ضروري جدا الثقافه والادب عند عبدالله القتم

محاضراته بسيطة وآنه استغرب من الطلبة يقولون يدقق بالغياب مع انه لما خذيت عنده كان عادي مو شديد وغاب وايد بس يمكن حالة شاذة

والامتحانات مباشرة ويحب الواحد يكتب مايحب الاختصارات والي يكون معاه أول بأول بالمحاضرات ويخليه يحفظ اسمه يضمن الA حتى لو مزفت بالميد تيرم مثل حالتي بالميد تيرم الاولي نقصت 5 درجات والثاني 3 درجات بس بالفاينل شديت حيلي وحصلت A-

على فكرة يرفع قرييد حق كل الطلبة

————————————————

الدكتور امتحاناته سهله وشرحه سهل

بس اهم شي عنده الغياب مايطوف محاضره بدون لاياخذه

انا ماغبت ولامره عنده و الميدتيرمات متأكده اني مقدمه عدل فيهم و الفاينل بعد

وواجباتي مسلمتها له بس مادري شفيه حاطلي c+

——————————-

دكتور عبدالله القتم من اروع الدكاترة اللي خذيت عندهم
والله حبووووووب حييييل ويتغشمر معاااااااااانا

وينكت وشرحه حلووو خصوصا لما يشرح لما الابيات
يقعد يتغشمر بالشرح ويضحكنا وايد >> ونااااااااااااااااااسه

اللي يكره الشعر والشعرااءيااخذ عنده والله يحببكم بالمادة
يحببكم بالدنيا وكل شي دكتوور والله حبييييييييييييييبب

الله يعطييييييييييييه الف عااااااااااافيه

امتحاانااته مباااااشرة بس لازم تركيز شوي

طيب بالدرجااااااات ..
——————————-

هللو

خذيت هذي المادة في الكورس الأخير لي بالجامعة " كورس التخرج " في سنة 2017 الكورس الأول، وقت المادة كان من 9:30 إلى 10:45 كل اثنين وأربعاء..

دكتور عبد الله القتم دائم الغياب، ف الي يحبون الغياب ياخذون عنده، وما يحب أحد يتأخر ويحب تحضر قبله. طريقة تدريسه داخل المحاضرة عادية يعني مافيها اجادة ولا فيها شي ابتكار، لكنه وايد يشطح ويتكلم عن ذكرياته أيام الدراسة وأيام قبل او يتكلم عن عياله.

إذا داومت متأخر ادخل القاعة عادي لكنه يعاتبك وحاول قد ما تقدر المرة الياية إنك تداوم ابجر لأنه راح يلاحظ إذا كررت التأخير، وبكل بساطة بعد المحاضرة قوله دكتور سجلني حضور وبيسجلك عادي، وفي أيام ما ياخذ غياب يعني مزاج..

نظام درجاته:

امتحان أول 15 درجة

امتحان ثاني 20 درجة

حفظ أشعار 10 درجات

حضور ومشاركة وواجبات 5 درجات

امتحان فاينل 50 درجة
________________________

المجموع = 100 درجة

الامتحان الثاني كان 20 درجة وياب سؤال واحد بس تخيلوا تدرسون وتدرسون وبالتالي سؤال عليه 20 درجة، عاد انا بدعت عدل وحطالي 14 من 20 ولأني شاطر عنده وماخذ بالأمتحان الأول 13 من 15 وأحب اشارك واهو متعاطف معاي قالي مع 3 اشخاص نسوي تلخيص عن أحد الكتب وبيزيدنا عليه من 4 إلى 5 درجات.. والحمدلله زادني وصرت من 14 إلى 18 من 20

على فكرة بالفاينل راح يزيد الكلاس كله بونس 5 درجات شتبون بعد؟ سواء كنت شاطر او نص ونص أو كسلان بيزيدك 5 درجات

لحد ألحين ما طلعت نتيجتي وباجر بشوفها بس انا متأكد اني
ماخذ -A اما امتحانه الفاينل كان 6 أسئلة نحل 4 فقط وأول سؤال اجباري.. مستوى اختباراته بوجه عام متوسطة يعني تنحل

المادة هذي فيها 8 قصائد شعرية ويبي تحفط من كل قصيدة 15 بيت يعني احنا حفظنا 112 بيت خلال كورس كامل وكل اربعا يسمع لنا ياهم على ورقة تكتب الي حافظه ان شالله لو كلهم واحلى شي ان بالامتحانات ما يقولك سمع لأنك سمعتهم وخذيت درجة عليهم..

الدكتور أنصح تاخذون عنده لأنه أحسن من غيره، مع إني من بداية الكورس بخطاري آخذ عند عبد الله الهين لأني أعرف طريقته بس قلت يله لأني خريج الكورس الأول لحد ما أفتك وأتخرج من هالجامعة.. والحمدلله صار هاليوم..
————————————-

هذا الدكتور حده حده مليق و إذا بتاخذ عنده غش لأنه مايدري شسالفه أشكره بلإمتحان تكتب مسج و تنقل القصيدة ماعنده مشاكل و ماكو شي يعجبه انا بالميدتيرم ناقص بس درجتين و آخر شي عطاني b- ظلمني والله بس ما راح آخذ عنده مرة ثانية حده داااااااااااااااااايخ و الدرجات على كيفه مسقط بنت قايلها انتي ما تصلحين تكونين أبلة عقب 5 سنين دراسة ياي يقولها انتي مو أبلة اي شي صح

و امتحاناته معروووووووفة ما تتغير

هذي بعض التقيمات له