طالبات متلازمة الداون في ضيافتنا

قوة حبايبي
شلونكم
شخباركم عساكم بالف خير انتو وعيالكم يا رب

امس زارونا طالبات من متلازمة الداون ، فديتهم يهبلون ماشاءالله اجتماعيين واذكياء ويشاركون مع الكل ويتجاوبون بكل حماس مع الابلة اللي مسوية درس علوم لهم اهما بس عن الحيوانات وفوائدهم للانسان.

سوينا الدرس بحديقة المدرسة والجو رووووووعة يهبل وكانو الابلات يزاهم الله خير مزينين الحديقة بحيوانات وورد ويايبين

كتاكيت تهبل ملونة

وسوت الابلة الدرس وماشاءالله عليهم متحمسين ونشيطين ووايد استانسو عندنا واخر شي عطيناهم هدايا منوعة وصورناهم

وحضر الدرس مجموعة من مسؤولي المنطقة والتربية الخاصة وامهات البنات نفسهم

الصراحة مديرتنا الحبوبة سوت خير بهالموضوع والابلة بعد تبارك الرحمن يا زين اسلوبها وتعاملها معاهم

الله يخليهم لاهلهم ويوفقهم وييسر امورهم ويحفظهم من كل شر يا رب

وعسى ربي يخلي لكم عيالكم وتشوفونهم من احسن للاحسن