طالبات الحقوق تعالوا شوي حابه استفسر :)

أهلا أهلا
دراسة الحقوق أنا اشوفها حلوه وسهله , تدرسين اتيبين, ماتدرسين ماتيبين . والمواد مفهومه مافي مشكله , اللي عليج اتسوينه انج تختارين الدكاتره الزينين . بس موتحطين اببالج ان الجامعه نفس الثانوي .. لأن بالثانوي تاخذين درجتج بالضـــبــط ..أما بالحقوق غير .. راح تتفاجئين انج ناقصه اكثر من اللي متخيلته ..بس مو معناته انج مو دراسه !لكن لازم يحوشج طشار .. ابكل مكان تلقين هالشي ..ولو ان بالحقوق اشوي اكثر.. وراح اتحسين انج مظلومه بوقت الفاينل .. اما بالمدتيرمات اذا دكتورج من الدكاتره الزينين عادي تاخذي اللي تستحقينه عادي ..
أمبييييي عاد الحقوق مستـــــــــــــــــــــــــــــــــــــــــــــــ ـــــحيل ماتلقين شغل !! مستحـيــل !! مجال الشغل فيها واااااااااااااااااااااااااااااااااااااااااااسع .. والراااتب عاااااااالي .. ماعجبج الشغل ابمكان.. اتشيلين اغراضج واتحولين مكان ثاني .. اللي يدشون حقوق يدخلونها لأنهم عارفين ان مجال الشغل فيها واااسع .. فلا تحاتين
أظن القبول الفوري (اللي شهر6) من 92% وفوق .. والقبول المتأخر (اللي شهر 8) 85%

المشاركة الأصلية كتبت بواسطة login هااااي انا موبالحقوق بس اخوي بالحقوق واحب اقولج اذا انتي صج حابه الحقوق لاتضيعينها من ايدج بس يبيلج معدل شوي عالي علشان تضمنين قبولج بالكليه الدراسه شوي فيها صعوبه ويبيلها مجابل اذا جابلتي اول باول راح تييبين درجات حلوه طبعا اهيا نظامها سنوي وكل سنه محددين لج المواد اللي تاخذينها واعمال السنه كلها عليها 40% وامتحان الفاينل عليه 60% وطبعا الدوام مومع دوام الجامعه دوامهم بعد دوام الجامعه يمكن باسبوع ويعطونكم عطله قبل الفاينل وبين كل امتحان والثاني في فجه على الاقل ثلاث او اربع ايام وماكو امتحانين بنفس اليوم وبالنسبه حق الدراسه مثل ماقلتلج بس مايبيلج بس تحفظين لازم تفهمين وبعدين تحفظين وبالنسبه حق مجال الشغل منو اللي قالج ان مافي شغل ؟؟؟ بالعكس اكثر وظيفه مرغوبه وتقدرين تشتغلين بكل مكان اهيا الحقوق مجال الشغل واااااااااااايد واسع مثل ماقالتلج الاخت اللي قبلي بس طبعا المعاش يختلف في اماكن معاشاتها قويه وفي اماكن لا انتي اللي عليج هاتي المعدل وماعليج ان شاء الله تنقبلين بس انتي طالبه بالثانويه ولا بالجامعه وتبين تحولين حقوق؟؟؟ وموفقه حبيبتي

تسلمين يا قلبي

وانا كلامكم حيل شجعني وشكلي الحين خلاص بروح اقدم هناك وامري لله

وعلى فكره امي سوت لي استخاره وطلعت حيل زينه ان اروح هنـاك

يالله ادعولي ان يقبلوني هنـاك لاني صج صج متمسكه فيها وحابتها

وعلى فكره انا نسبتي تقرييبا قريب للـ 88% فما ادري اذا اضمن قبولي هنـاك