تخطى إلى المحتوى
الرئيسية » طبقي اليوم بالصور ستيك اللحم مع صلصه الفطر+سوتيه الخضار والبطاط المقلي

طبقي اليوم بالصور ستيك اللحم مع صلصه الفطر+سوتيه الخضار والبطاط المقلي

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام عليكم


اول شي الستيك
تتبلين قطع الستيك من الصبح بصلصه الصويا ومعاها ربع كوب خل ابيض وبصل مبشور وفلفل اسود وملح وتتركينه الى قبل الغدا بنص ساعه

تشيلين الستيك من الصلصه واقليه بشويه زيت خفيف على نار متوسطه لااهي خفيفه ولاهي وايد عاليه( او اشويه على الشوايه الكهربائيه)

المهم شيلي الستيك وصفيه في صينيه بايركس
وبنفس الزيت لاتكبينه سوي فيه الصلصه عشان ياخذ نكهه اللحم
اقلي بنفس الزيت الفطر مع فلفل اسود وملح و نص مكعب ماجي بنكهه اللحم وملعقه وسط صويا صوص الخفيف

ذوبي كفشه طحين بقلاص ماي وصبيه فوق الصلصه وخليه يغلي لما يثقل صبي الصلصه فوق الستيك وحطينه 10 دقايق بالفرن لما تتشرب الصلصه قدميهم بصحن انا زينته بخبز العرايس

وتقدرين تحطين يمهم مكرونه اسبكاتي او عيش انا احب السوتيه قدمته مع سوتيه الخضار وبطاطه مقليه

بالعافيه

الوسوم:

14 أفكار بشأن “طبقي اليوم بالصور ستيك اللحم مع صلصه الفطر+سوتيه الخضار والبطاط المقلي”

  3. madiha
    الرد
    لذيييييييييييييذ من وين تشترين الستيك وشنو اتقولين حق الريال ؟؟؟

    انا ودي اروح اشتري بس ماعرف النوع الجيد

    وهذي صورة منو بالتوقيع؟؟

  7. imilla
    الرد
    انا اشتريه من جمعيتنا فيه قسم للحوم ويبعونه مقصص وجاهز بصحون وفيه منه السميك ومنه الخفيف وتقدرين تقولين للبياع ابي ستيك وتطلبين مثلا كيلو يقطعه لج حسب رغبتج اكوناس تحبه متين لذيذ بعد بس ياخذ وقت بالطبخ الخقيق بسرعه يستوي

  10. amira
    الرد
    تسلم الأيااادي صراحةه طبق من شكله لذيذ ،بس أشوف بالصوره نوع صلصة ياريت توضحين اختي اهي نفسها صلصة الصويا ولا نوع ثاني

  11. khouloud
    الرد
    يعطيج الف عافيه واخذي هالوصفه السهله هديه مني اخذي قطع الستيك حتى لو كانت سميكه طقيها لين تخف حمسي بصل مع مكعب ماجي بمقلاة سميكه فيها زبده مخلوطه مع زيت حطي قطع الستيك وشوحيها لين تصير بنيه جهزي ماي مغلي مهم يكون مغلي صبيه على اللحم وحطي ملح وفلفل اسود حب وكم حبة مستكه غطيه بغطا زجاج وخليه على نار هاااديه لين يشرب الماي راح يصير وايد ترف ومستوي من داخل وبرة وذا شلتي من المقلاه شيلي الصلصه حطي شوية زيت وحمسي المشروم جربوا وادعوالي

  12. kamiliya
    الرد
    ياحوبي لي غلط تصغرين النار وانتي تقلين الستيك لانه يطلع الماي من الستيك ويخليه قاسي مايستوي لازم تسخنين النار زين بعدين تخلين النار على الوسط وتحطين الستيك وتقلينه دقيقتين اوثلاث على كل ويه وتقلبينه وبعدها صفيه بصينيه الفرن وحطي الصلصه الي تبينها وبالفرن ماياخذ منج اكثر من عشردقايق ويستوي وعلى فكره الستيك حلاته تشترينه طري مومثلج وتسوينه يطلع ترف

  13. hanan
    الرد
    الجوهره اذا تقصدين البطل الي وره الصحن هذي صلصه تايلنديه نفس الكاتشب بس فيه ثوم وفلفل حار وشويه فيها حلاه احب اغمس فيها البطاط والعرايس يعني تتقدم مع الاكل مثل الكاتشب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.