييييييل الله يعطيج الصحه والعافيه خوش افكار وراح ابلور الافكار واقولكم شنو يصير معاي
انا هالسنه اشراف للصف الثامن (يعني رابعه متوسط )
الله المستعان
واي الله يعينج الفنانه ,,,,,,,,,,
عاد ثامن شكبرهم ,, يالله قدها وقدود ان شالله
واذا ضبطتي شغلج مو تنسيننا
نبي نستفيد من تجاربج وافكارج
وموفقه حبيبتي
بس ماعمري شفت هالافكار من الابلات
وشكلي بصير فنتك وذربه مثلكم
وبسوي فناتك واونس البنات معاي
بصراحه انتم مبدعيييييييييييييييين
الله يوفقكم ياااااااااارب
اول شي فكرت في ان اسوي بووووستر حلو وكبير احطه عند مدخل الباب مال المدرسه في بعض النصايح للطالبات واكتب تحت مشرفة الصف الثامن (……)اسمي طبعا
وراح اسوي لوحات كبيره وحلوه علشان احط فيها الجدول مع اسامي الطالبات لكل صف وبروح اشوف دسمان
وراح انقي طالبه من كل صف تكون اهي المراقبه او الرائده للصف واسويلها كرنيه حلو احط اسمها وصورتها لتكون معروفه عند الطالبات والاهم انها تكون متفوقه وذات اخلاق عاليه وشخصيه قويه
واحتمال ان اشتري لهم هديه جدا بسيطه وارفق معاها ورقه صغيره عباره عن مسجات تربويه فيها نصايح للطالبات
ها اشرايكم بافكاري ؟؟؟؟؟
واذا بعد فكرت في شي راح اقولكم ناطره ردودكم
حلو انج تنقي وحده من البدايه وتسوين لها كرنيه وصورتها فيه واسمها
هذا راح يحفزها اكثر انها تحافظ على مستواها وانها تكون دايما القدوه
يعطيج الف عافيه