طبق يديد من سباجه صينية دياي بالخضار والصلصه

السلام عليكم

شلونكم شخباركم

ييتكم اليوم ويايبه لكم خوووووش طبق يستاهل بقكم النمنم

اسم الطبق

دياي بالخضار والصلصه

المقادير:

×دياي فيليه مقلي ومقصص صغار
×بصل مقصص صغار
×مكعب ماجي واحد
×بطاط + جزر + كوسا + باذنجان(حسب الرغبه) <<< كلهم مقصصين صغار ومقليين
×علبه وحده قيمر
×3 ملاعق جبن المراعي(القشطه) يعني تقريبا كوب جبن صغير

الطريقه:

×نحمس قطع الفيليه مع البصل ومكعب الماجي
×نخلط الخضار المقليه مع حمسة الدجاج ونضعه في البايركس
×نخلط علبة القيمر مع مقدار الجبن جيدا ثم نصب الصلصه فوق خلطة الدجاج بالبايركس(ممكن مضاعفة مقدار الصلصه حسب الحاجه)
×نزين الطبق بالجبن وندخله الفرن ثلث او نص ساعه

شرايكم ما في اسهل من جذيه صح

الصور

هني خلطة الدياي مع الخضار المقليه

في مرحله هني نسيت لا اصورها واهي لما صبيت الصلصه فوق خلطة الخضار

حطيت الجبن للتزيين

بعد ما طلعتها من الفرن

هني سويتها للمره الثانيه بس هالمره سويت تغيير بسيط

هذي خلطة الدياي والخضار

هني التغيير صار….خلطت الصلصه مع خلطة الدياي عدل قبل لا احطها بالبايركس(يعني ما صبيته فوقها مثل المره الاولى)

حطيت المكس بالبايركس

واهني عقب ما طلعت الماعون من الفرن

وهذا الشكــــل النهــــــــائي ……. شرايكـــــم؟؟؟؟