هذا الطبق هو المفضل عند ابو العيال
وبصراحة لذيذة بس نوعا ما دسمة
يعني سوي سلطة اضافية تكون خفيفة معاه
وراح اكتبها لكم بالتفصيل وترى الطبق كله اسويه بساعة ونص تقريبا
اول شي: تسلقين دجاجة مع بهاراتها والملح وتخلينها تطبخ لمدة ساعة تقريبا
بعدين اطلعينها
اثناء سلق الدجاج : زهبي اغراضج اللي اهي:
اخلطي كويك ويب ( اللي نسميها كريمة حمراء قبل مالت كي دي دي ) مع ثلاث ملاعق كبيرة جبن سائل ( انا احط مراعي الازرق)
قصصي 4-5 بطاطات متوسطة الحجم الى مربعات واقليها
قصصي فلفل بارد و بصل الى مربعات – دقي فصتين ثوم – قصصي شدة بقدونس
بعدين احمسي البصل والفلفل مع بعض بشوية زيت وقصري على النار عشان ينضج البصل والفلفل وحطي عليه شوية بهارات – شوية هيل بودرة – دارسين بودرة شوية – كركم
بعدين حطي الثوم وبعدها حطي البقدونس وبعدها حطي الذرة ( علبة العملاق الاخضر الصغيرة) وقصري على النار حيل وقلبي الحمسة
تاخذين الدجاجة وتفتتينها مثل الشورما وبعدين تحطينها فوق الحمسة وتقلبينها مع الحمسة
تجيبين بايركس وتحطين البطاط المقلي الطبقة الاولى
فوقها تحطين حمسة الدجاج
بعدين جيبي خلطة الكريمة وصبيها فوقها بشكل دائري وراح تنزل الكريمة الى قاع البايركس
ولعي على الفرن من فوق وتحت ( انا اولعه قبل لا ادخل الطبق بعشر دقايق تقريبا )
وحطي الطبق بالنص وانطري عليه عشر دقايق
راح تتحمر قليل من اطراف الدجاج البارزة شوي
ومن تحت راح يتشرب البطاط بالكريمة
وحطيها على سفرتج وتنوكل مع الخبز وبالعافية وهذي صورة الطبق صورتها بتليفوني بس للاسف ما طلعت واضحة حيل
هذا الطبق هو المفضل عند ابو العيال
وبصراحة لذيذة بس نوعا ما دسمة
يعني سوي سلطة اضافية تكون خفيفة معاه
وراح اكتبها لكم بالتفصيل وترى الطبق كله اسويه بساعة ونص تقريبا
اول شي: تسلقين دجاجة مع بهاراتها والملح وتخلينها تطبخ لمدة ساعة تقريبا
بعدين اطلعينها
اثناء سلق الدجاج : زهبي اغراضج اللي اهي:
اخلطي كويك ويب ( اللي نسميها كريمة حمراء قبل مالت كي دي دي ) مع ثلاث ملاعق كبيرة جبن سائل ( انا احط مراعي الازرق)
قصصي 4-5 بطاطات متوسطة الحجم الى مربعات واقليها
قصصي فلفل بارد و بصل الى مربعات – دقي فصتين ثوم – قصصي شدة بقدونس
بعدين احمسي البصل والفلفل مع بعض بشوية زيت وقصري على النار عشان ينضج البصل والفلفل وحطي عليه شوية بهارات – شوية هيل بودرة – دارسين بودرة شوية – كركم
بعدين حطي الثوم وبعدها حطي البقدونس وبعدها حطي الذرة ( علبة العملاق الاخضر الصغيرة) وقصري على النار حيل وقلبي الحمسة
تاخذين الدجاجة وتفتتينها مثل الشورما وبعدين تحطينها فوق الحمسة وتقلبينها مع الحمسة
تجيبين بايركس وتحطين البطاط المقلي الطبقة الاولى
فوقها تحطين حمسة الدجاج
بعدين جيبي خلطة الكريمة وصبيها فوقها بشكل دائري وراح تنزل الكريمة الى قاع البايركس
ولعي على الفرن من فوق وتحت ( انا اولعه قبل لا ادخل الطبق بعشر دقايق تقريبا )
وحطي الطبق بالنص وانطري عليه عشر دقايق
راح تتحمر قليل من اطراف الدجاج البارزة شوي
ومن تحت راح يتشرب البطاط بالكريمة
وحطيها على سفرتج وتنوكل مع الخبز وبالعافية وهذي صورة الطبق صورتها بتليفوني بس للاسف ما طلعت واضحة حيل
ومشكوووووووووووووووره
وتم تصغير الصور
ويشرفني مروركم
يعطيج العافيه ياقلبي
يسلمووووووو هاليدين ياقلبي
شكلها لذيذ
وتسلم ايدج